والله افكار جدا رائعه بس عندي بعض الاسئله ..................
ياليت تذكرين جميع الاغرض الي استخدمتيها في المركز يعني وقت التجهيز ايش هي المواد اللي بنحتاجها في المركز من الا لف الى الياء يعني خطوه بخطوه.............
وبعدين هل توجد رسوم للمركز على كل طفل ...............واذا فيه كم الرسوم..........

ومشكورين على الافكار الحلوه :26:

أهنئك اخت مرتبة على هذه الافكار فياليت كل الي عندهم موهبة أو أي قدرة انه يفيد المجتمع من حوله صدقوني راح تسير الدنيا أحلى
وعلى فكرة انا قبل شهر بدأت في مشروع يشبه هذا لكن للبنات الكبار الي مخلصين مدرسة وجالسين في البيت لا شغلة ولا مشغلة وكان عبارة عن جلسة من الساعة 6 العصر وحتى 9 وكانت الجلسة عبارة عن أناشيد دينية نتعلمها مع الطيران وبعدين كل واحدة تجيب شي قرته أو معلومة مفيدة ,, وبعد ذلك اعلم البنات أعمال فنية طلبت من كل واحدةمبلغ 10 ريال في الشهر وجبت كل شي بنفسي وكان مقررعمل برواز ابجورة وصندوق وسلة وعدد البنات كان حوالي 20
ولكن للاسف###################
لم نتعلم خلال شهرين سوى عملين بسبب
تقلص اعداد المشتركات الى6 وعدم انتظامهم مع اني لم أغصبهم ولكن كانوا متحمسين في البداية
عدم دفع النقود وطبعا دفعت من جيبي مع اني كتبت في ورقة استبيان بكل الشروط والطلبات
لم ارى فيهم اهتمام يوم يجوا ويوم لا ..
طبعا اصبت بالاحباط لأني فتحت بيتي وتعبت نفسي ووفرت لهم كل شي وكله من اجل ان أفيد غيري بعلمي
ولكن للأسف خلاص باقي اسبوعين وحوقف الجلسات هذي

حبيت اسال اخت مرتبة هل هي تبرعت بكل شيء أم أنه كان مقابل رسوم معينة

مع تمنياتي لها بالتوفيق وجزاكي الله كل خير واعانك في افادة الجميع
وياريتك في جدة كان ساعداتك .......:24:

أخواتي " بنت الديرة":26:
أشكرك ... والأشياء اللي احتجتها مررررة كثير بس انا كاتبة اغلبها في الاول لو رجعتي للصفحة الاولى تلقينها .. بس ولا يهمك رح اكتب اللي اتذكره في باقي التفاصيل .. وبالنسبة للرسوم .. ايه فيه رسوم وكانت السنة اللي راحت 300 ريال للطفل :27: ...
"قطوف دانية" : الله يجزاك كل خير على كلامك وفعلاً المفروض كل واحد ربي أعطاه موهبة يستغلها في شي مفيد وينفع غيره والله يعيني على تقديم الأفضل هالسنة ...
وبالنسبة لمشروعك .. اول شي اقولك فكرته مرة حلوة .. والله لا يحرمك الاجر إن شالله حتى لو البنات في النهاية ما كملوا واصبت بالاحباط لا تنسين انك سويتي عمل راائع قليل يسوونه واحتسبي الاجر... والواحد من كل تجربة يستفيد .. ومرة عن مرة بتكتشفين سلبيات تتلافينها في المشروع اللي بعد ... فلا تضيقين صدرك .. كل شي باجره .. وانا احييك مرة ثانية ..
وبالنسبة للنادي حقي انا حددت خطة محددة ولكل يوم اعمال محددة لازم تنجز كلها :27: .. وهذا يمكن شي افتقده مشروعك فبالتالي ما قدرتي تنجزين كل شي كنت محددته..ثاني شي وقت النادي كان صباحي .. والصباح يكون الواحد انشط .. ويصير باقي له اليوم كله ... فتلاقين البنات اللي اشتركوا معك توقفوا عن الحضور بسبب انشغالهم بعزايم في الليل او غيره... وثالث شي وهو الاهم ان الاطفال دائماً اكثر حماس من الكبار وهذا يخليهم ينتظمون ... وبالنسبة للاشياء الي اشتريتها للنادي كانت من الرسوم المدفوعة .. اما اللي حصلت عليه كان شي رمزي ..
اتمنى اكون افدتك بشي ولو بسيط .. وشكرا لمشاركتك مرة ثانية .. وعقبال ما تسوين مشروع ثاني...

