صباح الخير يا صبايا
لك شو اخباركن يا حلوات ان شاء الله بخير
بنا ت يا بنات ربحت ايطاليا :icon28:
وين الحلوات يلي قالوا بدهن تربح فرنسا نيهاهاهاهاهاهاي :22:
بتعرفوا يا ريتني دعيت شئ دعوة لانو الظاهر كانت بواب السما مفتحة والله متجاكرة من حالي
بس بدكن الحقيقة والحق يقال انو ايطاليا ربحت زعبرة ولولا الغبي زيدان ما نطح اللاعب الايطالي براسو على صدرو ( لانو سبلو امه :42: ) وانطرد شر طردة من الملعب كانت فرنسا ربحت لانو الضربات الترجيحية خرطي بخرطي وخصوصا اللاعب الفرنسي يلي نزلي بدل زيدان اسمو دافيد افكح ضربها بالعارضة <<<<<< مو كاني صرت محللة رياضية ههههههههههه
ماعلينا اية سامحيني بس بتعرفي الوحدة بالغربة بتشتهي كل شي سبحان الله بس خلص توبة ما عاد نعيدها
ويا ريتك جنبي منشان اطبخ لك يلي بدك ياه ونصيحة شو ما اجا على بالك كليه احسن ما تطلع بعين البوبو
منشان المايونيز انا ما باكلو الا نادرا وخصوصي يلي هون يلي لونو اصفر :11: لانو مو متل تبع الشام وبعدين مو ناقصني وزن يا حرام حتى زوجي احيانا بقول له ما رح اطبخ هالطبخة شوف طلع لك كرش خلينا نخفف اكل دسم <<<< وانا منشان ما تهف نفسي عليها واكلها هههههههههه :hahaha: شفتوني شو شريرة
والمرتديلا زوجي بما انو بيحبها بيجيبها مرتديلا لحم غنم وخصوصي اللحام يلي بيجيبها من عندو كتير بيعملها طيبة يميميميميميميميممممممممم
لوليا الحمد يلي عجبوكي النكت والله يجعل كل ايامك ضحك ويا ستي معك حق قلت مبارح لجوزي علواه لو اهلي بكرا يبعتولي شي فروج بروستد كامل المواصفات بالــ DHL قام تطلع فيني وقال عليه العوض ومنو العوض جنت المراة :freak6: ههههههههههههه
ويا ستي اطلبي وتمني وانا حاضرة
مزون حبيبتي كللك ذوق وبعرف مو قصدكن بس يلي بيعرف بيعرف ويلي ما بيعرف بيقول كف عدس خليها لربك من وقت ما اشتركت بالمنتدى وشوفي السب باهل الشام على اتفه الاسباب وانا واعوذ بالله من قولة انا يا ما داخلة بحروب منشان هالكلام لانو كنت كتير انقهر من الحكي البشع على اهل الشام من الخليجيات بس ما رح حدد الجنسية هن بيعرفوا حالهن ولاء شوفي ياما مواضيع تكون عن سؤال عن شئ بالشام تصير بعدين مسبات على ابو جنب مرة في واحدة عم تقول بموضوع بقسم ساعدوني انو اخوها رايح على الشام شو توصيه يجيب لها هادا كان سؤالها وشوفي كيف انقلب الموضوع لسب وشتم هي يلي تقول لها انتبهي على اخوكي من السحر لانو اهل الشام السحر عندهن متل بسم الله بكرا بياخدوه منكن وهي يلي تقول بنات الشام عا ...... والكمالة اكيد بتعرفوها وشي منو كتير ... الله يعفوا عنا ..
لدرجة من كتر واحدة ما تجاكرت مني الله يصطفل فيها بعتت لي رسالة من منتدى الساحات هي مشتركة فيه عاملتو لسب اهل الشام الله ينتقم منها وعنوان الرسالة ما بنساه بتقول لي فيه هذه سوريتك وباعتة معها وش عم يضحك ... اسمها ( دمعه الم وكل مشاركاتها بالمنتدى بتلاقوها عم تسب فينا ) وكتير وقت بتصفح منتديات بلاقيها ان الله ما خيبني هي نفسها وشوفي كلامها ويا حزركن ليش مقهورة بس لانو نسبة كبيرة من الشباب يلي بتعرفهن بعيلتها تزوجوا سوريات :42:
انا مو منشان شئ منشان ما يقولوا تحول الموضوع لسب وشتم ولا تنسوا هذا منتدى خليجي ونسبة الخليجين فيه كتير ومنشان ما يتسكر الموضوع بس لا اكتر ولا اقل <<<< كاني عطيتك محاضرة
زينة يسلم لي هالاسم ما احلاه ان شاء الله تضلي رايقة على طول
بطة اهلا وسهلا ونصيحة خليكي لازقة بامك بكرا بتقولي يا ريت ويا ريت الله يخليلنا ياهن يا رب
عاشقة ربحت ايطاليا :icon35: والحمد لله انو النكت عجبتك
هيلين تئبشيني شو مذوقة انت وكلامك الحلو ويا ستي لاء ان شاء الله ما بقطعكن ... بتعرفي منشان كلامك انو الحمل بيمر بسرعة انا لا يمكن لانو اول ولد صدقيني ياما قايلة لامي على التلفون يا ريت الحمل 3 او 4 شهور ويخلص والله داق خلقي والمسكينة تضحك ويمكن تقول بقلبها مدري شو صار لها البنت ... بس بتعرفي انا كان اول حمل وكلو على بعضو مرضض خلص من كريب يلتهب حلقي خلص من التهاب الحلق تطلع لي شغلة تانية يلا الحمد لله صار من الذكريات وكلو نسيتو وقت شفت وش بنتي تقبرني
ايه الله يخلي لنا ياهن ويحفظهن من الفتن ويطالعهن مرضيين وصالحين
يا بنات يا غاليات ان شاء الله خير غيبتكن اشتقنا لكن
يلا سلام ونسيت اكتب عن العناية ببشرتي يلا برد تاني حاجة حكيت كتير واكيد مليتو مني

