هلا اختي انا ولدت من فترة قريبة بالمواساة

كان الوضع مريح وعادي جدا ومافيه اي مضايقات

الاقامة بعد الولادة يومين بمبلغ 3500

عنايتهم اثناء الولادة وبعدها كانت جيدة جدا

واستجابة الممرضات سريعة وماكانو يتأخرون علي لما ادق لهم جرس

وتعاملهم ونفسياتهم كويسة ( الا وحدة للامانه)

بنتي كان فيها ( صفار ) عالي وجلسوها بغرفة الاشعة 3 أيام بـ600 ريال

وتطعيمة بعد الولادة والشهرين كانت ضمن البرنامج

وصفة العلاج اللي سجلها لي الطبيب عند الخروج كان فيها مضاد وغسول

من العلاجات المتعارف عليها وسعرها طبيعي

وعلى فكرة هذي اول ولادة لي واتمنى لو يكتب لي ربي حمل ثاني اولد عندهم

لكن يمكن ابحث عن مستشفى افضل من ناحية الغرفة ؟ أو اطلب جناح عندهم

تمنياتي لك بالسلامة

مستشفى المواساه لا لا لا عن تجربه شخصيه الله لا يعيدها فيه مستشفيات في الرياض افخم وافضل في العنايه الطبيه عندك سليمان الحبيب يحولك على اي مستشفى بسعر حلو عندك الحمادي لا يعلى عليه عندك التخصصي الطبي ودله ولدت فيه حلو

انا الحين اراجع عندهم وانشاءالله ناويه اولد عندهم واحسهم مره كويسين مو على كلام الناس وانا مارحت له لحد ماسالت عنه صاحباتي اللي ولدو فيه واستفسرت عن كل صغيره وكبيره ويمدحونه بس علشانه جديد الناس متخوفين منه
والولاده حبيبتي تساهيل من رب العالمين
ادخلي كل المواضيع بتلقين اللي يمدح مستشفى معين وبعده رد على طول يسبون نفس المستشفى يعني ماراح تلقين شي متفقين عليه بالمدح او بالسب لان الولاده توافيق وتساهيل من رب العالمين
وصلي استخاره ووكلي امرك على رب العالمين

على فكره اذا بتولدين عندهم خوذي جناح وسط احسن شي
اولا مافيه مقارنه بالصغيره لانها مو حلوه ابد كنها غرفه مستشفى حكومي ومافيه فرق كبير بالسعر
والجناح الكبير مايفرق عن الوسط بشي
فااحسنهم الوسط حتى والله ماعليها حليوه ونظيفه

الغرفة الجناح الوسط لمدة ثلاث ايام مع الولاده بسعر 4100 ريال

غاليتي ليمونه

مرورك يكفيني فخراًَ

مشكوووووووره

_______________

عزيزتي مراصيع

الله يجزاك الجنه من جد ماقصرتي
ويشفيك يارب
ويخلي لك زوجك ويهادي سركم


_________________

عزيزتي أماني 2006

الله يعطيك العافيه وانا بانتظار ردك بعد سؤالها

______________

عزيزتي وصايف

طيب كيف مواساة الدمام لأنهم كلهم تحت ادارة وحده
بانتظارك


________________

غاليتي جرح يقتل

تسلمين عالنصيحه والله يكتب اللي فيه الخير
بس انا والده قبل سنه ونص بالتأمينات وما أبغى أكرر التجربه
مو سوء فيهم بس عشان ما أتذكر ألم الطلق وشكل الغرفه
حبيت أغير

_______________

عزيزتي سكر زياده

أشكرك على إجابتك الشافيه
كفيتي ووفيتي

__________________

القموره أم زياد

ممكن تحكي لي تجربتك شكلها مره قاسيه بليز
انتظر مرورك القادم

_________________

عزيزتي عروسه جديده

الله يهنيك ويريح بالك
مشكوره عالمعلومات القيمه


____________

تقبلوا تحيات أختكم المحبه والشاكره لكن جميعاً

lavande