والله الموضوع حلو والجميع صادقين في كلامهم بس عني انا مستحيل استغني اناموضفه عندي خمسه اطفال ثنين في المدرسه وثلاثه في البيت والبيت دورين وسيراميك واثاث وتحف تحتاج لتنظيف مستمر هذاغير ابو الشباب حاتم زمانه في اي وقت يدخل ويقول شبي النار عندي ضيف ولازم اذاوقت وجبه فطور غدا عشاء فلازم نقدمها لضيف الكريم هذاغيرانو ممكن ضيفنا ينام ومن الفجر نجهز القهوه والفطور في جميع فصول السنه ولاتقولين جربي لاني جربت وفي الاجازه يعني مافيه دوام من بعدصلاه الفجر يبدا العمل في تنظيف المنزل واعداد الفطور طبعن ماعندي ضيوف بس العائله غسل اواني الفطور غسيل الملابس ان وجدات اتجهيز للغداء غسيل الاواني جمع الغسيل والكوي فترة العصير المغرب وقت راحه التجهيز للعشاء وفي الغالب تكون نواشف الجلوس مع العائله ثم النوم هذا اذا ماكان فيه زياره للاهلي او للاهله وهذا في ايام محدده . ومع ذالك انقطعت عن العالم ولاحضور مناسبات ولاغيره .من شان كذا انااقول الله يكثر خيرنا ويكفينا شر كل من به شر وبعدين احنا نستفيد منهم واهم يستفيدون منا

السلام عليكم

عدنا بعد انقطاع :)

لموووري أم يحي حلا شقراوي ألوان الحياة الله يجزاكم كل خير على مداخلاتكم الرائعة والتي تشد من العزم بارك الله بكم ونفع بكم وكتب لكم بكل كلمة أجرا

أخواتي الآتي أضفن هنا اضافات رائعة من كلمات مؤازة أو أفكار أسأل الله أن يضاعف لكن الأجر ويبارك بكن وبأولادكن وأزواجكن وبيوتكن


أخواتي الآتي عارضننا المسألة مسألة أولويات بارك الله بكن ولستن ملزمات بتغيير فكركن وصدقوني ماأردنا إلا الخير لنا ولكم والموضوع كله لنشد من عزم بعضنا ولنساعد أنفسنا بأفكار تسهّل علينا تدبير حياتنا بعد توكلنا على الله ..

وقصدت بكلمة أولويات (( وأنا أرى هذه النقطة مهمة )) كما نبهتنا لها أختنا الفاضلة أم يحي أن نسأل أنفسنا ونكون صادقين معها ماهو أهم شيء في حياتي ؟!
كل واحدة لها إجابة لكن تضل الإجابة الصحيحة هي :
أن أحفظ ديني ودين زوجي .. أنا أقوم أنا بتدبير بيتي بنفسي وكل تعب سأحصله فيه فهو بأجره (( حتى الشوكة يشاكها )) ..

الله خلق الأنثى ولها هدف محدد رسمه تعالى لها وهو الأساس (( الخلفة والتربية )) بعد عبادته طبعا وإن كانت الخلفة والتربية داخلة في العبادة ..

هناك نساء هدفها الأول الوظيفة والاهتمام بالبيت شيء ثانوي !!!
ونساء هدفها الأول نفسها تهتم فيها وببشرتها وطلعتها وتستانس وأولادها وبيتها شيء ثاني وليس أولي !!!
هناك نساء تعتقد أن الحياة الزوجية تستمتع هي وزوجها فقط وكل يوم حركات وهلم جرا وتربية الأبناء والقيام بالبيت شيء ثانوي !!!

أليس كلامي صحيحاً ؟!!!!!

هذه لو كانت موظفة أو في البيت تقولك استحالة استغني عن الخادمة لو كان أيش !!!

وفي ناس أولوياتهم حفظ دين الزوج لأن نظره للخادمة وهذي لاااااازم تصير لو كان أيش إلا مايطب بالخادمة كيف الي خادمتها لئيمة وتتقصد تطلع عند الزوج (( ولعلمكم الخادمات كل مامنعتيها من شيء تزيد لقافتها لها إلا بتشوف ذا الشيء))
إضافة لحفظ دين زوجها اهتمامها بأولادها واستشعارها بمسؤوليتهم التي كلفها الله بها .. فهذه سواء موظفة أو جالسة بالبيت إلا ماتكون عندها عزيمة للإستغناء عن الخادمة ..

وفق الله كل ذي همة وعزيمة للخير وشد من أزرها وهدى الله من ضعت يوما بين الأولويات للحق

ملاحظــة :

لست أعني بمن خالفنا الفكر أنها مضيعة بين الأولويات لأن هناك من عندها خادمة وترغب في التخلص منها والاعتماد على نفسها وهناك من هي بحاجة فعلا وهي أدرى بظروفها لكن كلامنا لمن اختلطت لديها الأولويات ..

