السلام عليكم ورحمة الله وبركاته
صبحكم الله بالخير يااهل الخير ..
عندي لكم يالغاليات كلمتين راس :)
ماني مخليه شي بخاطري
لانكم خواتي وحبيباتي..واحب اولا واخراً
انبهكم لهالنقطتين..
بالنسبه لنظام العامريه للنفاس:
1-اخواتي الغاليات العزيزات على قلبي
انا اكرر واعيد ان هالجدول ماشاف النور
الارغبة مني بإفادتكم ..
ويضيق صدري جدا واتمنى اني ماكتبت
الجدول ..
لما تجيني وحده من اخواتي برد هنا او ترسل ع الخاص
انه صار لي كذا وكذا وكذا وحالتها حاله ومانشفت..
وبالنهايه اكتشف انها قالبه الجدول
رأسا على عقب ومااخذت من جدولي الا نقطه او نقطتين
وتجي تشتكي لي انه مافادها ...
وكأنها تحملني مسؤولية الاضرار اللي حصلت لها
مع انها ماالتزمت بالجدول ...
كل ضيقة صدري مو علشان نفسي لاني هنا مجهوله
ماحد يعرفني ولاابي فايده او مصلحه من احد..
مابي غير دعواتكم الطيبه بظهر الغيب وهذا اللي انا طمعانه فيه
فرجاء يابنات التزموا بالجدول بحذافيره واذا مانفعكم
لكم الحق تراجعون وتذكرون كل اللي تبون سواء سلب او ايجاب
لان التجارب تغني الموضوع وتزيد فوائده..
*****
2-ابرئ ذمتي من اي وحده تدعي انها تسوي نظام العامريه
بأي مكان وبأي منتدى..
ومالي اي علاقه او معرفه فيهم..
وانا اساساً ماكتبت الجدول الا علشان كل وحده تعتمد على
نفسها وتسوي نظامها من حالها لانه انظف واوثق على كل حال..
والله الموفق.
العامريه @alaaamryh
كبيرة محررات
يلزم عليك تسجيل الدخول أولًا لكتابة تعليق.
الله يعطيك العافيه يا العامريه
ويسعدك يارب
وكثير من البنات مدحو نظامك ونا اولهم حبيته وراح امشي عليه
الله يوفقك يارب
ويسعدك يارب
وكثير من البنات مدحو نظامك ونا اولهم حبيته وراح امشي عليه
الله يوفقك يارب
الصفحة الأخيرة
ماعليك يكفي نيتك ومساعدتك للبنات:26: