السلام عليكم ورحمة الله وبركاته

ـيب ليش التطيش حرام عليكون:( كان بدي استفيد مو اكتر الله يسامحكم

أهلا يا رورو .لا تطنيش ولا شي
وميت اهلا وسهلا فيكي

الله ييسرلك بالسلامة يا رب

مواضيع السفر تكلموا عنها البنات بكثرة وبتلاقي معلومات هائلة من الطيارة للملابس للتحضير للسفر

وان شاء الله بدورلك المواضيع وبحطلك ياهم

مشان الفيزا ...

مزال انت من مواليد دمشق خلص .بتفوتي ابنك على جوازك بس بتسجليه بالسفارة وبتطلبي منهم يضيفوه لجوازك كمرافق أحسن ما يفكروا انو آخدة ولد حدا ..... وعلى فكرة ما بفوتوك على سورية لحتى يشوفوا اذن سفر من زوجك بالولد أو لو كان معكم بيمشي الحال
بس انت حطيه معك كمرافق على الجواز السوري

الوزن فيكي تسألي الشركة اللي مسافرة عليها

هنن حددةا تقريبا 30 كيلو لكل شنظة

انت بحقلك شنطتين وابنك لاء لانو لسا ماله مقعد

بس يمكن بتقدري تاخديله شنظة صغيرة هيك قالولي طيران عالية

3-الاغراض اللازمة للسفر وغير متوفرة بالغربة :



أول مره أسافرمده طويله ساعدوني !! وش أخذ معي وش أخلي؟؟</STRONG>


ساعدوني مو عارفه وش أخذ معي (( مسافره لامريكا ))


تجاربكم مع السفر بالصغار بالطياره لمدة طويلة



السفر الطويل في الشهور الاخيره من الحمل هل من مجرب



الإجازات الصيفية ....


اذا كنتي نازله زياره لاهلك هذا الصيف ادخلي هنا وانتي تعرفين ايش فيه

ونصيحتي خدي معك كاريت لابنك وعرباية

العرباية تبع الكارسيت بياخدوا على باب الطيارة
ولما تنزلي من الطيارة بتضلي واقفة وبديبولك العرباية فورا فهي بتأمني ابنك وبتحكي بالكارسيت فورا وبتأمني عليه وبتنتبهي للشناطي والأوراق وكذا

خدي معك أناني مي نظيفة ومعقمة مشان الحليب لو بياخد حليب بودرة ....

وخدي معاك شنطة كبيرة خليها بايديك حطي فيها غيارات للولد بامبرز و عدد 3 أو 4 من غيار ملابس لحتى صار ما صار يكون معك .....

وخدي معك اكلات بسيطة للولد بحب يعضها متلأصابع بسكويت أو هيك شي يعني
لو بياكل خديله قطرميزات معك ومعالق صغار بلاستيك

خلي معك تايلنول للضرورة لا سمح الله وخدي معك على الشام كمان احسن

هاد اللي ببالي ولو عندك أي سؤال نحنا حاضرين

مساء الخير ياحلوين شو أخباركن أنا باقي شوي على زحلان عقلي ماعم بخلص شغل البيت والسوق شايفة حالي رح أوصل عالشام منتهية من التعب بس يمكن وقت بشم ريحة الشام اكيد بنسى كل شي
مزون حبيبتي أنا ساكنة بالرياض وصارلي أكتر من عشرين سنة فيهاوعندي أربع أولاد وقبل ماخلص الثانوي كنت متزوجة مالي عرفانة على شو مستعجلة حاولت كمل دراسة وكنت ناوية ادرس ادب عربي بس مامشي الحال هلأ بدرس أولادي ودائما علامة القواعد ممتازة يعني فشيت خلقي بولادي
ساجدة شلونك ياقمر اليوم ماطليتي
شام الغالية مظبوط متل ماقلتي لنور الدرب على الزين عم فكر نتفق كلنا ونجتمع عندو
بالنسبة لسؤالي لك عن اختلاف تفكيرنا عن اهل الشام وكيف بنتعامل معهن على طبيعتنا بس هنن بياخدوا كل كلمة بالمعنى عكس قصدنا فهل هذا صحيح عم بستنى ردك انت والبنات
وباقي الصبايا شلونكن ملاكة تائهة بدي غيرلك اسمك لملاكة سعيدة واذا ممكن شو هي اكلة المخبص اول مرة بسمع فيها شايفة بندور ومنرجع عالطبخ
المزة ,عاشقة الحب , لوليا , نايس سمايل ,سما ايجيبت, نور عيني جنان, نور الدرب, آية ,جودي, الخيل والليل ,ريما ان شاء الله ماكون نسيت حدا شو أخباركن
بتعرفوا يابنات زنزون من فترة مابينت ان شاء الله يكون المانع خير

سلام بنات حبيت مسي عليكم

HELEN
على فكرة أنا رديت عليك من قبل بس كالعادة راح الرد وعصبت وما رجعت كتبته
طبعا كلامك صحيح وهدا بيرجع للبيئة اللي عاش فيها كل واحد منا أكتر والإنسان لما بيصير بغربة كتير من الشغلات بينساها وما بيعملها حساب إدام مشاكله وهمومه التانية فبيتغير كتير وبتصير نظرته للأمور غير ولما بيرجع لبلده الناس بتحسه تغير وهو بيحس بلده تغيرت مع أنه هي هي أحياناً
انت عم تحكي هيك وانت ببلد عربية فما بالك اللي ببلد أجنبية بالذات تأثير هالشغلة على الولاد بتصير كل شغلة ببلدهن قصة غريبة عليهن وخصوصا العادات والتقاليد اللي هنن مو متعودين عليها منشان هيك أنا رأيي أنه الواحد حتى لو عاش ببلد غير بلد أهله لازم ما يقطعهن قدر الإمكان يعني يحاول يسافر لعندهن كل ما بيقدر مو بس منشانه منشان ولاده يشوفو بلدهن ويتعلمو العادات والتقاليد والأخلاق والدين كمان
آسفة على الإطالة بس وجهة نظر وحبيت أطرحها :) ما بعرف شو رأي البنات