نداء عااااااااااااجل (مين سبق لها الولاده بالمواساه)

انا دخلت علبالي مستشفى المواساة بالكويت

للاسف مقدر افيدج
بس انشالله البنات مايقصرون معاج

الصراحه قبل فتره جاني الم باالرحم ودم كان يطلع من فتحة الشرج الله يعزك

المهم خفت ورحت بدون علم زوجي لاني استحيت اعلمه المشكله

رحت لدكتورتي لقيتها اجازه اسبوع قمت رحت للمواساة دخلت من الطوارئ

استقبلني سوداني ودخلني غرفة الكشف

وجلست نصف ساعه على ماجت الدكتوره ولاحظي ان جميع من باالمستشفى لايتكلم الا عن الفلوس والدفع سواء دكاتره او استقبال او ممرضات

المهم جت الدكتوره وشكلها مايوحي انها دكتوره ابد ابد

وكشفت علي قالت الرحم مفتوح 1 سم والدم ماادري وش سببه بنادري طبيب الجراحه معك فلوس تدفعين؟

وعلى فكره قالت فيه بواسير لحمه وحده بس بارزه

ويوم جا طبيب الجراحه وكشف علي الله لايكشف سترنا باالدنيا والاخره قال مفيش حاجه خالص

كاو كويس مفيش بواسير ولاناسور ولا اي حاجه قلت طيب والزبده قال لازم يشوفك طبيب الباطنه

ويجي دكتور الباطنيه ويجلسون يتناقشون لهم شوي بدون مايكشف علي قلت هاه وش فيني قال شوفي يااختي انتي قصتك طويله وعايزه تحاليل وابحاث طويله ماراح تقل تكلفتها عن 6 الاف ريال اذا هتدفعي الان هنبدا الابحاث الان ..

المهم وتصكك بي الدنيا والبس عباتي واعطيك حول ال600 ريال بنص ساعه او اقل واطلع واروح لمستوصف متواضع بس يمدحون دكتورته والله العظيم يابنات انها ماكشفت داخلي بس كشفت على بطني باالسونار

قالت انتي فيه شي مضايقك؟ وفعلا كنت متهاوشه مع زوجي بنفس اليوم

قلت ايه قالت الزعل سبب التهاب للقولون والتهاب القولون سبب تفجر بخلايا الدم وهذا السبب اللي خلاها تنزل معك وانا شايفتها باالاشعه التلفزيونيه الان ومايبيلها اي علاج او عقاقير اللهم ريحي نفسك وبطلي زعل ويوم قلتها وش قال المواساه ماتت ضحك وماصدقت قالت الممرضه مو الدكتوره ممكن تشوف سيولة الدم من السونار بدون كشف ..

وهذي تجربتي معهم باختصار وحلفت بعدها ماادخل هاالمستشفى من غير شر الله لايحدني عليه

ونسيت اقولك انهم احرقو جوالي ثاني يوم يقولون فيه 200 ريال حقت كشف الباطنيه مادفعتيهن ..

يعني مستشفى مااااااااااااادي 100% ولو على حساب ذمتهم واخلاقهم

هذا رايي ولولا اختلاف الاذواق لبارت السلع ..

السلام عليكم .بنت عمي والدة فيه من يومين بس وتمدحة كثير .بس كلامك يأختي مرصيع يخوف فعلا ولما بشوف بنت عمي أن شاء الله بسألها عن التفاصيل وعن تعاملهم المادي كيف ؟

انا دخلت على بالي المواساة الي بالدمام

انا اسمع دايم عن المواساه ذم في ذم
سمعته زي الزفت
خاصه اللي بجده والرياض واظن الشرقيه بعد بس ماتاكدت من العضوات اللي كتبوا مواضيعهم
انا قلت اللي اذكره اختي
شوفي لك الحمادي ولا التامينات ولا دله
واللذي تعرفه خير من الذي لاتعرفه والعالم تسب فيه
وعلى فكره تراهم مخدرين وحده جايتهم ولاده طبيبعه وسووا لها قيصري غصب على شان الفلوس وزوجها قوم الدنيا وقعدها وهذي قصه واقعيه
واخرتها يقولون سالناها ووافقت وهي مسكينه مبنجه ماتدري وش تقول
الله لايربحهم مستشفى مادي