مشكووورة على الموضوع يا عسل
تجربتي ببكري كانوا موعدين اولد ثلاث العيد وكنت طول رمضان تعبانه
وما راحت انوم عندي اهلي اخاف تجيني ولادة وانا عندهم
خاصة انهم بعيدين عن المستشفى تقريبا ساعة كاملة
فجيتهم يوم العيد وسلمت عليهما ورحت لبيت وكانت نفسيتي زفت لان اهلي مجتمعين وانا في بيتي قاعدة
وفي الليل نزلت معي مويه كثيرة رحت تسبحت وتلاحفت وقعدت لاني ماحس بالم قوي يعني خفيف كاني بردانة يروح ويجي
ويكلم زوجي امه يخبرها قالت ودها المستشفى على طوال وانا رافضة اقول ما احس بالم قوي على بالي عندي خبرة
المهم رحت لمستشفى فاضي قسم الولادة ما فيه الا ثنتين ثلاث وكمان على طوال ولدوا وما بقي الا انا
وزوجي يروح ويجي وام زوجي جت مرة
وكنت رافضة اخبر اهلي ما ابغى افسد عليهم عيدهم
والممرضات رحموني وصادقوني وهاتي سواليف معي والحمد الله انا اعرف انجليزي ولا كان علوم
المهم الطلق بارد ومو راضي يزيد وانوم عندهم وكانت شهيتي معدومة وما راضية اكل اي شيء
ومع الفجر رحموني وطلعوني قالوا روحي عيدي مع زوجك وارجعي
والمويه ما زلت تنزل وقالوا اذا حسيتي بالم تعالي لانهم عطوني طلق صناعي في المغذية وما فاد المهم اروح
وفي الليلة الثانية احس بالم قوي بس يروح ويجي وارجع لهم والقى القسم مالين حريم ارتعت متى جاوا ذولا ؟؟
المهم ويمسكوني وهاتي انواع الطلوق الصناعية وما فيه فايدة ما استمر الالم
قالوا استني شوي وبعدها بدا الالم يزيد ويستمر
وجاني الالم الحقيقي وطارت بي الممرضة لغرفة الولادة وكم ساعة وانا ولادة
بعد ماكانت النفسية زفت بس ابكي والحمد على كل حال
والدكتورة كانت ممتازة كانت سورية وعسل سوت لي الخياطة وطوال الوقت تضحك وتحكي معي وان مو معها تعبانة موت
والممرضة كانت اسمها جوان زنجية عسل قعدت عندي لين بعد شفتها تقول بولادك واروح لبيتي سبحان الا سخرهم لي الظاهر رحموني صغيرة ويوم العيد جايتهم والحمد الله على كل حال
المهم واخلص من الولادة واحس اني ميتة جوع وبس ارجف وتروح الممرضة وتجيب لي سندوتشة مع حليب ماذكر وش فيها بس من الجوع كليتها وكنت ارجف من المخدر والطلوق مو قادرة امشي
وزوجي تعبوه مو راضين يخبروه عني بس الممرضة فزعت لي ودخلته عندي في قسم التنويم والحريم في القسم الله يجزهم خير قالوا لها خليه يدخل يشوف زوجتها وكانت الساعة 1في الليل
وقاعدت عندهم اربعة ايام لان ولدي كان فيه صفار وكانت شارب من المويه وقعد كم شهر وهو اذا بكى يصير ازرق وبعدها الحمد تعافى
الله يسهل ولادة كل حامل يارب ويرزقها الذرية الصالحة يارب

انا في بكري بدا بي الطلق الساعه 9 صباحا صحاني من النوم واستمر على خفيف وكان فيه اجتماع عند اهلي بالعشاء راح زوجي وانا قلت لاهلي ابجهز اغراضه لانه كان بكرى بيروح للحج واشتد الطلق باليل حتى الساعه 8 صباحا وانا انتظر المويات تنزل ومانزل شيء رحت للمستشفى الساعه 8 وولدت الساعه 9 الحمدلله وجبت بنت وابو الشباب انتظر حتى طلعت من المستشفى ووداني اهلي ولحق ربعه للحج وكان ابوي يقول لايروح ويحطك بحلقي والحمدلله ربي سهلها(مع العلم ان موعدي ب24 ذا الحجه وولدت ب4 ذا الحجه)

السداده هي نزول مويات لزجه مع دم قبل الولاده بيوم او يومين او مع الولاده
سئل فضيلة الشيخ عبد الرحمن السعدي
اذا اخذ المراه الطلق فذهلت عن الصلاة يومين او ثلاثه ولم تصل تلك الايام ولم يخرج منها دم -فهل تقضي الصلاة ام لا؟
فقال -نعم تقضي الصلاة لان الذهول من مرض او الم او نحوهما لا يسقط وجوب الصلاة ولم يخرج منها دم ليكون نفاسا
واذا خرج الدم يعتبر نفاس ولا عليها قضاء

رفع 

لا اله الا انت سبحانك اني كنت من الظالميت 

عجبني الموضوع قلت نرفعه 

بكري شفت الموت الحمد لله ع كل حال
ماكنت اعرف ادفع والبيبي تعبان بعيوب بالقلب ووزنه صغيرر وطلق صناعي
واخرتها ماطلع الا قفزت الممرضه ع صدري
ياااااارب لك الحمد