نائلة نيصار شهادتي فيك مجروحه !

بكتب القصه ويشهد الله على ما اقول انه صحيح ولسببين
اول سبب اني تعبت وانا ابحث لي على دكتورة تخاف الله وشاطرة ..وابي افيد غيري ..
والسبب الثاني من حقها بعد جهدها وتفانيها في عملها اني اشكرها بهذه الطريقة ..
الي ولدتني في بنتي ما عادت تقدر تولد في الحمادي وقالت لي انه السبب انه قسم الولاده عندهم مغلق ل الصيانه وبعد ماوجدت بالصدفة انه عقدهم انتهى مع المستشفى ووجدت انهم يكذبون على كل المراجعات عندهم بنفس الطريقة وانه مو مغلق وانه الحمادي له سنتين يولد وما في صيانه ولاشي قررت ما ارجع لها لانها طبيبه فقدت مصداقيتها بكذبها وبعد ما ولدت بنتي عندها وراجعت عندها سنوات وسنوات تكذب ببساطه بالرغم من انها تقدر تقول ما عندنا الا عقد مع المشاري وساعتها بروح معها بارادتي مو بالكذب !
المهمممم مابي اطووووول عليكم ..
سالت عن دكتورة غيرها في نفس المستشفى وجدت اسم في عالم حواء وهو اسم الدكتورة نائلة نيصار بريطانيه الجنسيه من اصل باكستاني وصاحبة خبرة طويل في العمل في بريطانيا ..
حجزت موعد ورحت لها وارتحت لها وزياره بعد زياره اتاكدت انها مثل ما سمعت عنها بالزبط ما يهمها الا مصلحة وراحه المريض وهاذي الكلمه سمعتها من اكثر من مصدر . .
استخرت وقررت اولد عندها وبعد ما انتهى شهري التاسع وزاد وزن جنيني حسب السنوار قررت ادخالي تحريض حتى لا افقد فرصه الولاده الطبيعيه
ودخلت و والله اجمل من الممرضات والقابلات والطاقم الموجود ما رأت عيني ولا سمعت اذني
بالتحديد القابله الاردنية واخصائية التخدير البريطانية عملوا لي تحريض وفتح كيس الماء وبدأ الطلق الطبيعي وازداد بالتدريج طلب ابرة الظهر عند 5 سم وعطوني اياها وكانت تجربة رااائعه خففت عني والحمدلله وبعد ما صار التوسع 9 اتصلت الدكتوره المناوبه الباكستانيه على الدكتورة نائله وجات بسرعه جات مبتسمه .. تقرأ قران وتصبرني وتمزح معي وكانت موجوده امي وزوجي سمحولهم يكونوا معي الحمدلله
ودخلت المرحله الاخيرة من الولاده طول فتره الطلق وهي تصبرني وتشجعني وتطلب مني ادفع ومعها 5 بالغرفه كلهم محترفيييين وطيبين وسهلها الله خرج الرأس وحطوه على صدري وكان اول لقاء بيني وبين صغيري ربي يحفظه
وطلبت لي بنج وبدأت تعمل خياطه انا كنت طلبت منها خياطه تجميليه ما حسيت بالم وكانت تحاول تفتح مواضيع وتغير لي جو الخياطه حتى ما اربكها او ارتبك
ثاني يوم الولاده جت تطمن علي وسالتني عن ولادتي السابقه وقالت انه خياطتي السابقه كانت سيئه جدا وفعلا هذا الكلام صحيح وهي عملت لي خياطه تجميليه الله يجزيها الخير
حتى وقت رحت العياده بدون موعد ما قبلت الموظفه في الريسبشن تدخلني انتظار بسبب الزحمه شافتني هي عند الباب قالت دخلوها هذي مريضتي وصارخت عليهم وارسلت الممرضه معي عملت لي اجراءات الحجز ودخلت عندها وشرحت لي خياطتي كيف كانت وكيف صلحت لي الموضوع
الحمدلله الذي ارسلها في دربي.. ولادتي الثانيه كانت اسهل بمراااااحل من الولاده الاولى مع الطبيبه الي ما تخاف الله الي من اول ما دخلت عطوني طلق صناعي مرتين ومباشره وعذبوني من 6 الصباح حتى 3 صباح ثاني يوم علي يد دكتوره ما تخاف الله وبالاخر تبي تحولني قيصري وانا الي رفضت !
واكتشفت بعد سنوات انها عملت خياطه غلط بغلط ( ملاحظه : انا سمعت عنها انها سيئه بالخياطه لكن ما صدقت الا لما شفت بعيني !)