أوان الحياة صادقة حبيبتي سالفة تمر عليك أيام تطقين من الشغل وتسوين الشي وأنت شوي بتبكين إذا كان ضروري بس إذا مو ضروري أتركه أتضاااايق بس ايش أسوي مااالي خلق ودي أحد يسويه عني :)
بس لاسويتي الشيء بنفسك شوفي الرااااحة فعلا والثقة على قولتك هههه

المهم لموري : فعلا أهم شيء جدول للطبخ والله أنا ارتحت علييييييه مرررررة لأن التفكير حووووسة
بعدين مثل ماقالت حلا شقراوي لاتنوعين بالطبخات ماشاء الله بتسنعين بيتك ولا عيالك الصغار ولا تدريسهم بالليل ولا بترتاحين ولا بتشوفين أبو الشباب وش يبي ولا بتطبخين ؟!!! حشا ولا آلة ..
أنا والله ماأسوي إلا صنف واحد في الغالب وأحيانا تطق القرامة براسي وأسوي كذا صنف بس حسب المزاج وإذا وراي شغلا ولا لا
وخلي لك يوم إجازة من شغل البيت كله مع الطبخ ( اللهم الحمامات ضرورية ) لكن غيرها ولااااشيء خصوصا إنك موظفة ولو كان زوجك يرفض خليه منك للعائلة يعني اليوم نطلع نتمشى والغداء من برى والعشاء من برى مع الطلعة وونسي نفسك :)

وبما إنك موظفة في حريم يطبخون بالبيت خذي منهم مو طبخ جاهز لا خذي أشياء مفرزنة مثلا دجاج متبل ومجمد وأنت تطلعيه بالثلاجة قبل تروحي الدوام ولاجيتي حطيتيه بالفرن تحمير أو قلي مع رز أبيض ( وخلي ثلاجتك مليانة فواكة منوعة منها فائدة وصحية ومنها عشان مو كل شوي بتسوين شيء مع الرز والدجاج أو اللحم أحيانا حتى مالك خلق تقطعين سلطة تلقيك ترمين الرز وتروحين تصلين أو تشوفين عيالك أو تريحين صح ولا لا ؟! فكذا يصير في شيء مع الرز بدل السلطة ..
وممكن تشترين من الناجت الي يجيك في السوبرماركتات أو اللحم والدجاج والسمك المتبل والجاهز للقلي أو الفرن ومايآخذ وقت ..

لا صرتي فاضية سوي صواني مثلا مكرونة بشاميل أو صينية دجاج وبطاطس مع الصلصة البيضاء (( واشتري صحون الفرن البلاستيك الي زي حقت الكبسة الي عند الطازج)) وسوي فيها وفرزنيها وغلفيها زين وإذا جيتي من الدوام طلعيها ودفيها ..

أنصحك بما إنك موظفة لازم يكون عندك مكرويف سريع وكويس في التدفئة والأشياء والله تطلع كأنك توك مسويته ماله طعم ..

في ناس يفرزنوا الإيدامات والشوربة لفترة ممكن عشرة أيام أنا ماجربت فرزنة طويلة بس تجلس يومين ماتغير طعمها في الثلاجة ..

ممكن تعتمدي الشوربات الجاهزة إذا تحبيها وتسويها ماتآخذ وقت وبعضها طعمها حلو ..

مثل ماقالت حلا شقراوي جربت أفرزن الكشنة وماشاء الله ماتغير طعمها مرة ممتازة بس ماأحط بهارات بس أكشنها بالزيت وإذا دفيتها حطيت لها بهارات وملح ..

غسالة المواعين مريحة جدا إذا خلصتي حطي كل المواعين فيها وشغليها وروحي نامي بعدين إذا قمت روحي صفي مواعينك بالدرج عبال ماتسوين الشاي :)

والله يوفقك وييسر لك ..

وميض الليل

ما قصرت يالغلا

وفيت وكفيت

ياليت تنصحيني في غسالة مواعين تكون فعلاً كويسة >>>>>>> ما شاء الله تبارك الرحمن






نماذج في حياتنا بلا خادمات

زوجة عمنا عندها أربعة اطفال

بنت في ثاني ابتدائي

ولد في اولى ابتدائي

بنت عمرها سنة وسبعة اشهر

ولد لا زالت في النفاس

وتعيش بلا خادمة

ما شاء الله تبارك الرحمن >>>>>>>> اذكروا الله

زرتها في نفاسها الاخير وسألتها كيف منظمة امورك

قالت الضروري يزين وغير الضروري موب لازم وبس

وعلى فكرة سبق جابت خادمتين وهي معها طفلين لكن ما تحملتهم وتنازلت عنهم على طول

والنفاس هذا واللي قبله في بيتها ما راحت اهلها وجايبة حبشية فترة النفاس فقط

الله يقويها ويخليها لعيالها

زوجة عمنا الثاني

موظفة ولزوجها اربعة اطفال هي ليس والدتهم

كان عندها خادمة لين درس الصغير

وكانوا ثلاثة وراء بعض يعني اولى ابتدائي وثاني وثالث

وولد اكبر منهم شوي

وش اللي حادها تخدمهم وهي موب امهم

لكن ما نقول إلاّ الله يزيدها من فضله ويجعله في موازين أعمالها