ندمت اني تزوجت وماصار لي سنة متزوجة😔

صحيح ان ماصار لي سنة من تزوجت بس احس اني تعبت تعبت ونفسيتي واعصابي خلاص وصلوا حدهم الائتماني
زوجي كل شي عليه حلال وانا لا كل مرة نتهاوش فيها يعيد نفس الكلمات انتي مو محترمة انتي قليلة ادب صاير بس ينافخ علي 
لو اموت من التعب في شغل البيت مايقدر حاط اعتقاد براسه ان شغل البيت يخلص بس بنص ساعة وان صرت تعبانة وقلت بأجل الشغل لبكرة يقول كيفك بس ان ماشفت الشقة نظيفة بجيب شغالة اهلي خلها تشوف انك رفلة وتعلم عليك اهلي والله اني دايم ارتب وانظف بس هو فوضوي درجة اولى كل شي يرميه بمكان ومستحيل يتعب عمره ويدور على شي يبغاه حتى لو كان جنبه هو حلال عليه يصافع في الباب اذا عصب ويكلمني بدون نفس بس انا مايحق لي ازعل واذا تهاوشنا هو الي يقعد في الغرفة ويقفل عليه الباب وانا بالطقاق 
وكل هواش او اي شي يصير بينا على طول راح لامي وابوي وعلمهم 
حياته كلها كورة من يجي من الدوام شغل التلفزون عليهم لين ماينام والتلفزون مستحيل ينطفى نفسي يقعد معي ونسولف 
هذا غير ان احنا ساكنين فوق اهله ومافي استقلالية لا مدخل خاص ولادرج خاص 
ويبغاني انزل لهم كل يوم اذا بطلع واذا برجع
ويسوي لي تحقيق كل يوم اذا نزلت او لا
طيب انا عندي جامعة ارجع تعبانة ووراي طبخ  وغسيل ومذاكرة
غير الضغط النفسي من اهلي بسببه لانه دايم يصور لهم اني معيشتنه بجحيم وبسببه تغيرت معاملتهم معي هو من امس زعلان ومايعطيني وجه
لاني رجعت من الدوام الظهر وبسبب الغبار مسح وتنظيف كل شي الجدران والارض والمطبخ كله وورا الكنب وطبخ غدا ظليت اربع ساعات اشتغل وبعدين من التعب نمت لين الساعة 12 بالليل واول شي سأله لما صحيت اذا نزلت او لا قلت له اني ظليت طول اليوم مشغولة مامداني
ولين الحين هو مايكلمني وقلت بهدي الجو واسوي له عشا يحبه وبعد التعب في المطبخ
يقول لي شيلي الاكل ماابغى 
😓😓😓
مشكورات ع الوقت الي عطيتوني اياه وانتوا تقرون فضفضتي