انا قرات كتير عن الولادة و مراحلها لحتى صار عندي كم كبير من المعلومات و لما بدا معي الطلق بالليل استنيت للصبح لاني كنت احسب الوقت و اتاكد انه طلق حقيقي و لما صار بين الطلقات ربع ساعة خبرت زوجي و ماصدق لاني كنت ما بصرخ انا قرات انه الصراخ بيعسر الولادة فاتبعت تقنيات التنفس لحد ما وصلنا المستشفى و الحمد لله الظهر كنت والدة بالسلامة 
ربي ييسر حملي هلاء و يتمه و يرزقني بطفل سليم معافى يقر عيني و عين والده 

قل هذا بفضل ربي ...

الحمدلله ولادتي كانت ميسرة

كنت حامل بولد وع الشهر التاسع اراجع عند الدكتورة عشان اخذ اجازة مرضية فكان عادتي امرها كل سبت بعد الظهر ..
قبل الولادة يوم الجمعة كنت حاسة بألم بس محتمل او انتظر الم قاتل يخليني اصارخ وما اتحمله ... مافيه
كنت عند اهلي نفس اليوم زرت احد اقاربي بالمستشفى وجلست احس بالم يجي ويروح .. رجعت البيت بالليل فتحت اللاب توب واذا جاء الالم توقفت عن القراءة واذا راح رجعت اقراء :)
ونمت عشان ما احس بالالم .. وصحيت الظهر قلت لاختي اعملي فطور .. جابت فطوررحت جبت تمرة اكلتها انا نفسي اولد باسرع وقت عشان كذا اكل تمر كثير :)
المهم افطرت وصحيت اخوي ابيه يوديني المستشفى عشان اخذ اجازة بس رفض قلت خلاص بروح مشي كان الساعة 1 ونص الظهر .. لبست عبايتي وجيت طالعة بيتنا داخل شوي والمشي مشوار على ما اصل للشارع العام ..
قلت بنفسي حلو المشي يسهل الولادة ... وانا بطلع مشي قام اخوي وقال خلاص بوصلك ... وصلني المستشفى وعند الباب يناظرني فيني الم .. قلت له افتح لي الباب وفتح الباب والا الم خف .. قمت نزلت وقلت له خلاص روح انا بخلص من المستشفى بمر السوق بعد العصر ... جيت العيادة قلت للبنات اطلبوا لي الملف .. انا موظفة بنفس المستشفى .. حاسة بالم بس متحملة .. قالوا ندخلك ع الطبيبة قلت حرام خلصو الدور وانا بدخل بالاخير .. وبصراحة انا ما احب المراجعات :)
لما دخلت ع الدكتورة كنت اتكلم معها واضحك قالت لي ضحكتك اليوم مو مثل باقي الايام .. قلت لها راح التاريخ المميز وانا ماولدت فيه :) ... كنت اقول لها ابي اولد في 12/12/2012 :)
المهم قالت لي بكشف عليك من تحت قلت لا ماله داعي قالت مو بكيفك لازم ... وجالسة تكتب الاوراق قلت لها بطلع منا وبروح السوق ... بقي لى اغراض بشتريها ... المهم لما كشفت صرخت ... وخوفتني وش فيك قالت عندك ولادة الرحم مفتوح 7 سم .. والا تنادي الممرضة وتسأل اذا فيه ادوات الولادة والجتمعوا الممرضات كلهم وحدة جابت كرسي متحرك والثانية تدور الست والثالثة تتصل على قسم الولادة .. وانا مبتسمة ببرود ومحرجة وخايفة وفرحانه ..المهم جابو كرسي وودتني الممرضة للولادة .. وكانت الساعة 3 العصر طبعا وقت تبديل ممرضات .. وكانوا كلهم مجتمعين ومافيه حالات ولادة بهالوقت .. اجتمعوا علي اللي تركب مغذي واللي تقيس ضغط واللي تجهز ادوات الولادة .. وانا محرجة منهم ونفسي اقول لهم اطلعوا برى :) ... جات الدكتورة كشفت قالت الرحم مفتوح 10سم .. وقالت بفتح لك الما عشان ترتاحي قلت طيب .. وبعدها بشوي الحمدلله ولدت ... وجات الدكتورة خيطتني وكانت تقول تبي تولدي بالشارع بتروحي السوق :)
عمر بسول الان سنتين ونص الله يحفظه ويخليه ويصلحهه ويهديه

