نداء لزوجات العقارين استحلفكم بالله تردون بالصدق

الملتقى العام

اولا السلام عليكم






لنا فتره وودنا نشتري بيت لكن للأسف الأسعار نااااااااار وبنقعد 30 سنه نقسط في البيت بالله مو ظلم

وعندي 5 اولاد اكبرهم 3 متوسط وبيكبرون ويبغون سيارات وزواج وغيره من امور الحياه من وين نجيب هذا كله والراتب 30 سنه نصه اقساط غير الغلا اللي قاعد يزيد

درنا ورحنا وجينا والبيوت كأنها مبنيه من الماس مو حتى ذهب غاليه لدرجه خياليه وياليت فيها شي يحمس انه نشتري لاتصميم زين ولا ديكورات ولا بويات ولا فيه شي جودته عاليه يعني من بعد ما تسكنين بفتره تقوم تهرهر عليك المويه من السقوف ( وطبعا مو كل الفلل بس معظمها ) ما عندهم امانه في البناء والبويات من الرديئ والأبواب والمغاسل ومسكات الأبواب وكل شي في الفله من اردى شي في السوق

ويجون يبيعونها علينا اضعاف سعرها ...........طيب ليه ؟؟؟؟؟؟؟؟؟؟


احنا بنشتري عن طريق البنك يعني مو قاعدين نغرف من حلالنا والبنك كمان ياخذ ارباح خياليه
ذبحتنا الأيجارات وجشع اصحاب البيوت حدث ولا حرج كل فتره قال انا زدت الأيجار الفين تبغى والا اطلع

هل يعقل يا ناس شقه 4 غرف وصاله توصل 25 الف وياليت الغرف كبار ..

استحلفكم بالله يا زوجات اصحاب العقار تسألون ازواجكم هل فعلا القادم نزول والا الهدوء اللي يسبق العاصفه

انا ابحث في النت على فلل للبيع وفي احد المواقع لقيت عرض لشقه في الدور الثالث في اشبيليا ايجارها 17 الف ويمدحونها انها فخمه وحلوه وفيه شقه كمان في الخليج 19 الف 4 غرف

وكثير يقولون انه في ركود من رمضان واصحاب المكاتب يشتكون من هالشي

ابغى اعرف صبرنا فيه منه فايده
ابغى اعرف صمت زوجي في هالموضوع هل هو صدمه والا انتظار

ردوا لي لو على الخاص اللي ما تبغى تصرح على العام بس ابغى اعرف ايش نهاية هالمهزله اللي محد قدر يوقفها



اعذروني لأن كلامي مو مرتب لكن مليت والله مليت وحاسه بغصه وانا اشوف عيالي محشورين في غرفه صغيره

يارب افرجها علينا وعلى كل مسلم
93
8K

يلزم عليك تسجيل الدخول أولًا لكتابة تعليق.

تسجيل دخول

الغاده المترفه
يابعد قلبي حتى امي تبي تشتري فيلا ويقولون الاسعار نار واحنا مارحنا نسأل مدري صدق ولا لا
ودي اعرف اسعار الفلل والعقارالحين كيف مرتفع ولانزل

عندها بيت امي تبي تبيعه وتشري غيره توقعون تلاقي بنفس القيمه :(
بساط الريح
بساط الريح
احنا مثلك نفس الحال وزوجي يشتغل بمكتب عقار وخلال الثلاث سنين الماضيه ما باعو الا فيلتين بس !!
وقاعدين ننتظر مثلكم تنزل الاسعار
الله يرحمنا برحمته ولا يسلط علينا بذنوبنا
نعناع مديني
نعناع مديني
يابعد قلبي حتى امي تبي تشتري فيلا ويقولون الاسعار نار واحنا مارحنا نسأل مدري صدق ولا لا ودي اعرف اسعار الفلل والعقارالحين كيف مرتفع ولانزل عندها بيت امي تبي تبيعه وتشري غيره توقعون تلاقي بنفس القيمه :(
يابعد قلبي حتى امي تبي تشتري فيلا ويقولون الاسعار نار واحنا مارحنا نسأل مدري صدق ولا لا ودي اعرف...
الله يعينك ويعين الجميع الأسعار فعلا مو طبيعية
**نجمة سهيل**
**نجمة سهيل**
اي والله انك صادقه
بس ماراح تلقين اجابه شافيه
اللهم انا نعوذ بك من الغلا والوبا والزلازل والفتن
بنت ابو العز
بنت ابو العز
الله يرزقنا ببيت الملك الواسع الهني
يارب واجعله منزل مبارك لنا