لك اهلين لوليا اسمك متل اسمي بس بالعربي واهلين ببنت العاصي وطولكرم يعلا قطاطكم حسيت حالي بالشام بس وين مشرفتنا الغالية شام ما عادت طلت علينا ولكل الامهات ويلي ما صارو لسا بدي اسالكم عن العند عند الاطفال بعمر 2 و3 سنين شو تجاربكم وشلون عم تتعاملو مع هالمرحلة

أهلا وسهلا بالجميع من دون ذكر اسماء لأن بصراحة مالي متذكرة كتير

سامحوني

وألف مبروك يا مزون على الحمل

الله يهونلك وتقومي بالسلامة

السفر بالحمل مو منيح بالاشهرلاولى ... يسبب لا سمح الله نزيف أو اختلال بالحمل

لكن السفر آن بالاشهر السابع والتامن

على حسب قول الطبيبة


لوليا .... اهلا وسهلا فيك .صار عنا لوليتين

ويلى وحدة تالتة وبيطلعنا كنز على قولهم ....

أنا موجودة بس ما بصحلي شارك .... مع انو الموضوع كتير مفيد

موضوعك يا عاشقة الحب ...

برأيي لو ابنك أو بنتك دارسة عربي وبتعرف الألف من الباء من التاء وبيعرفوا يقرؤوا ما راح تتعذبي معهم كتير .....

وكلما كان صفه أقل كلمكا كان أهون

يعني صف الاول والتاني أهون من الصف الرابع والخامس

وبعدين أنا مالي هاكلة هم التعليم تبع بلدنا ....

في مدارس بتاخد العقل بالشام .... بس المشكلة هي بالمنهاج

المنهاج عنا مختلف تماما عن المناهج في امريكا وأعتقد في كندا ايضا

الولد ما في حاجة تكتبيه املاء وتحفظيه قصائد

هو بيقرا لحاله وبيكتب لحاله وكلشي
حتى الفحص ما بتعرفي شو بدك تدرسيه .....

لكن أنا بطمئن ...... لو درست ولادي بالشام وتعبت عليهم رح يطلعوا مناح بإذن الله

لأن هي نحنا .يخزي العين حولنا ....درسنا بالشام الجامعات وما شاءا لله علينا ....

وبعدين قصة التأقلم .....
رح نتأقلم لو كان عنا هدف ...

بمعنى ...

لو أنا همي الاول المال والرياحة والبيوت الحلوة وهيك .رح اتعب بالشام

لكن لو هدفي أن غذي روحي وعقلي وفكري باهلي حبايبي وجمعات الدين وبلدي نفسها وأشعر بنفسي أني عم فيد بلدي وأنفع ناسها .....

أفضل ما عم ادفع ضرايب للحكومات الصليبية وعم فيدهم بعلمي ومصاريي ....

هالشي هو الميزان .....

وبكفي انو ولادي يربوا بجو إسلامي وديني طبعا بدي اتعب لأن الفساد بكل مكان لكن بلد عن بلد فرق ..

أما قصة العسكرية .....

فالله يهديهم ويصلحهم

شنططوا ولاد البلد كلهم مشان يهربوا من العسكرية البغيضة

لكن القرارات المخففة لمدة دفع البدل على حد علمي جاءت لمصلحة الولدانيين بالغرب وحتى قيمة الدقع تخففت عنهم ...

يعني ولادنا فيهم يدفعوا بدل والله اعلم

ومدري مين فتح موضوع الصحبة والرفقة بالغربة .....

هالموضوع كان عاملي عقدة

وبالنهاية لقيت ..... لو في بس رفيقة وحدة منيحة وبتشدك للدين وللافضل وبتنفعك بحياتك وبتنصحك وبتحبك لوجه لله لا لمصلحة ولا لمظاهر ولا لشي .بتسوى الدنيا كلها .....

وغير هيك الصحبة بتعمل متاعب ووجع راس وتدخلات وووو..........الخ

وبتزيد غربتك غربة اكبر

لوليا ...

عناد الأطفال مشكلته مشكلة

بس تيكت ايزي

يعني طولي بالك . ولما بتلاقي الولد عند .صرفي عنه القصة واقلبي الموجة لقصة تانية ....

وبدك تطولي بالك لحد ما يكبروا

بضلوا بقولولك : تربل تو وتربل ثري ....... وأنا ملاقية ان هالتربل ما بيخلصوا
كل عمر إله شكل ولون


الله يحميهم ويحفظهم ويخليلك ويخليلنا ياهم يا رب

هذا موقع فيه أناشيد منير عقلة ومصطفى الجعفري والمنجد وأبو الجود وغيرهم من المنشدين القديرين

هدية لكل غالياتي

http://www.rayaheen.net/sounds.php?g=2

إن شاءا لله يعجبكم

يا بنات
شفتوا فيديو كليب مشاري العفاسي ..

طلع البدر علينا

يا الله بياخد العقل

الله يحميه يا رب

http://www.inshad.net/~upload/AKM/Tala3_Albadr_Clip.rm