أهلا أخواتي ....

آية . على شو بحب ابني .ييييييي ما منخلص الله يعينا

بس رح نشوف شغلات حلوة ورح راجع كم موضوع بالمنتدى بتذكر كان فيه نشاطات بس بده بحث وتدوير
ولو لقيتهم بحطلكم ياه ومشكورة جدا عزيزتي


سماء إيجبت : الله يحميك يا رب وتوصلي بلاسلامة
والله سؤالك نسيتو بس بعتقد أكترشي بتعتازيه هو كيمينو تلبسيه فوق اواعيك وتحتاجيه لو طلعتي من غرفتك لتتمشي بعد الولادة أو قبلها .....


وكمان قمصان نوم مستورة طويلة وشي نص كم وشي كم طويل والها فتحة من الصدر مشان الرضاعة
لأن القمصان اللي عندك يمكن ما تكون مناسبة لو حدا فات لعندك بالمشفى من احم ولا دستور

بعتقد هدول بس بتحتاجيهم للولادة
شنطة البيبب وكذا كله من عندك بتلاقيه
ويا رب ترجعي بالسلامة وتقومي كمان بالسلامة

مشان وجع خاصرتك انتبهي هاه . ليكون معك طلق خفيف
انا صارت معي بالشهر السابع وانشكلت من خاصرتي شوية وبعدين قويت قويت لحد ما صرت ابكي من خاصرتي
رحنا على الدكتورة ولقيت معي كونتراكشن فورررررررا على المشفى وعطوني وقتها مرخي مغنيزيوم يوقف هالشغلات والحمد لله مشي الحال

ما بدي رعبك بس انتبهي الله يرضى عليك

ودغري عل ىالدكتورة افحصي حالك ولا تتعبي حالك

ربي ييسرلك


لوليا ...... الف شكر يا رب عل ىالأفكار الحلوة

يا ستي كلهم صبيان ما عدا بنتين يا حرام

هو هيك رايحة على الدولار ستور ورح شوف شو عنده بعدين بجيب من برا حاكم هي الهدية رمزية أكتر ما تكون هدية منحقا

الاكل بعتقد رح جيب بيتزا جاهزة الكل بحبوها
ورح اعمل شي اكلة معكرونة يا بالبشاميل يا سباكيتي بالستيك وصلصة البيتزا
وهيك معجنات ويلنجي هاد للكبار يعني ......يميميميميم

وكم آكلة لأن حيكون الرجال بالآخير بيجوا فلازم نعمل أكل ظابط
مو معقول نعملن بيتزا وخلصنا

هي الصعوبة مو بالحفلة
الصعوبة بالتحفيظ بدي وما بدي وصعبة ومدري شو

الله يعينا يا رب

ولو عندك افكار كمان احكيلنا

وربي يجعل ولادنا من حفظة القرآن الكريم ليلبسونا تاج من نور يوم القيامة

اهلين لوليا
نسبه كتير قليله من الشعب بتعرف انجليزي والله كنت بتمنى قبل ما اطلع ع تركيا يكون في حواليي عالم بتعرف انجليزي بس مافي منين يا حسره يا اما ختايره ياما طلاب بايعينها وماشيين
على كل انا تعبت نفسيتي كتير من القعده بالبيت وماعندي شي اعمله فبدي حاول وباذن الله اتعلم اللغه التركيه ان شاء الله لو مكسره
والله يسر لي امري

كيفك بطة أنا حماتي تركية من أضنة ، وما شاء الله عليها بتجنن ، طيبة كثير و بتحكي عربي مكسر بس بيطلع معها بيجنن ، و أحلى شي فيها إنها كل كام يوم بتعلمني أكلة تركية.
أخو زوجي و عيلتوا هلق بتركيا ، طالعين سياحة و إن شاء الله إطلع أنا كمان بس مستنية يكبروا أولادي شوي

و ين الصبايا يلي من أبوظبي ؟؟؟؟؟؟؟؟؟ ما سمعت صوت حدا؟؟؟؟؟؟؟؟؟

اهلين ميسو
انا بخير والحمدلله وانت كيفك
على فكره كل التركيات الكبار بالسن طيوبات وبينحبو
يالله عقبال ما يكبرو اولادك الله يخليلك اياهم وتطلعي لتركيا وتنبسطي باذن الله

السلام عليكم ورحمة الله وبركاته
كيف الحال اخواتي ماشاء الله على هالتجمع الرائع اتمنى انياكون معكن
انا كمان من سورية من محافظة ادلب وعايشة بالامارات في عجمان
انا بحب اتعرف على جميع الاخوات واتمنى ان اجد المتعة والفائدة لاني في الحقيقة اشعر بفراغ كبيير
بحياتي لاني غير موظفةوكمانما عندي اولاد وزوجي على طول مشغول بعمله الله يعينه
مشان هيك انا اتمنى اني انضم لهذا التجمع الرائع
واتعرف على اخوات موجودينهون بالامارات اذا امكن
والله الموفق