همه همه يا دبدوبات رمضان ع الابواب عسى ربي يجيبه ويجيب خيره معه

يلا بنات نبغا نرجع افضل من قبل ونشد همتنا نحو جسم رشيق وناعم وكششششخه عشان العيد بأذن الله

وهذا بوكيه ورد لكل بنات قروبنا الرائــع>>متحمسه هههههه

قهرتني هالصوره خصوصاً الشنطه الوردي تقهر بصراحه>وابو الشباب عيونه زايغه>>ما الومه ههههههههههههههه





شوفوا اشكالنا خلااااااااااااااص وربي يكفي عيب علينا هالاوزان كن الاكل بيهرب يمه وربي الشحوم منظرها بأجسامنا مشمئز>>ياعيني على التعبير هع

انا خلاص بأذن الله مقرره انحف وماخشيت هالتجمع الا عشان انحف وش ناقصني عن البنات الرشيقات

الحمد لله مو ناقصنا شي

بس هم يلبسون سمول وميديام واحنا اكس لارج ودبل اكس لارج>>وهذه المصيبه

وربي فشيله خلاص يكفي يكفيييييييييي شحوم عيب عيب خلااااااص لازم ننحف لازم لازم

الاكل مو هارب وصحتنا الزم ماعندنا لازم ننحف عشان صحتنا وعشان نفسنا مو عشان حد

متى بنحب نفسنا وبنخاف عليها صدق

يلا بنات شدوا همتكم خلوا العيد يجي بفرحتين بأذن الله واجسامنا تكون حلوه ورشيقه ونلبس مقاسات صغيره ونثبت للكل اننا قد اي شي يواجهان >خلونا نهزم الشحوم بقوتنا وارادتنا ويكفي شراهه وفجعه على الاكل





بالله مو نفسكم العيد يجي وحنا كذا

v



v





v



v



v











بالله شوفوا الفرق بين الصوره اللي باول الموضوع وهالصوره الاخيره وخبروني ايش ردة فعلكم>>انا تحمست اكون زي الاخيره بأذن الله >>اسكتي بس هههههههههههه

لوير حبيبتي انا وزني كان 92 والثلاثاء هذا صار 92.8

بنات بنزلكم قصة احدى الاخوات مع الرجيم الصراحة كلامها رفع معنوياتي


بسم الله الرحمن الرحيم..
انا خلال سنتين نزلت من وزني مايعادل وزن انثى بالغه عاقله لا ومربربه
فمن خلال هالتجربه الطويله
اللي مريت خلالها بوقفات نفسيه مع نفسي
وحاليا مع بعض الاخوات اللي اتشرف بأني كنت احد الاسباب في نزول اوزانهم
حبيت اكتب لكم بعض الفلسفات اللي طلعت فيها من هالتجربه
هي تقدرون تعتبرونها مصارحه ذاتيه..او مواجهه بدون مجاملات وطبطبه
.............................. ................
في هالموضوع بكتب لكم حوارتي النفسيه
اللي قد تكون حواراتكم على الاغلب ايضا...
(( الحرمان ))
اعتبر هالكلمه اقصر طرق الانهيار والفشل
يعني انا قبل فتره قصيييره كنت اعاني من ضغوطات الوزن الثابت وصلتني للحرمان النفسي والعاطفي قبل الجسدي
قمت ادور اسلوب وحيل .. خلتني طول الوقت احس اني مو مرتاحه
لما اشتهي شي اقول في نفسي بعدين بعدين
وبكرا تتكرر المسألة ويتكرر الرد والحرمان بعدين بعدين
وبعدين وش يصير
بدل مااكل اللي اشتهيه بكميه معقوله .. احصل نفسي اكلواجرم في نفسي لين افقد كل المتعه في هالاكله اللي لي اسابيع اقول بعدين بعدين
هو الم نفسي والم جسدي من سؤ الهضم خاصه ان معدتي تعودت على الاكل القليل..
الحرمان
عمره ماوصلنا للهدف
انا وصلت هدفي وصدقوني ماعمري حرمت نفسي وهذا اللي خلاني اخذ هالفتره في اني انزله..
من بديت كنت حاطه في بالي انحف وبس
من بديت افكر بالاقام على شاشه الميزان ومن بديت اشوف نفسي بعون سول قبل
لقيت اني ادور حول نفسي..
صدقوني ..
الحرمان .. فقط وقت ضايع اخره خساره في كل شي إلا الوزن..



الـــــــــــتــردد
هذا احد اهم واقوى العوامل المحبطه
خلاص ببدا السبت
السبت هذا حكايه
كنت مثل الاغلبيه اعتقد ان اي دايت لازم السبت
عاد يوم الجمعه تقولون بروح حرب
مافي شي مااكله
خطر اني اكل عيالي
ويجي السبت
وتصير النفسيه زفت...ليش والله دايت....!!
واحساس بالالم والحرمان في يوم السبت
الاحد نخربها
وتبدا الدموع وشي من المكابره
والعزيمه المزيفه الجديده
والسبت هذا صار مخصص للغلق>>>الغلق يعني النفسيه الزفت
مره اخوي ماشافني من شهر
سأل امي وش فيها عسى مهيب تعبانه
قالت لاخلاص تسوي رجيم
قال والله صامله..اجل مافيه السبت ببدا.......؟؟؟
حسيت اني كبرت بعيني
وتخلصت من عقد السبت
التسويف يقطع حبال الامل مهما امتدت

أحسني الأختيار


للأسف دايم نسوي رجيمات
لكن مانختار صح...

