هلا شام الله يعطيك العافية ماشاء الله متابعة مع الكل والله مو شغلة سهلة ما شاء الله عليك

عزيزتي انا بمدينة اسمها بلومنغتن هي بعيدة عن شيكاغو شي ساعتين بالسيارة

وبالنسبة لحفلتك يعني ان شاء الله الاخوات عندهم افكار كتير بس انا الي اجا في بالي هلا فكرتين اول شي تجهزي كيس فيه هدايا صغيرة او كاندي مثلا وتخصصي هذه الاكياس للي بيقرا شي من القران ولما الطفل بيقرأ بتعطيه واحد

اما الشغلة التانية فهي يمكن جديدة شوي هاي شفتها هنيك بالسعودية وكتير ولادي حبوها وتعلموا كتير اناشيد من وراها وهي انك تحطي انشودة للصغار مثلا متل انشودة لبيك رسول الله او احلى حروف الكلام" رح حطها قريبا ان شاء الله" وتوقفي الصغار جنب بعض وتوقفي انتي قدامهم وجهك لهم وتشغلي الانشودة وتعملي حركات وتقولي لهم يعملوا متلك حركات تناسب كلمات الانشودة

هالشغلة حبوها ولادي كتير وصاروا بكل مرة يجتمعوا ولاد خواتي عنا يطلبوا نحط لهم الانشودة ويوفقوا يعملوا الحركات وحتى هلا بعد ما جينا عم حط لهم الانشودة وهنن بوقفوا وبيعملوا الحركات ومن كثر ما عدت وزدت بها الانشودتين حفظوا كتير من كلماتها

اما الاكل الله يعينك براي مافي شي بحبوه الاولاد اكثر من البيتزا ممكن تعملي بيتزا دوائر لهم وهلا جديد ولادي حبوا التوست المحمص بالالة وعليه جبنة والله مافي ببالي شي كتير ان شاء الله الاخوات يساعدوكي اكتر وان شاء الله هلا بنزل الاناشيد

لبيك رسول الله

http://www.arabjoin.com/islam/data/m...rabjoin.com.rm

احلى حروف الكلام .كثيييير حلوة

http://www.lazeeez.com/anasheed.php?ID=263&do=show_sound_file&cat=38


وبهذا الموقع الاخير ادخلي على قسم اناشيد الاطفال ورح تلاقي كتير اناشيد حلوة متل الي من شركة سنا الطفل والبحر ونشيد المستقبل ونبع الحب وطائر النورس كلهم حلوين كتيييير ...وفي غيرهم بس انا بعرف هدول

أهلا فتاة سورية


انت بعيدة عني حوالي 200 ميل ..... ماشي حالهم

انت قريبة على سبرينغ فيلد لو بدك بعرفك على رفيقتي هنيك بتحبيها كتير


يسلموا ايديك يا رب افكارك كتير حلوة

كما في أنشودة اسمها يا مكة على نغمة يا طيبة يا الله شو حلوة عم حاول احفظها انا وحفظها لولادي

هلىء عم اسمع انشودة ماما ... بتاخد العقل كتير حلوة بس ما قدرت كملها .....آآآآآآآآآآآآآآآآآآآآآآآآآآه







يا ريت اقدر نزلهم على سيدي .....

الله يجزيك الخير يا رب

شام تسلمي حبيبتي على النصيحة................ما بعرف ليش مكتئبة هاليومين وبخصوص حفلة ابنك والله ما عندي خبرة انت شوفي ابنك شو بيحب واعمليلو ياه واعملي مسابقات وهدايا يعني اذا حواليك كم ولد اجمعيهم مع بعض بيتشجعو وفي محفظ للقران كانت تطلع دعايتو بسبيس تون بس كان غالي شوي ..............الله يفرح قلبك بحفظ اولادك للقران الكريم وعقبال بنتي واولادي واولاد المسلمين

هلا بطة كيفك الله يعينك عاهلفصل بس حاولي تتعلمي اللغة ضروري لو تمشاية حال طيب هنن ما بيحكو انكليزي بتركيا
فتاة كيفك وكيف ولادك الله ييسرلك امورك ويسلمو كتيير عالاناشيد الحلوة



شام الله يعطيك العافية ما شاء مو تاركة ولا رد من خيرك الله يجزيك الخير وصلو البوسات وما فيه بوسة لامهم غرت بالنسبة لحفلتك هل بس فيها صبيان ولا في بنات كمان لانو ممكن تقسميهم فريقين وتحطي اسئلة مسابقات مثال اكمل الاية التالية طبعا من يلي حافطينهم او اكتب مثلا حروف بالعربي حسب اعمار الاطفال وطبعا بتصعب الاسئلة عاحسب عمر الاطفال ويلي بيفوز الو سكرة او شي رمزي ومتل ما قالت فتاة بنهاية الحفلة حضري اكياس فيها كاندي وشوكولا والعاب صغيرة مثلا من الدولار ستور او حسب ميزانيتك بالنسبة للاكل ممكن تحضري مفن صغير ومعجنات دوائر صغيرة وعلب عصير صغيرة وشي قالب كاتو يكفي الكل وخلصنا هاد يلي اجا ببالي والله يخليلك ولادك وتشوفيهم من حفظة القران الكريم