نداء خاص للمعلمات من وحده طمووحه

السلام عليكم ورحمة الله وبركاته ..
أختكم مقدمه على جداره وتخصصها تربية فنيه طبعا ماقد حصلها تعيين عشان كذا ماتدري وين الله حاطها لأنها ماتدري عن أبو التعليم واللفات اللي حاصله فيه لذا..لاحظوا متعوب عليها!!! اطلب النجدة منكم وابغاكم تعلموني وشي المناطق اللي تابعه لإدارة تعليم الرياض وهل إذا تعذر على الوصول للمنطقة المعينه فيها هل فيه نقل أو انتداب اوتبديل بالعربي فيه دبره والا لا يعني انطق في المنطقة اللي اتعينت فيها-وياليت تزودوني بالمسافة بين المناطق التابعة لمنطقة الرياض بالنسبة للرياض-وبالنسبة للي راح يتعينون ايش بتكون المرتبة وكم الراتب وهل هم مثبتات وايش هو نظام الإجازات-وبالنسبة إذا تعذر الوصول لمنطقة التعيين ايش هوالمخرج بالنسبة للمتقدمة وإذا رفضت لعدم قدرتها للوصول للمنطقة ايش الحلول المتاحه لها.
وبالنسبه للمعلمه هل تتقيد بالمنهج والا كيف والتحاضير أبغى مواقع اسحب واحمل منها التحاضير والعروض وأي شي تعرفونه ماسألت عنه تكفون لاتبخلون علي!!شفتوا الطموح وين وصلني مع أن الإحتياج للفنيه يكاد يكون صفر لكن ثقتي بربي هي اللي خلتني أكتب هالموضوع اللي راح تكون فايدته لي ولغيري وإذا فيه معلومات ممنوع عرضها عالعام راسلوني عالخاص ولو أني ماعرفكم أنكم راعيات فزعه وماتقصرون كان ماطلبتكم والله لايحرمكم الأجر.