معليش .. طولت عليكم بالتكملة .. بس والله كنت منشغلة شوي عموماً .. أتمنى من كل قلبي اني افيدكم بتجربتي ولو بشي بسيط .. وتفيدوني انتوا باقتراحاتكم ومشاركاتكم الله لا يحرمني من هالوجوه الطيبة يارب :27:

ثانياً: ركن المسابقات :
وهذا النشاط مهم جداً لان الاطفال مرة مرة مرة يحبونه ويتحمسون فيه ... خصصت لهذا النشاط جوائز بسيطة وغلفتها عشان تصير مغرية للطفل مثل (دفتر صغير مع قلم حلو، لعبة صغيرة ، .. وغيرها) وخليت الهدايا هذي بسيطة عشان يكون لجوائز احسن حفظ للقرآن والطفل المثالي قيمة.. وكنت حريصة اني اسوي مسابقات جديدة شوي غير سؤال وجواب وفكرت وهذا اللي تذكرته:
- مجموعة كرات لكل متسابق وسلة بعيدة .. يقومون بقذف الكرة وتصويبها داخل السلة واللي يجيب اكثر يفوز...
- مجموعة من الشرابات اعزكم الله (بس لا تخافون جديدة والله) ومتسابقين ..لما يبدى الوقت يسرع كل واحد بإدخال اكبر عدد منها في يده .. حتى تنتهي الدقيقة .. وبعدين نعدهم والاكثر طبعا يفوز..
-اخرج طفل واربط عيونه بالطرحه بحيث ما يصير يشوف :55: وبعدين اختار طفل آخر بدون ما يعرفه الاول ويقوم بلمسه حتى يتعرف عليه..وذا عرفه يفوز(الله لا يوريكم كيف تحمسوا في هذي اللعبة)..
وغيرها كثير لكن لا تحضرني الآن..

ثالثاً:ركن حفظ القرآن:
وحرصت ان يكون الحفظ لسورة قصيرة نوعاً ما حتى نكملها .. احسن ما اختار وحدة طويلة ويحفظون نصها !!! وكانت سورة "النبا" والحمد لله أتموا حفظها .. وكنت أخلي درس القرآن غالباً أول الدوام عشان يكونون مصحصحين .. احسن ما يكون آخر شي بعد ما أرهقوا .. وكل يوم كنت أسمع الجزء اللي فات واحط نجمة للي يسمع زين ... وعينت جوائز سنعة للمراتب الثلاثة الأولى في حفظ السورة .. أعطيتها للفائزين في الحفل الختامي ( على فكرة خليت كل واحد يجيب مصحفه معه وبعدين صاروا يتركونها في دولاب الفصل )..

رابعاً:ركن الطبخ :
وكان هذا النشاط للبنات فقط :27: يقومون بالطبخ أثناء وقت سباحة الأولاد .. وكانت الطبخات بسيطة وسهلة بدون فرن ... وكان اذا خلص وقت السباحة والطبخ نسوي نشاط آخر حتى تجهز الطبخة (لو كانت تحتاج تبريد مثلاً) ثم يحضرونها الطباخات :cook: الصغيرات ويقدمونها .. والأولاد يهجمون عليها :32: :o من الجوع بعد السباحة ....

