ياحريم من جدكم انتو والله
تشرهون على المعلمات بهدايا بناتكم
خافوا ربكم والله لونكم مكانهم ماتزيدون عليهم بشي
الحين معلمه قاعده مع 25 طالبه وزياده من اول السنه تتعب وتعلم وتوجه وتحل مشاكلهم مع بعض لي تناشبو البنات وغيره من وجع راس المبزره وكمان تشرهوا
عليهم صدق ماتستحون والله
بعين اصلا عيال هاليومين ايش يملا عينهم اصلا اذا من زود الدلال الماما تبغى هديه
تليق بمستوى بنتها حبيبتها كان المعلمه خلفتها ونستها
هالمعلمه اللحين ماوراها بيت عيال مستقبل هم احق من نثر الفلوس على عيالكم
ولا عاجبكم كمان ؟؟؟؟؟؟؟
وربي بنتي جابت هديه من معلمتها الله يجزاها الجنه عباره عن عروسه ان البنت مافتحتها تبغى عروسه تتكلم وتمشي ؟؟؟؟
والله تمنيت ان المعلمه ماكلفت على نفسها واني مستحيه منها وهي ماتدري
والله اني اعطيتها لبنيه مسكينه وجعلتها على نيه المعلمه الله يحفظها ويبارك في رزقها
الهدايا مفروض يتكفل فيها ادارة المدرسه فقط من مخصصتها تكون ميزانيه للطلاب المتفوقين وبس وزوجي في مدرسته بما انه في الاداره يأخذ المبلغ ويروح بنفسه
يجيب للمعلمين والطلبه من دروع وهدايا وشهادات شكر ويكرم المتميزين من معلمين
والمتفوقين والمثاليين من الطلبه بكل مرحله وخلاص مو من جيب احد ولا فيها اكرميات الشغله
وربي بنتي قبل امس تقولي ياماما انا في يوم رحت اشتكي لمعلمتي من زميليتي
اخذت مني ريال ولا رجعته قامت معلمتي فتحت شنطتها وعطتني ريال وقالت هذا الريال بدفعه عنها !!!!!! ومره تقول كنت عطشانه وفلوسي خلصت ودخلت المعلمه المقصف وانا اطلب مسؤولة المقصف تعطيني مويه وبكره اعطيها الفلوس الا والمعلمه ماده لي علبه
المويه وتقولي اشربي ياحلوه !!!!!!!
ياحريم والله عيب عليكم عيب تشرهون على معلمات بناتكم بشي مو ملزومين فيه
المعلمه كفايه عليها بطاقة شكر وتهنئه وكثر خيرها مليووووووون
واذا كلفت على نفسها فميكون اكثر من علبة حلاو من طقة جواهر وجالكسي تروها روووعه وتوزعها بينهم وخلاص
واللي تحب عيالها وتخاف على مشاعرهم تدللهم بالطريقه اللي تناسبها ومن جيبها
مو من جيوب خلق الله
وترى المعلمات وراهم عيال هم اولا بدلالهم والصرف عليهم من عيال الناس
الصفحة الأخيرة
الله يسعدك
يل عيني ع الناس اللي تحس بغيرها
سفيرة الامل و الله اقتراحك حللللللللللو ان الام هي اللي تجيب هدايا و المعلمه توزعها