ههههههههههههههههههه
يالعيارة طيور النورس دلتج
اصلا هي مب بس حول المارينا
الا حتي عند السنتر مقعدة
واول ما اطلع من المحطة اشوف خشتها في ويهي واسمع صوتها الشجي ههههههههههههههههه
وبعدين المارينا قريت مرة انة متروس من عوائل الطلبة السعودين
وونيس
والسوبرماركت مالة احسة شرح وكبيرررررررررررررر >>>>> احسة كبير لان ريلي حرم علي دخولة يقول لي دخلتي الجمعية اللي في الدوحة وانتي حافظتها ماتطلعين
عيل جمعية العنقريز أشلون أهيء أهيء
كملي بدوره الله يسعدج كملي

ياحبي لتس طماطة....انا اصغر خواتي ولا تسان قلت اني اختس التسبيرة...



نورة الدوحة اي والله انك صادقة توني متعرفة على اربع طالبات سعوديات دفعة وحدة...

يااما اختفوا يااما القاهم جميع ههههههههه


ثلاث منهم متزوجات وجايين مع رجالهم ووحدة جاية بروحها ...وكلهم ساكنين حول المرينا...


زاد يوم اني قلت لابونا وراك ماسكنتنا فيذاك عند ربعي وناسي قال انثبري انا اصلا ماأبيتس تعرّفين على أحد :( وهئ وهئ...

أهه....وهاذا رجلي داوم لجامعته اليوم وانا لحيلتي ...


بس لاتقولون مسيكينة ضايقن صدرها...لاوالله توني طافرتن بشقتي وقاعدة اتعرّف عليها ...


وماغير أقبّع بهدوم صلاتي من هالركن لهالركن...ومن هالزاوية لهالزاوية...

تقولين عجيزن مهذريتن بالصلاة يالله الجنة..بس شسوي لزوم المعرفة...



قلت يالله عاد رمضان وخير وخل نقرا قرآن والفطور ملحوقن عليه...

عاد وهي ساعتين او ثلاث ويجي رجلي يهيجن تقل رابطة مشجعين الهلال:


يو كان ريد يو كان ريد..يو سكسيد يو سكسيد....


قلت انا بسم الله عظايم اسمه انهبل الرجال علي منين أجيب لي أحدن يقرا عليه...

قلت وش بك؟؟؟قال ابد بس هاذي اليوم يغنونها كوريين وصينيين معي بالجامعة وقعدت أشيل وأسوي عرضة معهم...

قلت تسان قطعت لك عود شجرة بعد وقمت تعرض به نحمد الله جت على مانتمنى..

مادريت الا هو يهب علي وين الفطور..


قلت هو اخاف انك افطرت وانت بالجامعة تراك ماتنضمن قال لالا اصلا مانعين بيع الأكل في نهار رمضان...

قلت ياشيييييييييييخ ياخف دمك.....المهم وشو فطوره هاللي الظهر ؟؟؟؟

ثاني شي تراك ماصليت الظهر قم صل لااجيب العصا...


..............

ياااااااااه يازين ذيك الايام الحلوة رمضان في شقتنا ...


اول مايجي رجلي يبدا الزنة والحنة والرنة سوي الفطور سوي الفطور اليييييييين خمس...
همن اذا جت خمس قام يمسك الجدول حق الامساكية ويهدد:

ترا الفطور اليوم خمس و56 دقيقة...يعني خمس و50 دقيقة يكون الفطور قدامي...

ياربيييييييييييه نفسي بس افهم ليه الرجال كذا مشافيح...


المشكلة تحسبون انه سمين؟؟؟دب؟؟؟

لو تبي تنفخونه طار بس سبحان الله شفاحة وكل شي يغلى اذا كان الواحد صايم ...

كثثثثثثثثثثثثثري سمبوووووووووسة...


حططططططططططططي بهاراااااااااااات


الشورررررررررررررررربة لايصير فيها حليب واجد...

لاتصير خاااااااثرة ابيها شوربة بدورة المشهووووووووووورة...


الرز كثري المللللللللللللللللللح...

ال ال...واويلييييييييييه...

والييييييييييين يفطر ويحط التمرة باثمه وانا في هالسالفة ليه يهجد وينام...

ونص الاكل يكب الله لايواخذنا بس...

انا عاد اول رمضان افطره مع ابونا...انا عروصة توني مالي الا ست شهور ...

فلذلك حسيت بالفرق...


بالنسبة لي كان اهم مكونات الفطور عندي القهوة...

وبما ان القهوة ماكان عندي لازمزميات ولاشيء رحنا يوم انا كنا بالفندق وشرينا (سوزان)...


زميزميتن وش حنينها ام نص لتر...وبثلاث باوند عساهم الفقر...

وعبّرتنا في الفندق الكحيان وجبتها معنا لشقتنا...

سوزان طبعا زمزمية بنت حمولة صح بريطانية بس أصولها لبنانية على مااظن...

ولذلك فهمت قهوتنا واستقبلتها بصدرن رحب..والله ياهي كانت زمزمية...


كنت في الفندق التعيس لأن ماعندي بريق ولافرن أغلي الموية بالغلاية الأبيض والأسود حقت الحرب العالمية الثانية..همن أزل الموية في الزمزمية واكون من قبل ملقّمتها ملعقة قهوة وهيل وزنجبيل وزعفرانه (الزعفران كنت حاطته بشنطة اليد حقتي :) نييييييههههع)...


وتطلع ولاأطلق منها...


لكن الحين لا...عز ودلال وجلال يوم وصلت شحنة اغراضنا من السعودية دلال وزمازم وصديقاتي أماني(زمزمية الشاهي) وشيخة(زمزمية القهوة) وليندا (زمزمية الطلعات)...وفناجيلي وبيالاتي ومباخري...

ماعاد الا ابسط بتشرشل سكوير اقول أرب أرب...

تصدقون لولا خوفي انهم يكلبشوني تسان والله لااصلح لي اربع او خمس زمازم قهوة وابسط بالتشرشل سكوير والفنجال بعشرة بنس...


والتمرة ببنسين...

ويابخت من فنجل وربّح بدوّورة...


:)


يتبع

بدوره حبيبتي ياليت تحطين لي روابط مذكراتك لاني لخبطت كنت انتظرك بعد ماحكيتو في الكاتبات واثرك فاتحه موضوع ثاني تلخبطت مالي شغل حطيهم لو في توقيعك تكفين

عسسسل والله العظيم عسسسل ضحكتيني موت اقراء زي الهبله اضحك وحدي فيه نوم لكن ما راح انام حتى اقراء لك بقيه كتاباتك مالي الا الاقيها بسراحه اسلوبك كمدي يجنن كملي لاتتاخري علينا