نادي الـ جولدز جيم في جدة/ قديم

اهلين


الحلو بهذا النادي ,, انك تعيشين فيه جو رياضي و حماس و امل بأنك

ممكن ينزل وزنك ,, و السبب طبعاً الاوزان المختلفه هناك


و الاشتراكات فيه ,, ممكن شهريه و ممكن سنويه

الشهريه الف و عليها

السنويه تتراوح من 4500 - 4700 - 6000 و عليها - 12000 و عليها

و السبب في هذا التفاوت في الاسعار هو العروض الموجوده عندهم

يعني عندهم خصومات لقئات معينه من المجتمع

مثل : الطالبات , موظفات و يكونون منسوبات الرئاسه , البنك الاهلي

الخطوط الجويه السعوديه ,, او يكون قريب لك مشترك

هذا حسب ما اذكر


لكن الافضل تزوريهم و تتأكدين

و ممكن تشتركين اشنراك سنوي صباحي فقط و يكون ارخص طبعاً بحدود

3000 ريال ,, و انا انصحك فيه لأنه اهدأ بكثير من المسائي



المبنى راااااااااااااااااائع

نضيف ,, مرتب ,, انيق



يعطونك جدول فيه كلاسات الايروبكس و غيرها من الكلاسات

بالاضافه لمواعيد المسبح

و يبين الوقت و اسم المدربه




و صدقيني ما تحتاجين مدربه خاصه فيك

رغم انك ممكن تاخذين بسعر اضافي






اتمنى اكون افدتك

و اي استفسار حياك الله





..

نسيت اقولك بعد على شغله حلوه عندهم


لو فرضنا سافرتي الصيف

او لا قدر الله صار عندك اي ضرف ما قدرتي تروحين


يحق لك تجمدين اشتراكك لمدة شهرين

ولكن بمعدل اسبوعين - اسبوعين - شهر

المهم بالنهايه 60 يوم

و انتي حره ,, تبين اول 30 يوم و بعدين 15 - 15

على كيفك المهم انه يكون 3 مراحل





او ممكن اذا كنتي مسافره لبلد فيها القولدز جم

تاخذين بطاقه و تكملين هناك ,, وهذي انا ما جرتها ,, بس مجرد معلومه




..

الله يعطيك العافية اختي اجمل احساس بالفعل كفيتي ووفيتي 000 بس بالنسبة للمدربة وش يعني خاصة فيي يعني تدربني لوحدي ؟
انا ابغى مع مجموعة علشان الحماس بس مايكون العدد زيادة عن اللزوم وتصير النتيجة عكسية00 مرة ثانية الله يوفقك ويجزاك الجنة على ردك

لا تنسيني من دعائك




..

المدربه ما تدربك بلحالك ,, لوحدك ,, قصدي انها تتابعك بصفه خاصه

و تشوف وين المشكله بالضبط عندك و تقولك على التمارين اللي تنفع لها

و ممكن تدربك شوي عليها بس بوسط العالم مو لحالكم


و لازم تنضمين للكلاسات و ترى الفتره الصباحيه مره حلوه

رغم ان اشتراكي مفتوح ,, الا اني افضل الصباح عشان الزحمه







و على فكره ترى انا قبل ما اشترك فيه مريت على كذا محل

بصراحه مااااااااااااافي زيه ابد ابد


و الله انا مستانسه فيه ,, و احب اروح له

بس للأسف الحين ما عندي سواق ولا كان عزمتك هناك



..