كيفكن ياحلوين وشو اخباركم انا كتير بطل عليكم بس حكي قليل>>>>سامحوني>>>> قلكن من كتر الحياء>>حتى على النت ما علينا ما شالله عليكم حكيكم كتير حلو والله لا يفرق بينكم ويزيد المحبه ويجمعكم عل خير دوم
هلأ عندي الصبح واللي فاضيه تتفضل تشرب فنجان قهوه عم تغلي على النار>>اي طيب هاد اذا ضل شيء
اختي ايه الله يهونها عليكي يارب وتقومي بالسلامه
الساجده لله وحده لا يهمك حدا ولا ضايقي نفسك>>>كلهم عواذل ويمكن ما بعرفو الا اللي مو منيح فمشي
لك صحيح هداك اليوم ارسلتي رساله على الخاص انو في موضوع راح يسكر بس سألتك اي واحد وما رديتي >>>>>شو القصه لاني ما كنت فاهمه شيء>>ما شالله علي شو فضيحه علني
انا فرحانه كتير وحبيت ادعيلكم معي وتفرحو متلي ويجمعكم الخالق مع اهليكن متل ما راح اجتمع فيهم ان شالله بعد اسبوعين راح احضر عرس اختي وخالي اذا الله راد
عقبال عند احبابكم يارب

وادعولي ربي يسهلها ويهونها لاني نفسي شو ف اهلي

سلاااااااااااااام ياصاحبات القلوب الطيبه

السلام عليكم جميعا

كيفكم يا جماعة ان شاء الله مروقين ومزبوطين ..... على قولة أخي

لوليا ...... لسا ما لقيت حل مع ولادي .... ولسا ما قنعتهم أنو ما في داعي للخوف .. وفعلا هالموضوع متعبني كتير

ولو لقيت حل او شي ناسبهم رح خبرك فيه

بس حكي بنتك كتير نعوم وحلو . قال الضو أخدلها لعبتها . تسلملي عينها شو بتنحب .....

والله يخليك شامة واخواتها ويجعلهم عرايس تفرحي فيهم


ساجدة ..... تسلميلي انت ونكتك

يخزي العين حولك

ومشان فرنسا ... انا والله انقهرت كان بدي ياها تفوز مشان المسلمين اللي فيها ....

لكن مشان الله ليش هادا صاحب جوزك زيدان نطحوا للتاني .... ليش هالإنفجار صار والله كتير اتفاجأنا وما توقعنا هالشي ....!!!!!!



شهتينا على فروج الزين
أديش دقت فراريج متله مافي .ٍسبحان الله

لكن نحنا بما انه بعيد عن بيتنا منشتري من القصور إذا بتعرفيها ساحة القصور في محل فراريج بياخد العقل . في الحقيقة تنين واحد طيب وعليه ستمية زلمة والتاني عم يصفر صفير مع انه بلزقه بس اكله مو طيب

وأحيانا منجيب من المزرعة ......

المهم المايونيز ..ما في خوف منه لأن بأمريكا ما حزرونا منه .لذلك عادي كل اكلنا جاج ولحمة ونواشف خليها لله

لكن طريقة المايونيز تبعي كتير طيبة وأصلية وأخدناه من طباخ بروستيد اصلي .....

المهم يا ستي ما انت :

عيار يومين بالكتير

تجيبي بيضتين وتفصلي البياض عن الصفار وتستعملي البياض بس من دون الصفار ....

خلي الصفار لبيض مقلي أو غرض تاني

جيبي كم سن توم ودقيهم منيح وكتري منيح يعني شي 5 او ست سنان توم وسط لا كبار كتير ولا قد الفصعين ....

