مساء الخير حبيباتي
ما شاء الله عليكم ملتزمين و متحمسين الله يوفقكم يا رب
عني أنا جهزت امبارح مشروب الديتوكس من مدونة الغالية أم مصعب ع أساس اليوم كله سوائل حتى أني تعمدت أنام لوقت متأخر حتى ما الحق ع الفطور ههههه، و الصبح بدلت بطارية الميزان و ركبت وحدة جديدة و وزنت و كانت صدمة عمري هههه لقيت وزني 75 يا الله انقهرت كتير و خبصت اكثر من قهري و ما شربت الا كاستين من مشروب الديتوكس، و الله يا بنات ضايقة فيني و معصبة و كارهة حالي استغفر الله العظيم
و قررت باذن الله من بكرة ابدأ بداية جدية صح شادة حيلي بالرياضة بس بالأكل تخبيصاتي اكثر من التزامي، رح اسجل يومياتي و ان شاء الله ياسمينة ما بتقصر ههههه خليكي حازمة معي يا عسل
اشتقت لوطني اعذريني يا قلبي و الله قريت مشاركاتك و ببالي ارد عليكي بس نسيت الله يشفي زوجك و يذهب عليكم الهم و الحزن يا رب
ياسمينة من أسبوعين و أنا مخططة للجداول بس انشغالاتي و الله كتيرة و خاصة بعد المنتدى اللي فتحته من فترة و الله ماخذ كل وقتي، و على فكرة رح ابعث لكم رابطه ع الخاص و لا تبخلوا علي بدعمكم و اقتراحاتكم خصوصا انو ما عندي تجارب سابقة
مساء الخير حبيباتي
ما شاء الله عليكم ملتزمين و متحمسين الله يوفقكم يا رب
عني أنا جهزت امبارح...
و اذا ما عندك وقت عادي حبيبتي