خامساً:ركن السباحة:
وا كنت أخلي السباحة كل يوم وإنما يوم واحد في الأسبوع.. لأنها يبغى لها وقت ( التحمم واللبس بعد ) وفي وقت سباحة البنات كانوا الاولاد يلعبون كورة او سوني (بلاي ستيشن) ما عندي بنات واولاد يسبحون مع بعض .. وكنت شخصياً انزل اسبح مع البنات واخلي اخوي اللي اصغر مني بثلاث سنوات يسبح مع الاولاد حرصاً على سلامة الجميع...

سادساً:ركن الرحلات:
وجدت صعوبة قليلاً في إيجاد مكان مناسب لنقوم برحلة له .. لاني كنت أ بغى شي مسكر وغير مفتوح عشان ولا احد يضيع.. فقررنا الذهاب إلى ملاهي مسكرة (مغلقة) داخلية تكون يعني .. وكانت الرحلة من اول ما جوا رتبناهم وجهزنا سلات الفطور (كان فيها سندويتشات منوعة وكب كيك وعصيرات وبسكويتاتلما بعد الفطور) وكانت الرحلة جداً رااائعة وابسطنا كلنا حتى أنا شخصياً لعبت معهم في الألعاب (ملاحظة: كانت الملاهي فاضية بس احنا فيها ومدرسة ثانية لاننا كنا حاجزينها ) .. وكانت هذي الرحلة الوحيدة .. لعدم وجود اماكن اخرى ولضيق الوقت :time: وكنت أبغى أوديهم لحديقة الحيوان بس أغلبه قالوا مملة ورحنا لها في المدرسة ... فما رحنا لها ..

سابعاً:ركن التمثيل والمسرحيات:
كانت الغاية من هذا النشاط التدريب على شي بسيط مثل مسرحية قصيرة او انشودة لتقديمها امام الامهات في الحفل الختامي ... وبدانا التدريب في الأسبوع الاخير من النادي .. وكنت أبغى أسوي مسرحية قصيرة مفيدة لها هدف .. وتعبت وانا ادور فكرة .. لان تدريبهم في مدة قصيرة على مسرحية ليس بالشي السهل خصوصاً اذا كانوا يتطاقون على دور الاب ولا الولد الشاطر .. الخ المهم ما طول عليكم كان الي سويناه التالي:
-مسرحية آلة الكذب: وهي مسرحية قصيرة وحلوة في نفس الوقت وليس فيها حوار طويل يحتاج لحفظ .. فكرتها اذكرها من لما كنت صغيرة كنت شايفتها بس ما اذكر وين ، وهي تتكون من اب وولد وآلة الكذب (يقوم بدورها طفل) يكون الب يصلي ، ثم يدخل الولد عليهبعد العودة من المدرسة وهو يسلم من الصلاة .. فيسلم على ابوه ويأله ابوه كيف سويت في اختبارك؟ يقول الولد زيين مرة زين اخذت عشرة من عشرة ..فيقوم الولد الثالث الواقف وهو عبارة عن آلة الكذب بضرب رأس الابن (لأن آلة الكذب تضرب أي أحد ما يقول الصدق) ..فيقول الاب قل الصدق كم خذت ؟ يقول الابن : ام ام اخذت تسعة من عشره .. فتضربه الآلة ... فيقول الأب: وبعدين .. أقول لك كم خذت لا تكذب علي!! فيقول الابن: ثمانية من عشرة....وهكذا يعاد المشهد حتى يصل ألى واحد من عشرة.. فيقول الأب : ليه كذا يا ولدي ليه ما تذاكر زين؟؟ أنا يوم كنت صغير قدك كنت اهتم بدراستي وأذاكر طول الوقت من أول الصبح إلين الليل .. فتقوم آلة الكذب بضرب الأب على رأسه.. :23: ...لأنه أيضاً يكذب.:21: ....وتنتهي المسرحية .. ومن الاشياء المضحكة اللي مرت على وانا ادرب هذي المسرحية ..كنا جالسين في الفصل نتدرب وفجاة واحد من الطلاب اختفى وادور عليه ادور ما كان في الفصل .. دخلت في البيت ادوره وانادي اسمه ما يرد .. واخيراً لقيته واقف في المخزن يصيح وزعلان:44: قلت وش فيك حبيبي؟؟ ما يرد واعيد السؤال مليون مرة ولا يرد.. في الاخير قال ابغى اصير الابو في المسرحية !!!!!!!!!!!!! وكنا مخلينه الولد بس يبي يصير الاب عشان يلبس الشماغ !!!!!!!!!!!!! والله يومها مت ضحك عليه بس طبعاً مو قدامه عشان ما يتأثر ..بس صدق إن الاطفال بريئيين...
ثاني شي سويناه:
أنشودة النخلة مع الرقصة: وكانت للبنات دربناهم على أنشودة النخلة (أكيد معظمكم عارفينها او سمعتوا عنها اللي في شريط طائر النورس) مع الرقصة حقتها خذناها من شريط الفديو حق الأنشودة.. والحمدلله ضبطوها وكانت مرة حلوة ...
-وآخر فقرة كانت قصيدة لاحد الاطفال رائعة كان حافظها من المدرسة بس هو موهوب في الإلقاء .. فخليته يلقيها..
- ودربت الاولاد الكبار على المقدمة وجزأتها بينهم أثناء تقديم الحفل ..واسامي الفائزين وغيرها...
يعني كانت مسرحياتنا بسيطة وخفيفة .. لان الوقت ما كان يكفي لشي اصعب واكثر ..
لكن في النهاية طلعت الحفلة حلوة وكتكوتة ..وانبسطوا الاطفال بحضور امهاتهم .. وبعد المسرحيات تفرجوا الامهات علي المعرض حق الاعمال الفنية وشافوا الفصل ووحدة من الامهات صورت المعرض والاطفال في الفصل .. وإنشالله بحاول انزل لكم صورة المعرض باقرب فرصة ..

