نداء إلى كل العصاقل الرجاء الدخول

ولا يهمش اختي yasmeen 2003

إن شاء الله كل يوم باليل اذا ما اخرني شي

واذا ما ضاربني اخوي على النت :icon30:

بكتب يومياتي من الصباح الى الليل

كل نقطة بكتبها

بس انتو نفس الشي خبرونى عن يومياتكم

خلونى شويه نتربرب ونكون دبدوبات

يارب متن كل عصقوله نفسها تمتن*** ونحف كل دبدوبة نفسها تنحف

اللهم امين

الله يعافيج ياالمفترسه كتبي لنا شنو تاكلين باليوم وشدعوه ماكوا عصقولات غير المفترسه

السلام عليكم و رحمة الله و بركاته

الغالية المشكلة اني ما اشتهي شي يعني اكلي قليل جدا--- اتوقع اذا ييتي عندي و شفتي كيف آكل اتوماتيكيا راح تضعفين----- خخخخخخخ
الصبح اشرب كوب حليب و بعدين اذا لقيت فرصة آكل سندويش و عصير و اذا لا انتظر الظهر و اتغدى مرة وحدة و الغدى اذا شي احبه آكل صحن من الكبار مليان تقريبا و اذا شي مو عالمزاج آكل نص صحن و شوية سلطة و الحمدلله و بعدين العصر آكل حلويات و مو اي حلاوة تدخل مزاجي انواع معينة فقط او فاكهة و بعدين العشاء سندويش او شوربا (اللي يشوف اكلي يقول عايشة بافريقا و ما القى اكل--هههه) مشكلتي اني ما اشتهي الاكل
فياليت تفيديني كيف آكل بلذة عشان أمتن 10 كيلو ( يااااااااارب)
و هذي قصة العصقولة حناين81

هلا اختي
بالنسبة لي بقول لك شنو أكلت اليوم على فكرة شاربة حبة فاتح شهيه وشوفي شنو ماكله
الصبح كاس حليب ليما الظهر تغذيت رز وسمك تقريبا نص صحن والعصر أكلت شبس ليز وشربت شاي والعشى تعشيت دجاج تقريبا فخذ صغير وشربت عصير برتقال وبس مااحس اني ودي آكل شي ليما بكره

على فكرة اليوم شهيتي منفتحه وهذا اللي أكلته الله لايوريكم يوم اللي مااشرب فيه فاتح شهيه والحين بوقف عن فاتح الشهيه لانه الأنسة بتشرف واخاف اخذ لحبوب هذي وهي فيني!!

مشكورين جدا جدا ويارب الله يرزقني بإللي رزقكم فيه وإني ماأشتهي الأكل ودي إن تنسد شهيتي بس موعارفه شلون أنا ترى ماعندي وجبات معينه مشكلتي أحب الكاكاو يعني اليوم قعدت الصبح شربت حليب مع خمس حبات تمر بعدين شفت قطعتين كاوكاو عقب أمس كنت رايحه فرح ومعطيني أياهم جان أكلهم بعدين الغدا كان في مطعم أكلت همبورغر مع شبس وحلقات بصل بعدها أكلت حلاو سكتلز وبعده كاوكاو مالتيزر شكلكم طارت عيونكم أكمل ولابس شكلكم خفتوا مني لاآكلكم بعد والله لم كتبت أنا استحيت من نفسي أوكي خل اكمل المغرب شربت شاي اخضر يكون بحرق إللي كليته بعدين العشا شربت عصير كيوي مع أناناس وخبز مع زعتر وخربطت شوي حلاو وشوي كاوكا وسلامتكم وتعيشون الله يعطيكم شهيتي ويعطيني سدت شهيتكم ودي إني بيوم من الأيام إني لم اشوف الأكل أقول لاماأشتهي متى إيي هذا اليوم.