ملعقة خل وسط

ليمونة معصورة أو نص معلقة حمض الليمون

زيت بلدي خفيف كتير أو زيت القلي . لكن انا بستخدم زيت زيتون بس فيري لايت
وبيني وبينك زيت القلي أطيب لأنه ماله طعمة تقيلة
المهم

بتجيبي بياض البيض وبتحطيهم بالخلاط وبتسكري منيح وبتدوريه شي دقيقة او تنتين بعدين بتنزلي التوم من الطاقة الفوقانية (( حلوة هي الطاقة انتبهي بس بطرش كتير وبمشيلك المطبخ ))
وبعدين نزلي ملعقة الخل وعصير الليمونة وشوية ملح لا تكتري بنوب ولو عندك فلقل أبيض بكون منيح كتير

وبس لينخلطوا منيح بلشي نزلي زيت الزيتون شوي شوي ..شلون بدي قلك يعني متل الخيط الرفييييييييييييع هيك لحتى يثقل الخليط وتلاقيه ما عاد مشي بالخلاط ساعتها بتعرفي انه صار جاهز

وعيار الزيت ما بعرف والله أنا بحمل القنينة كلها وبدلقها شوي شوي لحد ما يوقف

أحيانا بدوقه وبلاقيه فيه حدودية أو حموضة قوية يعني بده زيت كمان
فبجيب شوييييييية مي وبنزلهم شوي شوي كمان لحتى ما يصيروا يبرموا منيح وبرجع بنزل الزيت هيك ليصير تقيل

وصحة وهنا يا رب .....

هو صعب والله كتير وغليييييظ كتير بس طيب وما بينبلع الفروج إلا معه .....

لو جربتوها وظبطت ادعولي وخبروني ...... ولو ما ظبطت .اصحكم ما تدعولي .....

أما الشيش طاووق لعيونك يا لوليا .....

بنقع مكعبات مقطعة من صدر الجاج بالتالي :
توم مدقوق منيح شي 7 سنان أو أكتر - ملح - بهار - عصير ليمونة أو تنتين حسب الكمية تبع الجاج - مرقة بندورة شوية - زيت زيتون -
بنقعهم من الليل لبكرة الصبح أو على الأقل 6 ساعات .وفعلا بيطلع طيب كتير

وصحة وميت هنا على قلبي أنا ..ز وقلبكم كمان

هيلين عزيزتي راجعة لسؤالك لاني كتبت هلأ جريدة

بطة .... الله يحميك وترجعي بالسلامة

وتحياتي للجميع

أهلا نور عيني جنان . وانا كمان عم اشرب قهوتي .تفضلي يا ستي .... مين قهوته اطيب يا ترى ؟؟؟

والله انا مقضية من القهوة .ما بيعجبني شي لأن منجيب قهوة معلبة من النجار أو حسيب هادا المتوفر ... ومتل قهوة الشام ما في

الله يعينا ......

لوليا نسيت جاوب على سؤالك ......

مشان البشرة والغعتناء فيها صدقيني أنا صفر بهالناحية

لو تشجعت شي مرة بداوم يوم يومين اسبوع بالكتير وخلص
لكن ولا مرة عملت ماسك أو شي
وقسم البشرة ما بدخل عليه لأن ما بفهم فيه شي

لكن موضوع ام محمد ما شاء الله عليها :قررت ان اتعلم فنون التجميل كتير مفيد وحفظت منه شغلتين لحد هلأ ..... الكونسيلر هو لإخفاء العيوب .... يعني لتحت العين واماكن التجاعيد أو الطعجات عل ىقولة اخي .....هههه

والفاونديشين يعني هادا كريم الأساس إذا ما كنت غلطانة
بس حتى هدول ما بستخدمهم

يا دوبك حمرة وظل وخلصت السيرة

بس لازم والله نتعلم
نحنا ببلد الاناقة والمكياج ونطلع متل الاطرش بالزفة ....ما بصير

ساجدة تسلملي عينك شو مهضومة بس تعي لهون لا تهربي بدنا تجاربك وخبراتك همسة لك من اخت تحبك لا تقولي لاحد الله ينتقم منها لانو لا تخافي رب العباد شايف كل شي وما في شي عندو بروح ولا مثقال ذرة فيلي بدو يسبنا الله يهديه وخلي الذنوب الو
نور عيني الله يجمعك باهلك قريب والله يتمم لاختك وخالك عا خير والف مبرووك مقدما
شامة والله انت يلي بتنحبي والله يجزيك الخير عا طريقة الشيش والمايونيز وان شاء الله بجربهم قريبا وتاريكي متلي انا من المنتدى عرفت الكونسيلر وجربت واحد من ماركة كلينك كتير ظريف ولاول مرة في التاريخ بشتري شغلة مكياج لحالي لانو مكياجي وانا عروس اختي الكبيرة يلي نقتلي ياه وانا متل الاطرش بالزفة و جوزي شجعني انو مااتعرف لانو ما بطيق المكياج والله اذا حطيت حمرة بينهز وبيقلي روحي قيميها فورا الظاهر بذكرو بالقطة يلي اكلة ولادها بس انا حابة اتعلم لو انو شي مكياج خفيف بالنسبة للفاونديشن بتصدقي بكل حياتي مستتخدمتو بس شي 3 او 4 اذا كترت يلي اكيد يوم خطبتي ويوم حفلة عرسي او بمعنى اخر يوم وداعي ومتل ما قلتي نحن ببلد المكياج والاناقة وهيك معلوماتنا ما بصير