كوبونات الراقية تسجيل الدخول

حلا شقراوي
حلا شقراوي •
صديقة أختي موظفة

وعندها خمسة اولاد ذكور >>>>>>> ما فيهم بنات ممكن يساعدونها

وبيت دورين ومستغنية عن الخادمة


ما شاء الله تبارك الرحمن



الله يعطينا من عزيمتهم واصرارهم

ويعطينا وياهم الصحة والعافية

آميييييييييييييييييين
في99
في99 •
حلا شقراوي حلا شقراوي :
هلا فيك لمار الحريم اللي يطبخون ما أضمن أيّ أحد ولا سبق وجربتهم لكن أعرف لك وحدة عندها خدمة منزلية وتفريز يعني إذا عندك عزيمة ممكن تطلبين منها وإذا تبين تفريز تبيعك للتفريز لكن مشكلتها غالية شويتين إذا تبين رقمها أرسلته لك وبالنسبة للأكل المفرز اللي في السوبر ماركت ما يعجبني لكن فكري تفرزي خضارك يوم بالشهر تتقضين حسب جدولك وتخصصين يوم لتفريز الخضار وفيه موضوع لمزايا انسانة عن التفريز ياليت تفيدينا أكثر بأفكارك
هلا فيك لمار الحريم اللي يطبخون ما أضمن أيّ أحد ولا سبق وجربتهم لكن أعرف لك وحدة...
السلام عليكم اخواتى برد لانى وعدتكم بس مختصر لان وراى سفر وحوسه الشناط و التنظيف كم اكره الكرف:09: مبدى بالحياة ان الشغالات شر يمكن الاستغناء عنه عكس الى يقولون لابد منه:angry2: والله ان الناس دبلو كبدى الى مشفق على من الكرف والى غيرانه ما تقدر تسوى مثلك من العجز :09: ليش ما عندك شغاله كل الى حولى ما يعيشون من دونهم بيتى دورين وعندى عيال و ظروفى الصحيه صعبه فينى ربو بخاخاتى دائما معى عيالى الصغار مثلى ازمات ربو وتنويم بالمستشفى غير ضروف صحيه اخرى استغنيت عنهم سنين طويله بالحمل استاجر واعانى من الحريم الى ماهم الى الكسب ومن الحبشيات الى متى ما بغت اطلعت بلموزين وما عليها منك :eek: والاعندى ام ولا خوات مرت على سود الايام ولياليها واخيرا انهارت دفاعتى واستسلمت و ماتوفقت اول وحده اندوسيه راعيه سحور والثانى سيلانيه هربت اول اسبوع والحين مقدمه واطلب ربى ان يرزقنى الى تخاف الله حالتى بالشتاء انا وعيالى تزيد وانا الشغاله لتنظيف فقط لا طفال ولا طبخ ولاغرفتى وحمام وملابس زوجى وملابسى الخاصه لانى ما احب البربسه وما اثق فيهم حتى وانا نفاس اموت جوع ولاشغاله تسوى اكلى ترى حالتى صعبه يعنى عندى رهاب من شى اسمه انسانه غريبه مادرى كيف تربت ولااعرف عن اخلاقها وتعيش فى بيتى وبين عيالى :( استغرب من الى بيتها صغير وربى معطيها العافيه وتجيب بلوى تقعد على قلبها يارب تشفينى وكل مريض وتغنينا عنهم:26:
أم يحيى
أم يحيى •
مشكورات خواتي جعلكم بالجنة ياربي
كلكم وحدة وحدة وخاصة اللي ذكروا لنا الأفكار والقصص الواقعية بارك الله بكم جميعا ..

أختي في 99 أسأل الله العظيم رب العرش العظيم أن يشفيك ويشفي ابنائك ويشرح صدرك وييسر أمرك ويرزقك من حيث لا تحتسبين ..
أم يحيى
أم يحيى •
طيب خواتي

مادام فتحنا موضوع الشغالات

والحمد لله أننا التقينا هنا نشجع بعض

وفعلا أنا حسيت بدعم نفسي قوي منكم يابنات

وانتعاش وكثفت افكاري وزاد اصراري

واجتهادي للإستغناء عن الشغالة

وزادت ثقتي بنفسي في أني أكون أفضل بدون

شغالة:7_5_131:

أسأل الله لي ولكن الثبات ...



ومن هذا الباب :

طرأت علي فكرة

غير أننا نفكر في طرق تسهيل التنظيف والطبخ و......الخ .


نريد فتح موضوع عن الأشياء الغير ضرورية - الكماليات - اللي ممكن نستغني عنها حتى تصير حياتنا أسهل وأحلى ويخف التوتر والضغط علينا .:icon29:.



مثلا :







.
أم يحيى
أم يحيى •
مثلا :

سمعت مرة أحد المشايخ في الإذاعة يقول :


التحف في البيت :
يمكننا الإستغناء عنها لأنها تحتاج وقت وجهد للتنظيف ،، و بدال ما اشغل وقتي بها أشغل وقتي بما ينفعني في ديني ودنياي..


:biggthump

تحديد أوقات استقبال الضيوف :
لو لاحظتوا يابنات أن حتى في ديننا أن الإستئذان مطلوب ، يعني أنا في السابق كنت أستحي اني أعتذر لو أحد بيزورني ، لكن لما شفت بعض الحريم اللي عندهم شغالات ، لما تروح شغالتها تلاقينها تعلن حالة الطوارئ وما يبقى أحد ما يدري أن ماعندها شغالة هالأيام ،، ولو أحد قال بيزورها تعتذر
حتى لو كانت نفاس أو بنتها نفاس تقول أنا أقول لكم إذا تجهزت ...والحمد لله مادام مشروع في الإسلام أن أننا نقدر نعتذر ولا نستقبل إذا ما كنا مستعدين ، فهذي نعمة من الله ليش ما نستفيد منها ؟؟وحنا اللي ما عندنا شغالات أولى بها ...صح والا لا ؟
وإذا عندكم حرج للحين أقروا معاي هذي المقالة البسيطة :

(( وهناك أدب قرآني عظيم، لا يكاد يفقهه كثير من المسلمين. إنه قول الله عزَّ وجلَّ: { وَإِن قِيلَ لَكُمْ ارْجِعُواْ فَارْجِعُواْ هُوَ أَزْكَى لَكُمْ } . إن من حق صاحب البيت أن يقول بلا غضاضة للزائر والطارق: ارجع. فللناس أسرارهم وأعذارهم، وهم أدرى بظروفهم، فما كان الاستئذان في البيوت إلا من أجل هذا. وعلى المستأذن أن يرجع من غير حرج، وحسبه أن ينال التزكية القرآنية.
قال بعض المهاجرين: لقد طلبت عمري كله هذه الآية فما أدركتها. لقد طلبت أن أستأذن على بعض إخواني ليقول لي: ارجع، فأرجع وأنا مغتبط. لقوله تعالى: { وَإِن قِيلَ لَكُمْ ارْجِعُواْ فَارْجِعُواْ هُوَ أَزْكَى لَكُمْ } . ذكره الحافظ ابن كثير في تفسيره.
إن من الخير لك ولصاحبك أيها الطارق، أن يَعتذر عن استقبالك بدلاً من الإذن على كراهية ومضض، ولو أخذ الناس أنفسهم بهذا الأدب، وتعاملوا بهذا الوضوح؛ لاجتنبوا كثيراً من سوء الظن في أنفسهم وإخوانهم.

الشيخ صالح بن حميد
من موقع طريق الإسلام



يتبـــــــــــــع :