مسااااااااء الخير بنات كيفكم . ما شا الله عنكم والله كتير نشيطات تنبشوا قلبي, شام تسلمي عالطريقة والله يعطيك العافية, وزنزون الفريكة طلعت ناجحة والضيف مدح بالاكل كتير واتاري ما كانوا رايدين يروحوا عالمطعم ميشان يتابعوا المباراة, وعلى سيرة المباراة الف مبروك على كل مشجعين الايطال , والعوض بسلامة مشجعي الفرانس. ميشان المكياج والله انا من يوم ما تزوجت صرت هاملة حالي تمااااااااااااام مع انه جوزي على عكس جوزها ل لوليا بيريدني اهتم بحالي كتير وعلى طول اكون مغنجة وانيقة وعاملة شعري ولابسة ومن هالحكي, بس انا عند الي كنت بنت يعني لسه ما متزوجة كنت على طول استعمل ماسكات لوجهي وشعري والبس واتشيك واتمكيج, بس الكريمات قليل كنت بستعمل , عدا كريم الاساس للمكياج وكريم ليلي , وهاي الشغلات هاملتها هلق , واذا بهتم شو فبيكون بضغط من جوزي , معبالي البيت ماسكات جاهزة وكريمات, شي بيقنعني لسجل نادي رياضي , وشي بيعرض علي استشير دكتور تغذية ميشان يحطلي نظام غذائي وريجيم, بس عندي سؤال هون مرة سمعتكم عم تحكوا عن رجيم الزمرة ومن هال الحكي , معليش تحكولي عنه شوي , ماني متذكرة مين منكم كانت تتبعها , ياريت توضحلي شي عن هاد الريجيم لاني ما فهمت شي طاول

وهلق اكيد طولت عليكم , بطة الله يرجعك بالسلامة لبيتك وزوجك , صحيح على فكرة في بنت ما عم بقرالها ردود وهي nicemell , عسى المانع خير طمنينا عنك حبيبتي وكمان سما ايجيبت.

وسلامي للكل

بنااااااااااااااااااااااااااات كتبت رد هالقد قده وطار :::::::::::::::::: خلص حردت
معلش اعذروووني راجعتلكن يا حلوين

اهلا وسهلا بيناتنا يا نور والله اشتقنالك وعم نستنا ردك

سلام لكل الصيابا الحلوين منورين ماشاء الله ما لحقت اقرا كل شي مكتوب شكله رايح علي كتير على كل الاحوال حبيت سلم على الكل الله يسعد اوقاتكم ينات حبيت اعرف منكم شغلة انا ابني عمرة سنة و5 اشهر بالزبط بس يعني ما بيقول غير ماما بابا دادا يعني ما بعرف اذا لازم يحكي اكتر ولا لا بيقول صحيح كمان ما يعني ماء مع اني اكتر مني بيلعي معه مافي يعني من وقت ما كان ببطني بيحكي معه يمكن يا حرام قال يلا هي امي بتحكي عني وعنها هههههههههههههه بقى شو بنات ما رايكم دام فضلكم لازم يحكي اكتر ولا بهالسن طبيعي ...طوشتكم بابني مو هههههه

مرحبا يا صبايا...كيفكم اليوم ان شاء الله كل الامور تمام

عزيزتي ملاكة تائهة شكرا من كل قلبي على انك ذكرتيني ...هي أول مرة حدا بيعملها:hahaha:

يا ستي الله يطعمك بيبي و تعيشي اللي عم عيشو :22: الله وكيلك و العفو منكم على الحديث صارلي حوالي العشرة أيام عم نظف بنتي بس رح تجنني بحطها عالنونو ربع ساعة و ما بتعمل شي و بس اقومها بتروح بتعملي ياها عالارض:eek: ... الله وكيلكم يا جماعة رح تجيني الجلطة

عذرا يا صبايا على هالحديث اللي طالعة ريحتو بس شو بدي اعمل
طالبة منكم النجدة اللي عندها خبرة بهالامور تساعدني و الاجر عند ربنا

سلام لكل الصبايا فردا فردا من دون ذكر أسماء لأنو يخزي العين كتار و بدكم صفحة كاملة لتنعدوا
على كل حال الله يديم هالجمعات الحلوة
و لنا عودة بإذن الله