بما انو انفتحت السيرة وانفتحت
إحنا مرة عند باب دارنا أجو كلبين ذكور بيلهثو وبيجرو وراء كلبات إناث

واحنا بس منتفرج عالمنظر شو بدي احكي كانو الكلبين مو متحملين بدهم
يسترو على حالهم بالحلال

مرحبا يا جماعة

بعرف انكون عم تحكو عن الكلاب بس ما عندي كلب بالحارة
بس يا جماعة اليوم عرس بنت عمي و تصورو اتصلت على موبايل بنت عمتي و صرت اتسمع على العراضة الشامية و هيي عم يزفوها لجوا الصالة و الله صرت ابكي على التليفون:06:
ليش يا جماعة هيك نحنا مخنوقين بالغربة يعني هلأ بتكون كل العيلة مجموعة و مبسوطة و انا قاعدة هون قدام هالكمبيوتر و يومي عادي و ممل :42:
و بتكون عنا البناية قايمة قيامتها ( نحنا بنايتنا كلها النا يعني عمامي و بيت جدي و نحنا) و تصورو عاد الحفلة و العجقة :eek: :06:
بس عن جد يا جماعة كلو كوم و لما سمعت العراضة كوم تاني , انا كنت بس داقة شوف شلون العرس و شلون طالعة بنت عمي بالبدلة و ما الي خبر اني اتصلت وقت وصلت عالصالة ووقت زفتها و ما اسمعلك غير العراضة ( صلوا على محمد زين زين مكحول العين و عاليه و الله عليه ) و ترقعلك هالزلاغيط , و الله صرت ابكي و هلأ وانا عم اكتب عم ابكي :06: :06:
ما دخلني بدي روح على سوريا بدي روح على حمص بدي روح عالعررررررررررررررس
مللتكون و ديقتلكون خلاقكون بس ما حدي فاضي يسمع شكوايي :(

ريما يبعتلك الهنا قلبتي عليي المواجع راحت عليي حفلتين وتمنيت كون معهم!!!

أما عن الكلاب انتو بأمريكا وكندا ما شي الحال
أنا بالامارات كنت على البحر عم اتمشى أنا وزوجي وكان في كلب مو مربوط وكبير وعم يركض وقرب مننا طبعاً أنا متت رعبة بس زوجي قلي ما تظهري انك خايفة بيركض لعندك..
حتى بالشام صايرة الكلاب موضة كترانة بشكل مو معقول خصوصاً بيت أهلي بالقصور قريبة من القصاع وفي كشك جنب البناية رفيق صاحبه عند كلب أسود كبير بيخوف بكون طالعة من البيت بلاقيه بوشي وطبعاً بقلبي بسبو هو وصاحبه مشان هيك زوجي لما كان خطيبي جبلي الجهاز تبع الكلاب لأنو دائماً حولين بيتنا في كلاب تقولوا عايشة بأمريكا!!

نا قليتو عليي المواجع انا عرس اختي التوام كان بعد سفري ب 3 اشهر وما حضرتو وجابت اول ولد وهلق حتجيب التاني ما شاء الله وما شفت شي لا تذكروني