دام قدرتي على تسعه كيلو

اكييييييييد راح تقدرين على الباقي

بالتوفيق ان شاء الله



SoOoOofy

ضربتي على الوتر الحساس غاليتي قطر الندى
ضياع الشاب
اتمنى لكِ ولجميع من يعاني وانا منكم بالتخلص من شبح السمنه
انا مثلك دبدوبه والوزن كلما له بطلوع
ولما تصير في مناسبه دائماً الهم الاكبر من وين بلقى مقاسي
ولما احد يشوفني يفكرني مدام
صرت ما احب اطلع وسمنتي سببت لي عقده كلما اشوف بنات عمري اكره نفسي ليش انا كدا ومو مثلهم
لكن ما راح اسمح للسمنه انها تسوي فيني كدا
بدأت مشوار تنزيل الزون وبإذن الله وعونه راح اكمله

:39:

بنوته زهقانه

شاركي بالمسابقه حقت النحافه والله اني استفدت منها كثييير

شوفي الموضوع بأول الصفحه



SoOoOofy

البتول العذراء:
شكرا الك ونحنا بالسوري بنقول والقايلة انشاء الله. امين يشفيلك كل حدا مريض عندك وتحققي كل امنياتك

الساجدة لله وحده:
شكرا وانشاء الله انت كمان

بريئة جدا :
الله يجبر خاطرك وانا كتبت هالموضوع لاني بعرف كثير منا عندهن نفس المشكلة واحيانا الحديث عنها بريحك ولما حسيت بنفسي شوية شجاعة كتبت لاني بتمنى كل وحدة لما تتشجع تكتب حتى ناخد من بعضنا الشجاعة والحماس .
رح ادخل على رابط المعسكر واقرا الموضوع والان سجلت بالمسابقة بتمنى شوفك هنيك

نهلة وندا ومروان :
عندك 10 كيلو زيادة لانكم 3 بواحد نهلة وندا ومروان (انا امزح )
الله يوفقك بتعرفي انا وقفت عن شراء الملابس الصغيرة لاني اخذت وجه كثير ويكفي الى هنا رح خلي الشوبنك الكبير لما انزل تماما واشتري وقتها على مقاسي الجديد .
انصدمت انه بعض الملابس قد لا تناسب شكل جسمي بعدين
سجلي بالمسابقة وباذن الله سنشجع بعض ونتابع والفترة 6 اسابيع تخليك تشوفي نتيجة رائعة.
الله يقويك ويوفقك

تينة المتينة :
شكرا والقايلة كمان

عبير اللوتس :
بالعكس هيدا الموضوع لنفضفض لبعض عن همنا ترى ثبات الوزن اصعب من تنزيله يعني انت محظوظة بثباته الان وانا لما تركت العلاج تشاجرت مع امي بس في دكتور اعشاب بلبنان اسمه رالف عيراني اعطاني دواء وعشبة الميرمية اشربها مرات باليوم لمدة شهر فقط ما اكثر لانها تؤذي الكبد يعني تغلي الماء ثم تضعين ملعقة صغيرة ميرمية فيها وتغطين الكاس لمدة ثلث ساعة وتشربينها تنظم الدورة .واخذت معها لمدة شهر ملعقة صغيرة زيت بذرة الكتان كل يوم ترى انا العلاج عملته 15 يوم فقط واموري تمام التمام .
على اية حال انت حقققت نصف الهدف بثبات وزنك واذا عملت ريجيم ورياضة فوزنك رح ينزل بسرعة وبتعرفي مجرد نزول الوزن كم كيلو رح ترجع الهرمونات لوضعها الطبيعي انا صار معي هيك لما نزلت 9 كيلو صدقيني انتظمت الدورة اكثر .
يلا شدي الهمة ونحن بانتظار ان نرى اسمك بين التجارب الناجحة وتصبحي مصدر الهام لنا وتشجيع.

بنفسجية :
شكرا والله يا بنات فرحتوني الله يجبر بخاطركم جميعا

بلبلة:
شكرا وموضوعك عن الماء حلو ومهم انا صرت عم اضع الى جانبي زجاجة الماء واشرب منها كل شوي بدون ما حس بشرب ليتر ونصف .

لوميه:
وانشاء الله انت كمان بتعرفي بيقولوا التفاح كثير بنزل الوزن حتى رفيقة رفيقتي كانت كل يوم تشرب على الريق كوب ماء فاتر مع ملعقة صغيرة خل تفاح وهي الان جسمها حلو كثير .
يلا ناطرتك بالمسابقة حتى نشجع بعض بالمناسبة ولو سؤال غليظ شو معنى اسمك ؟؟؟؟

دموع الندم :
شكرا على التشجيع بس الحكي مو مثل الشوف يا ريت فيني طول بالي شهر او اثنين ماني مصدقة ارجع مثل ما كنت . حبيبتي انشاء الله بشوف دموع الفرح عندك لما بتصيري رشيقة وبتوصلي للوزن اللي بدك هو.

SoOoOofy :
شكرا كثير الله يقويكم ويفرحكم دنيا واخرة يا بنات مثل ما جبرتوا بخاطري وشجعتوني.


بنوتة زهقانة:
فكرة ضياع الشباب ارعبتني اول ما فكرت فيها بس بالحقيقة هي هكذا انت لا تستطيعين فعل كثير من الاشياء غير الدخول والخروج عم احكي عن نفسيتي بتحسي حالك عجزت . بتعرفي جربت من كم يوم البس ملابس بنوتية وحطيت مكياج ناعم كثير انا بالعادة ما بحط مكياج ابدا وشعري بربطه حتى مرة قال لي خالي انت فايقة من النوم الان قلت له لا انا هيك شعري دائما .
طيب ليش بعمل هيك بحالي ليش ما اهتم بحالي لما بكون قاعدة بالبيت او لا وهذه نقطة لاحظتها عند كل البنات السمان نادرا ما تجدي وحدة تهتم بنفسها يمكن بتحس حالها ما بتستاهل .
بتعرفي بس بديت اهتم بنفسي شوي في موظف وانا عم سافر قال لي نعم يا انسة .
انسة يا سلام كم لي ما سمعتها اهتمي بنفسك منذ الان فانت ستصبحين نحيفة عما قريب ولذلك يجب ان تستعدي لذلك اليوم (.لكن ما راح اسمح للسمنه انها تسوي فيني كدا
بدأت مشوار تنزيل الوزن وبإذن الله وعونه راح اكمله) هذا الكلام المظبوط اللي بدي اسمعه منك ومني ومن كل البنات بتعرفي شو عم اعمل عم اكتب كل الكلمات الي بتخليني اتشجع مثل جملتك هذه على ورقة ولزقت وحدة عند سريري وحدة بجزداني وبكل مكان واقرائهم يوميا حتى تظل معنوياتي مرتفعة .ومثل ما قالت صوفي شاركي بالمسابقة ما في شي مثلها بشجع شدي الهمة ويلا .
حافظي على هذه المعنويات وباذن الله المرة القادمة ارى موضوع كيف تخلصت من السمنة الى الابد وبجانبه مكتوب الكاتبة بنوته زهقانة.

ماشاء الله عليك اختي ألف مبروك

إنشاء الله توصلي للوزن اللي بدك إياه

الله يوفقك يارب

:27: :27: