لا يمكنك مشاهدة هذا التعليق لانتهاكه شروط الاستخدام.
مرحبا يا حلوين كيفكن؟؟؟
ان شاء الله تمام
والله مو عارفة اكتب لانوا كتير :06: :06: :( :44:
مسمووم بدني من يلي عم بيصير
شو كل شي حروب احنا السبب فيها
بس احسن الشي حسبي الله ونعم الوكيل
والله يحمي اهالينا كلهن
بس بهي الحالة حبيت اسألكن شو لسه رح تنزلوا على الشام ؟؟؟؟
ولا لا؟؟
لانوا الهيئة جوزي مو متشجع ننزل بهيك ظروف ؟؟
وسلام للكل والي رجعة :)
Roro
•
اخواتي شام وساجدة لله وحده مشكورين على ردودكم الحلوة والمفيدة بس راح اشرح اكتر انا ابنى ولادان بكندا و جوازي السوري خالص وما بعرف اذا كان لازم جدوا او انزل بالكندي وهل لازم سجل ابنى بالسفارة او لا ومنشان الطيارة اكله هم كتير والله المعين
شام
•
أهلا رورو
جددي زواجك بالسفارة فورا واضيفي ابنك على جوازك حتى تريحي بالك ..طبعا اسألي السفارة عن الأوراق اللازمة شهادة الميلاد ورسوم تجديد الجواز وهيك ....
لو بدك تنزلي على جواز كندي بدك فيزا لسورية ......
جددي زواجك بالسفارة فورا واضيفي ابنك على جوازك حتى تريحي بالك ..طبعا اسألي السفارة عن الأوراق اللازمة شهادة الميلاد ورسوم تجديد الجواز وهيك ....
لو بدك تنزلي على جواز كندي بدك فيزا لسورية ......
شام
•
جودي . اعملي استخارة
الله يقدملك اللي فيه الخير
ولو أنتو فيكم تأجلوا سفركم شوي أجلوه افضل بكون الرؤية اتضحت
والله يحمي بلادنا وبلاد المسلمين ويهلك الكفرة المجرمين ويريحنا منهم
الله يقدملك اللي فيه الخير
ولو أنتو فيكم تأجلوا سفركم شوي أجلوه افضل بكون الرؤية اتضحت
والله يحمي بلادنا وبلاد المسلمين ويهلك الكفرة المجرمين ويريحنا منهم
الصفحة الأخيرة
شو اخباركن ان شاء الله كلكن بخير
والله كنت تعبانة شوي عيوني متحسسة كل سنة بهالوقت كتير عيوني بتتحسس مع انو ما كنت عاني من هالشئ وقت كنت بالشام بس كلو من الغربة الله يصبرنا
بتلاقوا عيوني لونهن احمر يعني صايرة متل دراكولا :22: ليش جوزي مرتعب مني هاليومين لانو خايف اكلو ههههههههههههههههههههههه
وكملت معي وكنت مرة عازمة ومرة معزومة وشوفوني بهالمنظر عيوني حمر وعم بتدمع وكتير بتضايقني قعدة النت من كتر البحلقة
لوليا تسلمي لي على هالكلام اللطيف ومنشان اعتنائي ببشرتي <<<<< واخير انا يا ستي اذا بتشوفي منظري قبل ما اتزوج وهلق بتقولي اكيد هي المخلوقة مو نفسها كنت كتير اعتني ببشرتي بكل شي بيخص الانثى من جميع النواحي من كريمات ومكياجات الخ الخ بس هلق :06: الله يرحم هديك الايام والسبب زوجي زوجي ما بيطيق شئ اسمو مكياج وما بيحيو وكل ما اجا على بالي حط شئ بيقول لي حلو بس بلاه احلى :icon33: وصدقيني الواحدة لما تشوف من زوجها هالامور بتهمل او بتنسى هالشئ ولا تنسي تغير الجو والعوامل النفسية من قلق وتوتر وحزن بسبب الغربة كلها الها تاثير على البشرة ولا تنسي اهم شئ عوامل التعرية من حمل وولادة وارضاع :42: هي كلها بتدمر البشرة
بس وقت شفت حالي بعد هالفترة قلت لاء لازم اسعاف سريع للامور قبل ما تتفاقم عملت برنامج لحالي وعم بمشي عليه قدر المستطاع لاني ملولة والحمد لله ماشي الحال
وعلى فكرة اكره شئ علي تقولي لي ساوي ماسك بالبيت .... لانو مو كل المواد متوفرة واذا لقيتيها بتكون غالية بقى الكريمات الطبية اسهل واحسن <<<< شفتوا كسلنة اكتر من هيك
بدي قول شغلة انو فيه عند الناس اعتقاد انو صاحبة الدين وقت يلاقوها تعتني بحالها بيستغربوا وهادا الشي بيغيظني يعني صاحبة الدين لازم تكون شرشوحة لا حول ولا قوة الا بالله
ويا ستي منشان الاغراض يلي بنزلها وبجيبها معي من الشام انا نزلت حليب لبنتي كمية منيحة لانو ما في منو بالشام بسبب انو غالي كتير ونزلت لها لبس بيجنن للبيت او للمشاوير حلوين كتير وجبت من الشام كل شئ هههههههههههههه متل نحنا على الفطور ما بناكل متل الفرنسيين كروسان وقهوة على الفطور <<<< اي والله اذا بدي اكل هيك عشرين كيلو بالشهر
بقى جبت معي جبنة مفرزة انا بكون قابلة لماما وقت بيمونوا بالشام انو تحسب حسابي الله لا يحرمني منها قولوا امين
ومكدوس كمان مفرز بكياس ووقت بوصل دغري بحطو بمطربانات وبزيتو
وزعزوع اكيد ما رح تعرفوها :22: هادا تدليع زيت وزعتر بوصي عليه توصاية وبجيب شئ كيلين منشان ما انقطع هههههههه تقولوا مدمنة
وزيتون يمممممممم وشو كمان والله نسيت
وبجيب صفيحة بلحمة وبجبنة وكبة كمان مفرزة بحطها بعلب بلاستيك منشان ما تنهرس من كتر الخبط يلي بيصير بمطار الشام ( طبعا بكون حاطتتها بالفريزر من اسبوع وبحطها بعدين بكياس للتفريز بجيبها معي من هون بتكون سميكة وبتحتفظ بالبرودة وهي كلها اربع ساعات وبكون بباريس )
يعني فيكن تقولوا مونةلسنة بحطها بعناية كبيرة منشان ما اخسرها بالسفر اي وبجيب عسل اصلي وبيكلفني هديك الحسبة
وكمان قهوة وشو كمان يا ربي اي فريكة بموت فيها يميميميميميميمممممممم وقلي للتسقية زوجي يوم عطلتو اذا ما فطر تسقية او فول ما بيمشي الحال وملوخية يابسة وطبعا الي بجيب تنانير وايشاربات وقمطات واي شئ كون عاوزتو متل كتب الي ولبنتي وعلى فكرة انا بكون عاملة نوتة كل ما اتذكر شغلة قبل السفر بكتبها على هالنوتة بهيك لا بنسى ولا بتعذب
وعلى فكرة شنتة المونة بكتب عليها قابلة للكسر منشان متل ما قلت ما اخسرها وما حدا بيحاكيكي شئ عليها
بقى جاوبت على اسئلتك ولا لاء يا لوليا الحلوة قديش بتعطيني من عشرة :22:
ملايكة ونور عيني جنان شو اخباركن
نايس سمايل تسلمي لي انا هون بس حالتي حالة
مزون الله يجعل كل ايامك ضحك بالنسبة للكابتن ماجد ورابح وفلونة وساندي بل ( بموت فيها لهلق ) وهايدي وشو كمان كلو كنت متابعتو ولهلق متذكرتو ماكنت مخليه شئ يعتب علي ههههههههههههههههههههههههه
وزوجك اذا عندو الحلو كلو ليش عينو بدها تزيغ <<<<< بس اذا زاغت ساويه :35: هههههه
وعطيني طريقة الباسماشكات <<<< ابوك يالرجيم
زنزون انت العسل والله وينك مالك مبينة ان شاء الله خير
عاشقة وايه شو اخباركن ان شاء الله بخير
شام والله فرطتيني ضحك تقولوا رح اتزوجو للمايونيز :hahaha: الله يسلم ايديك خلص بساويه وبخبرك
نور الدرب الحمد لله انك بخير ويا ستي لا بضحك ولا شئ بس شوي ههههههههههه الجزماتية منطقة من مناطق الميدان ومشهورة بالمحلادت يلي فيها لانو كلها اكل يمممممممممم وخصوصا بياعين الشاورما متل انس يممممم وانت قولي لي وين اهلك وانا بقولك كيف يروحوا لعندو
سما ليش ما قريت الرد انو تعالي على باريس ولا يهمك :icon33: خلص خلص لا تحاولي خاصيتك
هيلين تسلمي لقلبي شو حبيتك ومنشان سؤالك عن اهل الشام كلامك مظبوط % 100 وما بتعرفي ليش هيك بيقولوا مدري غيرة او مدري غيرة وعلى الاغلب غيرة
وبالنسبة الي بقول انا متل ما انا رح ضل وهنن ان شاء الله بينفلقوا ما بيهمني طالما ما عم ساوي شئ غلط او اغضب ربي
رورو اذا نازلة بسبور مو سوري بدك فيزا اكيد وبالنسبة للوزن 40 كيلو هيك قالو لي عني وعن بنتي وانت ادرى شو تنزلي معك ونحنا عطيناكي خيارات وانت نقي على كيفك وان شاء الله موفقة
يلا سلام بنات والله التعى قلبي من كتر الكتابة بشوفكن بكرا على خير ( وين البنات المختفيات تامو وينك يلا اشتقنا لكن اظهر وبان عليكي الامان )