المهم وبعد ما ساورني شعور النشوة...ودريت اني شوي اطير من الفرح قمت أويق في باب الغسالة القزاز ابي اشوف وشلون تشتغل...


وهي تقوم تفر وتدور وهي مابعد امتلت موية؟؟

هو؟؟؟


اخاف اني ماعرفت اشغّلها...ولا اني فريت الساعة حقت البرمجة غلط...


واقوم ارعص في الساعة ....وافره منا...وافره منا...مادريت الا بدت تنشّف..


قلت اقول مابدهاش...شكلي بقوم اسدحها واعبيها بسطل همن اصكها واشغلها من جديد...

:)

عاد اني ترجاعت عن هالفكرة الغبية آخر شي...


لأني فعلا فتحت الباب حقها ويقوم يسرّب موية على المطبخ المروح ياويليييييييييه..

انا زاد وش لقفني افتح الباب ؟؟؟


واقوم حتى الفوط ماعنديش فوطن امسح بها الموية اللي صبت مير اروح اجيب قطعة كرتون واقوم انشف بها لين ربصت وبلشت بها هي الاخرى..

الحاصل ان هالمشهد المأساوي بيني وبين شهد انتهى يوم قامت تفر تفر لين بدت تاخذ دورة التنشيف...


وهي تطلق هكالصووووووووت ورررررررررررررررررررررررررررررررررررررر


قامت الأرض تهز وتهز؟؟؟؟


قلت وش ذالارهاب واحزني؟؟؟


المهم وامعط فيشها آخر شي واهبط...


الله لايعيدتس ياشهد
...

زاد الله يرحم أيام غسالتي (حصة) حقت شقتي اللي بالرياض...


زاد يومني كنت أغسل بحصوص ماقد سرّب ما ولاانحاس مريري..


ايه يادويرتي....


يوم كنا هناك كان كل شين مفهوم ومكتوبن بالعربي.....

ويتعبّا من فوق......:)



يتبع...

في الانتظار:)

صابتني حمه اسمها بدورة يعني مصخنه والدواء انتس
تكتبي بدون انقطاع يعني زي غسالتس حصةاكتبي تسل
نوادرتس الي زي نوادر غوار الطوشة اكتبي وان اختس


شفتي كيف العدوى عملت فيي عوجت لساني وصرت اهرج زيتس يا هالقروية:)


كملييييي

ياحبي لك يامبراتيث ....ان شالله جايتكم بسولافة جديدة تموت ضحك...


خلوها بكرة الخزان بدا يخلّص....:)

مراحب بدوره الحلووه انتي فنانه اموت فيك والله اني ادخل المغتربين من اكتشفتك ههههههه صرت

سيمون اسمر على غفله .........انتي فضيعه الله يوسع صدرك بالعافيه ويردك سالمه...

انا بالصيف كنت بلندن لو اعرفك هزعت على برايتن وتعرفت عليك..........