على فكرة كنت حاطة لكل طالب مثل ورقة على الجدار فيها اسمه وكل ما سوى شي كويس احط له نجمة واذا العكس اشيل وحدة .. عشان اقدر اضبطهم شوي .. وكل يومين اجمع عدد النجوم واللي نجومه الاكثر اعطيه جائزة...

عزيزاتي:26: :26: ..وأخواتي:26: :26: ...
إذا أحد منكم عنده رأي أو اقتراح ولو بسيط ياليت ما يحرمني منه ...

وياليت أكون أفدتكم .. وأنا بانتظار آرائكم واقتراحاتكم للنادي الجديد اللي أنا حريصة إني أتلافى بعض العيوب في النادي السابق مثل وجبة الفطور اللي كنت اقدمها للاطفال واللي كانت تضيع جزء من الوقت كان ممكن نستغله بشي أفضل... يعني بخليهم يفطرون في بيوتهم وبعدين يجون وممكن أقدم لهم وجبة سناك مثل عصير وكيك في منتصف الدوام ..

ورجاء اللي عندها أفكار حلوة للمسابقات .. تفيدني .. أو أفكار لمسرحية بسيطة ومفيدة .. لو فكرة بسيطة واحنا نزيد عليها ...

وياليت تساعدوني .. ابغى محل يبيع العرائس الخاصة بمسرح العرائس لانها فكرة خطرت لي لهذي السنة وما ادري من وين اجيبهم .. او اذا احد يعرف كيف تتصلح يفيدني ...

شاكرة لكم جميعاً:27: تفاعلكم مع الموضوع ومشاركتكم فيه... وبانتظار ردودكم وأي سؤال أنا حااااضرة من عيوني ..

على فكرة أي وحدة تبغى تسجل بنتها أو ولدها الله يحييها .. إذا تبغى ترسل لي رسالة على الخاص لأي استفسار عن الموضوع .. والله يححي الجميع ...:26: :26: