نداء الى بعض ازواج الاخوان الغثيثات

حبيباتي زوجات الاخوان الغثيثات تذكري دايم انك متزوجة زوجك يعني شريكتة بالحياة يمعنى ما ملكتية تمنعية من امة واخواتة وتراقبين كلماتة وسكناتة وضحكاته خير اذا خص اختة بكلمة اوهمسة اوحتى هدية ولو كانت متزوجة تبوزبن وتسوين مشكلة ياحبيبتي ترى هذي اختة دمة ولحمة مو ضرتك يغيرك ولايقدر يغيرها زوجة الاخ العزيزة ترى الي مافية خير لاهلة مافية خير لزوجتة مهما طال الزمن الي يرخص امة واخواتة عشانك مهما طال الزمن بيرميك شر رمية ويالعزيزة اذا ضروفك حدتك تسكنين مع اهل الزوج لاتجيين مسرعة ومفحطة للمنتدى تشتكيين من وجبة تسوينها او قهوة وحلا او تقسيم عمل ترى حتى الاهل متحملين فرد جديد دخل عليهم وبدل مايتوسعون ببيتهم بعد زواج اخواهم زاد العدد وزاد الضيق وتكاليف الحياة بالبيت وزاد الشغل فلازم يالحبيبة تشاركين بالشغل واطبخ ولاتبين تقعدين بجناحك ويصلك الاكل انتي وزوجك وش رايك مع العلم ان التكاليف زادت والكهرب زاد والشغالة راتبة على الاب الكبير يعني حددى عزيزتي وش تبين بالظبط عشان تصيرين مبسوطة ماتشتغلين وتنامين على كيفك بدون احساس او مسؤلية ولاتبين يكلم امة وخياتة لاتكوني عايشة ببيتكم كذا وش تبين من الزوج لما تجين تشتكين من وجبة عشاء تسوينها بالاسبوع مرة فقط ماتستحين وانتي تقولين كذا والام والاخوات طيبات معك وترى زوجك فرد وانتي بعد يعني غصب وملزومة تشاركي والمشكلة العظيمة اذا دخل بعقل زوجة الولد ان الام والاخوات يغارون منها ليش مو هم الي مختارينك وش زودك عنهم زود جمال ان كانك صادقة طيب هم عارفين قبل كذا لويبون اختاروا له وحدة شينه وش بيغارون علية وتنتي ماهنا سنع ولاتشتغلين وتحسين انك ضيفة وعلى اللبس بيغارون ترى الي جاب لك هو اخوهم يعني اكيد كان يجيب لهم واكثر اقول كبروا عقولكم يازوجات الاخ لاتبون الحرب لانك خسرانة بالنهاية دنيا واخرة ولاتنكدين على الرجال واهلة واستمتعي بحياتك وابعدي عن الخباثة والشر وشاركي بالحياة لان الدنيا دوارة وبيجيك عيال وبنات وبتدور عجلة الزمن واوكد بعض الزوجات وليس الكل والله يهدي الجميع