انا قحطانيه من نجد بس لحد ينصدم من النك المهم القهوه عندنا (انا اجيب القهوه واحمسها في البيت واحط معها شيبه ومستكه )واخلي لونها بني فاتح مو غامقه علشان ماتطلع مره ؛؛؛؛؛؛؛؛؛؛؛؛اطحنها طحن حلو يعني لاتخلينها خشنه ولا تكون ناعمه مثل الدقيق خليه زينه
حطي في ابريق القهوه ماء نص الابريق وحطي عليها فنجان ونصف من القهوه وتركيها ربع ساعه (بعد ماتغلي المويه مع القهوه وطي على النار وخليه تطبخ بشويش علشان تحصلين على خلاص القهوه واذا تبين حطي عليها فنجان حليب وشوية زعفران واتركيها على النار واذا ماتبين حليب حطي كفيميت كلها تودي نفس الغرض وهو تفتيح لون القهوه ؛؛؛؛؛؛؛؛؛بعد ربع ساعه من الطبخ طفي عنها النار واتركيها من 3 الى 4 دقايق علشان تركد القهوه وتاخذين الصافي منها (في الترمس او الدله حطي الي تحبين وهاذا يختلف من ناس الى ناس فيه ناس يحبون يحطون خلطت القصيم او الخلطه الايرانيه او خلطة حايل انتي روحي للعطار وطلبي منه وهو يعطيك وحطي من هاذي الخلطه ملعقه صغيره )اما انا احط ملعقتين من الهيل وربع ملعقة صغيره مسمار الي هو العويدي ويسمونه بعد القرنفل واصب قهوتي عليها لاني خلاص حطيت الزعفران مع القهوه وهي تطبخ واذاتبين زي ماقلت لك هاذي الخلطات الي يقولون عليها تلاقينها عند العطار ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ملاحظه مهمه :طعم القهوه يرجع بلاصل للبن الي انتي تستخدمينه اذا انتي تعمليه بالبيت مو زي الي تشتريه من العطار او المطاحن له وقت وهو عندهم علشان كذا يروح طعمه وماتستفيدي بشي مو مثل الطازج الي تعمليه بالبيت
بعد من الملاحظات الهامه لازم تكون المويه مناسبه القهوه لوكانت المويه كثيره والقهوه قليله بيصير طعم القهوه خفيف
وبعد اذا ماخليتها تطبخ زين يعني استعجلتي عليها ماراح يكون طعمها تمام
اما بنسبه للمسمار انا ما انصحك تكثريه لانه يعطي طعم مر بس عاد الشيبان والعجايز اذا مايذوقونه في القهوه الله يخلف عليك اعرفي ان الترمس او الدله جايتك جايتك الله لايعوقها بشر؛؛؛؛؛؛؛؛؛؛؛؛؛؛؛؛؛؛؛؛؛؛اعرف طولت عليك واتمنى تعجبك قهوتي وعليكم بالعافيه

أبشري بعزك أنا قحطانيه أنا أشتري القهوه حب غير محموس وأقوم أنا بتنظيفه وحمسها وأثناء الحمس أضع معها الشنه طبعا أضعها في صنيه واحطها في الفرن وأشعل الفرن من فوق ,وأقوم بتقليبها بين الحين والحين حتى تصبح شقرا ثم أضيف لها مستكه حقت القهوه على نار خفيفه حتى تذوب المستكه ثم أقوم بتبريدها وطحنها ثم أملى أبريق القهوه حتى فتحت فم البريق ثم أضع ملعقتين من القهوه واتركها تطبخ المدة عشر دقائق ثم أَضيف شوي زعفران وشوي حليب سا يل أبو قوس ثم أضع في البراد حق القهوه ملعقه صغيره هيل ونصف الملعقه مسمار وزنجبيل ثم أصب القهوه عليها وبالهناء والعافيه
عسى أن تحوز على رضاكم

نسيت أقولكم حطي معها زنجبيل أخضر طازج وخليها تطبخ معها

انا مو قحطانيه .. بس بجاوب بالنسبه للخلطه الكل يستخدمها ومره مشهوره .. هالخلطه تعجبني مره وتحطين منها ربع او نص ملعقه صغيره والقهوه تطبخ .. تلقينها عند العطارين وهي علبه صغيره وتجي من برى عليها علبه كرتون لونها بيج ..انا اذا مليت من القهوه اضيفها تغيير يعني ..
تنباع بالرياض بالعويس وطيبه وعند العطارين ..بس لو انتي برى الرياض اكيد تلقينها عند العطارين ..

شوفي يوم بحثت لك بقوقل طلعت لي بهذا الرابط صورتها ..
http://forum.hawaaworld.com/showthread.php?t=1626723&page=2

وان شاء الله تظبط قهوتك يا صاحبة الموضوع ..

والنعم والله بالقحاطين بس النخوه او النينخه قهوة حريم ماتنحط للرجال هذا عندنا ومدري عن باقي القبايل لان عندنا عيب تنحط للرجال الا اذا الرجال بيتقهوى مع اهله عادي بس الضيوف الرجال لا والف لا