بدورة طمنيني عليتس تكفين

ارفففففففففففففففففففففففففففففففففففففففع ارفع ارفع لعيون بدورتنا

للرفع

ياحبي لكم يابنات والله انكم وحدة وحدة كل وحدة اروع من الثانية


جايتكم بسالفة طازه توها صايرتن لي....

اختي اللي سألتني عن عمري ...انا توني بالغة الحق يقال:)..



يعني بين الاربعطش الى الاربعين عمري ...وانت اختاري الاجابة الصحيحة عاد:)


..............




بااااااانغ....


هذا مايصلح الا لوحدة عندها تلفزيون بريطاني..

واخزياه من هالتلفزيون البريطاني ....بس

تلاحظون ....هذا شيء جدير بالاحترام ترا...

ان الفترة من الصبح والى الساعة تسع فترة ...وربي انها انظف من قنواتنا العربية الفاشخة المتاحة للأطفالنا وبنياتنا....


روتانا وماجر غصنها....وام بي سي ثري ....(وش ذكرتكم فيه الكلمة الأخيرة..؟؟:) )


اجل من عقلكم يابنات وهذي حرتن في قلبي من يوم اني في السعودية ويوم طلعت هالقناة اللي اسمها ثري....هل فيه قناة موجهة للأطفال تجي فيها مقاطع اغرائية وافلام كارتون فيها مقاطع مخصصة للبالغين؟؟

لعن ابو داركم من عرب متخلفين ....صدقوني بنات وهذاني اشوف التلفزيون البريطاني هلحين...

وربي انه حتى افلام الكبار مافيها مشهد مخل بألاداب على الاقل بالنسبة لهم...


حتى البوسات الي عندنا يالقنوات العربية مثل سلام عليكم.....ماتلقينها بكثرة وبكثافة زي ماتلقينها عندنا...


لكن تعالوا شوفوا فترة مابعد التسع...فترة فعلا للبالغين....:)


واخزياه...فيها برامج توعوية وتثقيفية جنسية ....لكن هم في ثقافتهم هذا اعلام موجه وموب مخل مادام انه هادف...حتى لو طلع كل شيء ربي كما خلقتني...

لكن لفت نظري قضية احترامهم للطفولة وسن الاطفال والفترة المخصصة اللي للأطفال...
فعلا افلام للأطفال...

لافيعا عنف...لافيها دبج ودبيج حق نينجا ترتلز...


لافيها جنس او تلميحات جنسية من اي مستوى...ولاحتى الملابس اللي في ثقافتهم ماهيب محتشمة..

لافيها توجيه مباشر او حقن وعبئة للطفل بأفكار اكبر منه...

كلها تنطلق من قضايا ومشاكل الطفل...العنف في المدرسة ومشاكل المدرسة وكيف يحقق ذاته ويصنع طيارته ويخترع ومن هالحكي اللي نفتقده في القنوات اللي سمّوها بالغصب قنوات اطفال...وهي في الحقيقة قنوات بالغين بس ملبسينها لبس بزور...

ياقلب لاتحزن...


الحاصل....تراني صايرتن هاليومين غثيثة عقب الصخنة امس...


اليوم رحت ارسل بريد ومير القى بمكتب البريد صيدلية (الرابط العجيب حق سبيس تون تراني احب واشجع سبيس تون احسها قنات اطفال موجهة ورائعة وبجيبها لولدي اذا جبناه ان شالله)...


المهم وانا ماسكتن سرا وانا اطالع في مستحضرات التنظيف اللي في الصديلية


وانا من يوم سكنت وانا اعاني من مشكلة تلميع الاسطح اللامعة (احلفي عاد)...ماعندي الا صابون وديتولن مروح ...


انا ابي شين يلمّع...عادا انا من يومني بالفندق وانا اشوف اعلان عن مستحضر تنظيف اسمه بانغ..


يجيتس واحدن يغط ريال الحديد حق الانغليز مصدي ومروح في هالبانغ همن يجيك يتلاصف من النظافة تقولين توه مسكوك...

طاعون بليس ابيه.....عادا انا ترا من يومني برابع وانا اتأثر بالاعلانات اول ماطلعت الاعلانات وسووا لنا قضية قبل لايصيرون يلبسونهن حجاب ...
:) هذا طبعا قبل يطلع الدش...

