ناااااااااااااعم, لااااااااااامع ,كثييييف,قطعه وحده\اكتفى من الردود

هاي يا حلوات...:icon18:

يا كثر الخلطات و يا كثر الزيوت اللي نستخدمهه, وغرشة الزيت ما توصل للنص , إلا وشرينه زيت جديد وركنه القديم, ولا يعجبنه العجب ولا الصيام في رجب.!!!:confused-

شعري مر بمراحل عديده, مر بحالة إزدهار, ومربحالة تصحر فضيعه(عين ما صلة عالنبي), وخربطه بالهرمونات وعالجته ,تعدل وصار أحسن,بس ألحين , ما شاء الله تبارك الرحمن, شعري ولله الحمد صار مضرب للأمثال, وشعراء الفريج صرت لهم مصدر إلهام , وبيتنه تحول من (بيت بوخالد:arb: ) إلى (بيت أم الشعور:27: ) لححووووووووووووللللللللل هيهيهييييي..

وين رايح يا فلان؟ رايح بيت أم الشعور, من وين ياي يا فلان؟ ياي من بيت أم الشعور!!!!

شوفو البرنامج اللي أنا ماشيه عليه , من تقريباً 3 شهور, والحمد لله مواظبه عليه, وهذا ولله الحمد السبب بعد مشيئة الله سبحانه في حصولي على ( شعر ناااااااااااااعم, لااااااااااامع ,كثييييف,قطعه وحده...وتساقط لا يذكر)

1- يوم وترك زيت أملا + بيضه+قطرات من الليمون (أخليه بشعري من 2 إلى 5 ساعات)مغطي بنايلون و إشارب ,ويوم الأربعاء أعجن حنه وأحطهه بشعري يوم الجمعه.(لمدة 3 أسابيع..)
2- يوم خلص زيت أملا, ريحت شعري إسبوع من الزيت, وبعدهه كان عندي زيت نارجيل (فاتيكا)+ بيضه+قطرات من الليمون ) أو أي زيت عندي (برشوت, سمسم , اللي موجود ونفس الطريقه, مع المواظبه على الحنه... لين أخلص من الزيت..
3- بعده, عملت طريقة الإخت أم ماريا, ملعقة من كل من (زيت الخروع, زيت الزيتون, زيت السمك, ما بصل و بيضه) هذي يومياً, والجمعه حنه..لين خلصت المقادير كلهه

4- وآخر إسبوعين من الشهر الثالث, واظبت على (زيت النارجيل + بيضه + قطرات من الليمون) مع المواظبه على الحنه...

الشامبو اللي أستخدمه هو MANA 'N TAIL, لأنه يشيل الدهون عدل, وآخذ حبوب Ultara plus. للشعر , ويوم خلص صرت آخذ حبوب كبد الحوت.. ويومياً مرتين ياليوم أستخدمhair tonic إسمه HAIR STAIBEL, وألحين خلص وما شريت غرشه جديده...


والنتييييييييييييييييييييييييجه ... جان جان جااااااااااااان:icon29:


شعر صحي...لااااااااااااامع , أسوووود, كثيف , طويييييل , ثقييييييييييييييل, وقطعه وحده....


أهم شي المواظبه و التفائل, لما تعملين خلطه وتأمنين بينج وبين نفسج إن مافي أحسن منهه وإن أكيد بإذن الله راح تستفيدين, فراح إن شاء الله تستفيدين...

إذا عندج خلطه ومرتاحه منهه, واظبي عليهه, وخلصي غراش الدهن المصفوفه عند منظرتج, واللي محطوطه يم الكبت... لا تستخدمين دهون غريبه و عجيبه, ما تدرين وين مصدرهه أو محتواهه, خلج على الزيوت المعروفه...

تبين الطول (الخردل, السمسم, النارجيل)

تبين الطول و السواد ( الخردل , أملا) وعندي طريقه للخردل, بس اللي تبي راح أكتبهه لهه, سهله جداً بس لازم الوحده تتحمل الريحه, بس تراهه عجيبه للطولووووول والسوااااااااااد...

الكثافه,( الخروع و الجرجير)..

النعومه..( اللوز, السمسم)...

ما أبي ألخبطكم ألحين, وخلينه مع طريقتي الأوليه...وإن شاء الله تعجبكم وتستفيدون منهه...

وأي إستفسار أنا حاضره...

Bye يا حلوات... :)