ونكتشف بعد مده ان الجسم مايتغير او ماينزل

ويجينا ملل واحباط..وعقبها انتقام




مانحسن الاختيار

نختار رجيم سريع...

نبي ننزل بسرعه

نحضر الزواج وعقبها بعدي الطوفان

كنك تجمعين مبلغ تشترين فيه فستاااان غالي

وعقبها تعلقين الفستان لين يروح موديله...

والوزن يرجع بمجرد العوده للأكل....ولو ظنينا اننا نخفف...

لازم نختار بعقولنا ..مو بفمنا الاكل

فيه اكل لذيذ لكن خفيف



احسب وافكر بالمكونات..

راح تحسين انك راقيه...حتى بتفكيرك بالاكل................







هذي تجربتي كامله.. بل انجازي..ويحق لي اقول عنه انجاز


في عام 1428 اكتشفت اني حامل وكنت عارفه ان وزني زااااااايد جدا

انما ماتوقعته !!!!!!!!!!!!!!!!!!!!!!!!!!!!!!!!!!!!!!!!!!!!



وصل 133 كيلو

وقفت شوي اتامل الرقم المزعج .. واتخيل شكلي المرعب

تجاهلت الامر
وفرحت اني حامل كعذر للسمنه والحريه بالاكل والحريه باللبس الوااااااسع

ومن ربي جت



كنت اصحى واكل فطوركبيرررررررررررررررررررر

وكثيييييييييير طبعا على الساعه 12الظهر

وغدانا كان3 فكنت اتغدى لكن بحكم اني شبعانه ماقدر اكل اكثربعدها لاحظت اني لما اتعشى اتعب من حرقان المعده

واضطر للعلاجات وبما اني حامل خفت اضر الطفل

فوقفت الاكل بعد وجبة الغدا وغالبا اتوقف 6-7

انتهت فتره الحمل وجبت بنتي اللي كانت حلم حياتي

ولقيت وزني نازل 17 كيلو

مافكرت برضو بالدايت ..

لين حصل موقف لقريبتي قدامي!!!!!!!!!!!!!!!

كانت بنتها بعمر 6 سنوات وامها سمييينه

وكانت بمنتزه وسالت بنتها وين صاحباتك وريني اياهم

قالت قلت لهم هذيك امي واشرت على وحده جسمها حلو

قالت الام ليييييييييييييييييييه؟؟؟





قالت اني دبيه تفشلين....!!


ردة فعل طفل مايعرف يقول امي وافتخر فيها ايا كانت...

هنا فكرت ببنتي

ماحبيت تنحرج... وتضطر تنسب نفسها لوحده ثانيه فقط عشان رشاقتها..!

خلصت نفاس وسفرت خدامتي لاني قررت اكون انسانه تحب نفسها عشان بنتها فقط..!! وانتبهوا للتطور

وبديت ترك الاكل بعد 6 مدة شهرين

ونزلت من 115 الى 105 وكنت امشي بالتدريج من 10دقايق وازيد يوميا دقيقتين لحد ماوصلت رقم ممتاز الحمد لله من الدقائق..

بعدها وقبل رمضان باسبوعين سويت دشتي ونزلت لين 97



في رمضان سويت سعرات ماتجاوزت 1000 كالوري ومشي ساعه ونص يوما..

كنت افطر

3-5 تمرات وقهوه

بعدها اصلي واجهز الفطور الرسمي

اشرب شوربه واكل سلطه بالغصب لاني مااحبها..واخذ من المعجنات 3 حبات بحجم نص الكف وحبتة حلا بحجم اصبعين

وبعدها اسكر فمي إلا ناااااادر جدا اكل لو طلعت

ولما ارجع اخذ زبادي سحور واحيانا مااخذ شي

ولما اكل لو شوي من السحور مع زوجي وخاصه لو كان رز ..اعاقب نفسي





بالمشي ساعه

كنت اعتبره عقاب قبل تتصلح مفاهيمي واعرف ان المشي من اروع الامور اللي تساعد بتخفيف الوزن والضغط النفسي

كنت لما امشي كثير زوجي يطالعني ويضحك

يقول مانتي ناحفه..حتى لو نحفتي شكلك بيستمر كذا زي البالونه المفقوعه.

ارد عليه واقول وربي لااخليك تغير رايك

مع العلم انه كان يقول هالحكي وانا نازله 35 كيلو بعد ..!!

كملت الشهر الكريم على هالنظام

ونزلت 12 كيلو

بعدها ريحت اسبوع

ورجعت اسبوع لدشتي

واضطريت اوقف لاني دخلت المستشفى مع بنتي

وطلعت من المستشفى وزني 86


كملت دشتي اسبوعين ونزلت لين 83

وريحت اسبوعين

بعدها سويت النقاط شهرين ونزلت 10 كيلو

طبعا المشي ماتركته ولا يوم

لما وصلت 73 ريحت فتره شهر

وبديت تخفيف ونقاط ودشتي ومشي كثيييييييير لحد ماوصلت

>>> النتيجه

من 133 الى 58

حياة غير وحب منقطع النظير لكل شي فيني واحساس ماحد بيعرفه من كلامي غير لما يحسه بجسمه...


ولكم حبي..