وكلها تساهيل من الله لاتشيلو هم الولادة...

والله يقومني بالسلامة

رفع

أنا ببكري بدأت الطلوق الساعه 9صباحاكانت كل ساعه يجي الم خفيف بعدين على الليل بدات كل نص ساعه واقعد أمشي بالليل بالبيت واهلي نايمين وأقرأ بكتاب يوضح مراحل الولاده بالتفصيل  لين صار الفجر وصارت الالام كل ربع ساعه  واتحمل لين جاء الصباح وقاموا أهلي واقول لأمي قالت تحملي بعد عشان اذا رحتي ابلشوك كشف من تحت وتخطيط قلت أبد ما اقدر حسب الكتاب يقول اذا صارت كل ربع ساعه يعني الولاده قربت وبيني وبينكم خفت أولد بالبيت ورحت للمستشفى وانا متوقعه الرحم مفتوح 8 وبولد على طول يوم كشفت الدكتوره قالت الرحم مفتوح3 وطلعتني للكشك فوق واقعد الى الساعه 1 الظهر كان فيه دكتوره تتابعني ومليت وصرت ادفع ومافيه طلوق وهذا خطأ بعدين شاوروني يدخل دكتور ورفضت الى الساعه وحده ونص والدكتوره عندي بعين راحت ودخلت دكتور لان الولاده تعسرت واستخدموا جهاز الجفت لشفط الطفل ولا طلع  الا الساعه2الظهر وعلى طول كان فيه دكتوراطفال أخذ الولدمع ممرضه
ومن الساعه2الى الساعه 3 خياطه الله يعين وبعدين طلعوني من غرفة الولاده الى الكشك وكلمت أمي وزوجي أبشرهم وغمضت عيوني برتاح إلا اسمع اصوات وافتح ولا دكاتره محيطين بالسرير من 3جهات ويجي الاستشاري ويدخل يده ببطني من فوق السر بعدين قال يالله دخلوها غرفةالعمليات واناعيوني طايره مادري وش السالفه احسبهم يمزحون ويجون الممرضات ويدفون السرير وادخل غرفةالعمليات وارجف من البردويجيبون بطانيه بعدين جاء دكتور التخدير ودكتور ثاني وممرضات ويمسكون يدي ويخدروني ولا اصحى إلا الساعه 7 المغرب الممرضه تصحيني وتعطيني الجوال تقول كلمي يالله وانا ما اقدر ارفع يدي واثاري أمي قلبت المستشفى مناحه تحسب مت او جاني شئ ﻷني اتصلت بها ولما جت ياقلبي للمستشفى قالوا بالعمليات وتوقف عند باب قسم الولاده عيت تتحرك هي وزوجي لين دخلوها وتطمنوا علي وظليت بالكشك للفجر وجت دكتوره وطلعت مني كانها فوطه كبيره من الشاش أتوقع يسموها فتيله واصر الدكتور أقعد بالمستشفى 5أيام شكلهم خايفين من نزيف او مسويين فيني غلط طبي وقالوا خلوها عندنا لو جاها شئ نتدارك الموضوع بسرعه والحمد الله الحين ولدي بصف رابع الله يحفظه وجبت بعده ولد وادعولي الله يرزقتي بنوته يارب

الله ييسر الولادة لي ولكل حوامل المسلمين 

تجارب حلوه و تجارب مخيفه
الله يكتب اجركم جميع