كنت اي شيء اشوفه في الاعلانات اروح اطير اجيبه والا اتصل على اخوي الدحمي يجيبه ...يعني مسوية قلق هالاعلانات لأهلي الين زوجوني وارتاحوا مني..

يومني عاد شفت البانغ واقوم اطير اكتب اسمه بالدفتر حق الكلمات الانغليزية قال ابونا وشو ذا؟؟


قلت اللي يلمع السطوح ويخليهن يبلصن...


عاد كل هذا طرّاه يومني بالسرا حق البريد وشفت المستحضرات حقت اتنظيف



قلت لراعي الصيدلية يالوجه الطيب وين بانغ؟؟


قال لي وشو بانغه؟؟

قلت ذاك اللي يغطّون به ريال الحديد وهو مصدي ويطلع فضي من جديد...

قال يالاخت والله ماادري انحن ماعندنا أريل حديد أنحن عندنا باوندات ذهب...


على فكرة الباوند ذهب ولا وشو؟؟؟رجلي يقول الحمد لله وله الشكر وشو ذهبه أنتي وخشتس؟؟


المهم لااطلع عن السالفة....قال لي راعي الصديلية فيه اشياء ثانية غير بانغ....قلت ماابي الا هو...


قال انتي وش تبين بالضبط؟؟

قلت ابي شين يتش ....واذا جاء على البلاط والا القزاز ينزل همن امسحه بنعومة زي الاعلان وتكون ظفوري طويلة وتملع همن يطلع يبلص تقل توه مصبوب...

قال ايه خوذي ذا...ويعطيني شين ثاني قلت آآآآآآآآبي بانغ...


قال ياشيخة خوذي ذا وعلى ضمانتي وان ماجاز لتس رجعيه واعطيتس مقاس أكبر (على قولت الاخوان اليمنا اللي بسوق المجد:) )...

انا تحمّددت من ابصاري وطرت البيت ومير ادخل واتروش واغير واكشخ والبس صندلي الاحمر الحبيب اللي من ومن سيكرت (قصتي قصة مع ومن سيكرت بنت اختي الوصخة تسميني ومن سيكرت من العيارة فيني تقول على كثر ماجاب ربي من ماركات ماتشرين الا منهم؟؟؟)

طبعا هو صندل بيت قماشي ....ينفع لأرضية جافة او بيت مفروش زي بيتي الحين...

بس من الطفاقة وقل الدبرة جبت التشاش اللي شريته من الصيدلية واقوم اتشتش في الحمام وانا توني مابعد نشفته...

والا مادريت الا قامت الأسطح تتلامع...والآرض تتلاصف...(تاءين موب تاء عشان تصير عربي فصيح)..وكل شيء كان مغبش وأشهب انجلى وانقشع وحل محلّه أناقة وجمال...

حتى ظفوري طالت وصار عليهن لمعة زي بانغ :) (ابو النصبة ياشيخ )...


المهم وانزل راسي واشوف الارض عليها احمر...وش سالفة هاللون الاحمر اثره صندلي القماشي رطص بالماء وااااااااااااااااااااااااهااااااااااااااااا

وانا انويتن اكشخ به لابونا ماقد تهنيت به من يومني في السعودية وللحين ماقد لبسته الا يرطص من الطفقة وقل الصبر....مااصبر اني افصخه قبل ادخل الحمام او المطبخ

....

واقعد طول بطني اعايط نووووووووووووو نووووووووووووووو



قلت اما نزلت مورين علي هلحين تقول من انتي تصيحين عليه؟؟؟


وعاد يوم جا ابونا واطير لمه قلت له شفت شريت بانغ...رح للحمام شف وشلون صار كل شيء يتلاصف؟؟

قال طب وش الفايدة اليوم يلمع ....وتتعبين وتنظفين....وهو بيتوصخ من باتسر؟؟؟



:)فلسفة رجاجيل....سبحان الله...!!!!!!



يتبع....

كملي يالحلوه كملي اهم شي انج توج بالغه خخخخخخخخخخخخخخخخ