نحافتي سبب لتعاستي😭😭

• السلام عليكم ياحوائيات

اببدا بمشكلتي بدون مقدمات انا عمري 24 ومن يومي صغيره وانا نحيفه جدا جدا اخر مره قست وزني كان 37 والحين نحفت اكثر اتوقع نزل وهالشي جعل كثير من قريباتي يستحقروني وينكدون علي حتى في مناسباتي السعيده بهالسؤال ليش انتي نحيفه ماتأكلين وحللي يمكن فيك شي كأنك بتموتين وتخوفين والكثييير من الكلمات اللي تجرح وانا الحمدلله أكل وحاولت كثيير اجرب خلطات بس مانفع لان شهيتي احيانا تكون مسدوده وتجيني اوقات ضيقه وهم ولا أكل وفيني فقر دم حاد ولي شهر على حبوب الحديد بس ماتغير شي بوزني وانا امنيتي من يومي صغيره ان اسمن لو شوي حتى الاجتماعات قليل اروح لهن قلت ثقتي بنفسي بسبب هالشي ارجوووكن ساعدني ابي حبوب للتسمين موثوقه والا اي شي مجرب للتسمين وسلامتكم ❤❤