نداءءءءءءء عاااااااجل للأخت الكيكة بس قبل لاتدخلين قولي تم

:26: :26:

هلا اختي


انا الله يسلمج وزني كان 77 لما تزوجت و مع الحمل والولاده 3 مرات وصل 120 ...بعد ولادتي الاخيره قررت اسوي ريجيم و كنت جاده .. ماكنت اعرف الريجيم الكيميائي ولا عمري سمعت عنه.. لكن اختي سمعت عنه من صديقاتها و جربته و نزلت 11 كيلو بشهر .. فانا تشجعت و حبيت اجربه .. خذيته منها و طبقته من اليوم العاشر من ولادتي و نزلت 15 كيلو بالشهر الاول ... تشجعت و كررته و نزلت تقريبا 10 .. و تشجعت اكثر و وصلت مرحله اني تعودت عليه فكررته مره ثالثه و نزلت تقريبا 8 كيلو ... كررته مره رابعه نزلت تقريبا 6 كيلو و بالمره الخامسه امي احلفت علي اني اكسره لانها اسمعت عن اضرار الريجيم الكيميائي ... وقتها انا تعودت عليه و ما احس اني مسويه ريجيم و فرحانه بجسمي الجديد .. لكني تركته لعيون امي .. كان وزني وصل 78 .. بعد ماتركته باسبوع صار 80 .. و ثبت ثلاث سنين لاني كنت محافظه على اكلي يعني اليوم اللي اكل حلويات و معجنات ثاني يوم اكل قليييل (تخفيف )
لكن بالسنه الرابعه حسيت ان وزني خلاص ثبت و ماراح يرجع مثل اول فخذيت راحتي بالاكل و مصختها و قمت اكل بشراهه لحد ماوصل وزني الحين مع الاسف الشديد 90 :( :(

و الحين و انا اختج كل ما احاول اسوي الريجيم الكيميائي اخربه من ثاني يوم .. ( تقولين عين حايستني )
ولاني قادره استمر على ريجيم
رحت للدكتور ربيع و رحت لطالب الشمري و راسلت دكتور دشتي بالايميل .. لكن العيب فيني ماني قادره انتظم على ريجيم
و خاااايفه موت لا يرجع وزني مثل ماكان :(

ما قصرتي يا كيكة اللذيذة :27: على الرد وكلامك حبيبتي صحيح أنا مادري هي الارادة تجي مره في العمر ولا هي عيون الناس الله يكفينا الشر أنا مثلا تخيلي وزني الحين 95 وطولي 157 أو158 قبل سنة بس عمري ما شفت على الميزان أكثر من 70 تصوري وسويت هذيك الفتره ما أقولك ريجيم معين بس تخفيف وصيام لين وصلت 62 وكان جسمي يهبل لأن أنا عريض عظمي شوي حتى في 70 يبين علي 60 وما أقولك صرت حديث الدوام وشغلهم الشاغل خصوصا اني كملت النيو لك بقص وصبغ شعر وهدوم جديدة واللي حصل اني والله العظيم جاتني حالة نفسية الله لايوري مسلم كرهت زوجي وعيالي وحتى نفسي وبفضل الله مع العلاج والقراءة تشافيت لكني ما رجعت نفسيتي وحبي للحياة مثل أول وصارعندي اكتئياب يمكن بالشهور ما أطلع من بيتي الا للدوام وصارت شهيتي مفرطة لأن ما عندي اهتمامات غير الأكل بس بعد ما عرفت بنات المنتدى تغيرت نظرتي لنفسي وحابة اسوي تغيير
بس تكفون يا بنات كل من تدخل وتقرأ حصنوا أنفسكم وعيالكم دايما ولا تستهينوا بأي شي لأن للأسف في ناس مهما يعطيهم الله تظل عيونهم فارغة طولت عليكم بس فرصة أفضفض ولكم:26: :26: على سعة الصدر

أشوفك يا كيكة بالمسابقة الجديدة ويا البنات :26: :26: وخلونا بجد ها المرة نشجع بعض

سلام الله عليكم جميعاً و عيدكم سعيد و مبارك :)

اختي رشيقة في الأحلام:27:
بصراحة اختنا ((( الكيكة ))) طول عمرها ما تقصر مع احد فديتها :)
و تحب الخير للجميع الله يعطيها على نيتها:39:

و حبيت اضيف على كلام الاخت الكيكة الحلوة :33:

انا سويت تخفيف +ريجيم كيميائي +ريجيم مصطفى ساري= و خلال اربعة اشهر نزلت 13 كيلو بدوووون رياضة :32:و الحمد لله صار جسمي اهون من قبل بوااايد:44:
بس للأسف لما قطعت الريجيمات بديت شوي شوي:29:
اهد نفسي على الاكل:44:
لين زاد وزني 6 كيلو:(
خصوصا ف الفترة الاخيرة يعني ف البداية كان يزيد 2 كيلو و يثبت
بس الحين مرة وحدة زاد 6 كيلو:06: :29:
و أحس بإكتئاب ما له حدوووووووود:44:
لأن الــ 6 كيلوووووو واايد تبييين على الجسم:06:
و اللي يذبح زووووود لما حد يعلق : ليش رديتي متنتي ؟
جسمج كان شحلوة:mad:

و مثل ما قالت الاخت الكيكة ما عندي ارادة كلش للبدء في ريجيم ثاني و كل ما بتدي اخربه في نفس اليوم:mad:



لذلك نصيييييييحة ::42:
لو سويتي ريجيم و وصلتي للوزن اللي تبينه إن شاء الله حافظي عليه لا تهدين نفسج على الاكل لانه والله خسااااااااارة كل هالتعب يرووووووووح:06: