أوه نسيت ما قلت لكم أنا .. أنا ... أنا ... بأصير كوفيره هااااااااااااااااااه ايش رأيكم بالمفاجأه ؟ حلوه صح ؟ بطير من الفرحه
(ودي أسوي مثله لكن مستحييييييل) ... خصوصا انكم تعرفون اني أحب المزج بين الكشخه والنعومه لأضعهما في قالب واحد وهو وجه الجيكرة .. هذا كان شعاري أما اسم المحل كااااااان .....كااااان <<<<<<<< (كشختي الجديده .... وكشتي السعيده ) هااااااااه وايش رأيكم بالله ما أتحفتكم اليوم بالمفاجآت ؟ يالله بلا دلع خلونا نقضي بسرررررعه ما فيه وقت شارعنا ملياااااان مشاغل وأكيد مشغلنا راح يكون أحسن مشروع في الحاره ..(الثقه مطلب ) مدري ليه كل ما وحده اتخرجت من أي مكان راحت جري تفتح لها مشغل ( يعني بالله واثقه لهالدرجه ان الحريم بيجونها من آخر الدنيا ؟ لا واللي يقهرني انهم ينجحون آآآآآآآآآآآآآآآآآآآآآه يالقهر أبوك يالحظ ) طبعا تعرفون إني أكشخ بنت بحارتنا عشان كذا قررت اني أفتح مشغل الحمد لله ....المهم اليوم رحت أفتح المشغل أنا وأختي .. فتحنا الباب وفتحنا علب المكياج وفتحنا باب القبول والتسجيل في المشغل عشان اللي بتحجز ... أكيد راح بالكم ان المشغل لنا .. هههاي لا احنا نشتغل في مشغل جارتنا أجل تبونا نفتح مشغل عشان تضحكون علينا ؟ نووووو
ماراح أضحككم ... المهم في يومي الأول من العمل دخلوا مجموعه بنات يضحكون ويسولفون وانا كنت جالسه عند المكتب تعرفون أي وحده تجلس على المكتب يعني مديرة المهم جو عندي ..سلام .. انا: وعليكم ... ايش فيك ماتردين السلام زين ؟ انا مو لما تسلمون زين ؟ البنات ..يالله وش ذا الإستقبال الخايس ؟ أنا: خايس في عينك ياللي ما تستحين .. البنت :أنا ما استحي ؟؟انا : إيه انتي.. وش عندك ؟ الحين أوريك وعينكم ما تشوف الا النور وااااا وااااا واااا
اختي سمعت الصياح وجت تضارب معي ما تدري وش السالفه الا ودخلت صاحبه المشغل ... خير خير إن شاء الله ايش فيه يابنات ؟ شوفي هالمجنونه اللي حاطينها بالإستقبال أنا: انا مديره المحل يقولون لي مجنونه ؟ قالت ومن قال انك مديره المحل ؟ أخذتها على جنب قلت ماهو وقت المزح الحين مو انتي حاطتني هنا عشان أكون مديرة ؟ الحرمه : الحين شهاداتك الإبتدائيه كلها تخليك مديرة؟ انا حاطتك هنا بس تشوفين من الداخل والخارج وتشوفين طلبات العاملات وتجيبينها لهم من المخزن انا ..قمه الإحباط 
.. رجعنا للبنات قالت وش صار قالوا ما صار شيء سلمنا وهي ترد من غير نفس وتقول لنا انتم خايسات قالت لي صدق؟ قلت ليه ما يقولون السلام زين ؟ قالت خلاص يابنات حقكم علي قالوا ما صار شيء لكن ننصحك ياأم جود ماتخلينها في الإستقبال قلت صح مو قدري ..قالوا لا لأنك تنفعين تصيرين سجانه مو استقبال ..أنا نعم ؟ وقمت أضارب الا ومسكتني أم جود خلاص يابنت الناس .. بنات حقكم علي واليوم أي شيء بتسوونه مجانا .. ايوه هذا الذوق مو هالــ... وراحوا أنا مسكت أم جود قلت قولي لي بصراحه انتي محتاجه فلوس ؟ قالت لا قلت يعني عندهم شيء ماسكينه عليك ؟ قالت وش ذا الكلام قلت اجل ليش تسوينهم مجانا ؟ انتي فاتحته ترزقين الله والا تتصدقين على الناس ؟ قالت هذه بركاتك لازم اسوي كذا عشان ما يهربون الزباين هذولا عميلاتي من 6 سنين وفي غمضه عين بغوا يضيعون مني .. أنا أهااااا يعني تمسحين عندهم ... الا وعيونها بغت تاكلني
..انا: لا يعني تمسحين اللي أنا كبيته على بساط صداقه 6 سنين ... قالت اسمعي لايكثر انتي ما تنفعين هنا انا بخليك تساعدين العاملات طبعا لازم تعاملين الزباين بالضحك والمتعه ومعليش مهما صار لا تزعلين وتتضاربين معهم والا ما بيمشي حالك قلت ياسلام ما بقي الا هي انا منسيه دوت كوم على سن ورمح اشتغل عند العاملات واسكت على اللي تتطاول علي قالت اذا أحد قالك شيء تعالي قولي لي قلت بس كرامتي توجعني ؟قالت وبعدين ؟؟؟؟؟؟؟؟؟؟؟؟ قلت خلاص اثاريني طلعت أموت على الشغل المهم رحت عند وحده من الزباين قالت انتي تشتغلين هنا ؟ قلت إيه قالت طيب أنا أبغاك تنظفين لي رجلي بالحلاوة ..أنا: ياسلام أنا أنظف لك رجلك وبالحلاوة كمان يعني لا احترمتيني ولا احترمتي نعمه ربي قالت وانا وش قلت ؟ انتم ما تسوون تنظيف هنا قلت استني شوي رحت .. أم جود .. أم جود الحقيني قالت خير وش فيه يا منسيه ؟ قلت لاعاد تناديني منسيه قولي لي نيفين اسم الدلع يعني ما شفتي كل العاملات والزبونات هنا اساميهم دلع تجي وحده ينادونها هلو وهي اسمها هلاله ووحده ينادونها نانا احسبها جدتهم وهي اسمها نعال مدري نفال ووحده يدلعونها ظوظو ( بالله هذا دلع ) ؟ اسمها ظبيه ضحكت قالت أحسن ما فيك خفه دمك .. قلت لها مو أول مرة أحد يقولي كذا (بكل تقه )قالت والزبده قلت يا إلهي وحده تقولي حلاوه والثانيه زبده قالت وش سالفه الحلاوه ؟ انا إييه اتذكرت وحده هنا تقولي يامنسيه تعالي نظفي لي رجلي ( لاحظي ) وبالحلاوه .. وش ذا الفسقه ؟ ما تخاف الله ؟؟ أم جود بغت تموت من الضحك قالت انتي حاله ميؤس منها قولي لنينا وهي تعرف شغلها .. رحت وقلت لنينا قالت ( ياربي أنا وس سوي أنا كل سويا نينا نينا ) انا ايوه والله حتى انا كل شويه ينادوني (منسيا منسيا ) المهم رحت وراها ابشوف من وين بتجيب الحلاوه كملي وانا على المخزن ما شفت حلاوة والا ما كان لقيوا شيء الا وطلعت لي نينا بحلاوة بحرينيه انا اسمع بها بس ماذقتها وهذه فرصه أذوقها قلت نينا استني باجيب لي ملعقه انتي تبين ؟ قالت لا بيدي .. قلت غريبه هذه وهي ماتعرف تاكل الا بالملعقه سبحان الله المهم جيت ونينا فتحت العلبه ريحتها ماهي زينه وانا اللي اغرف لقمه ياااااكبرها ونينا لامدام لااااا تحسبني بموت لا أكلت من الحلاوه (والله حتى لو منتهي تاريخها له سنه مايصير لي شي قولوا ما شااااااء الله) وهي كذا
وانا مطنشه وألط اللقمه ونينا تطالع مبهوره الا والله يابنات ما هي بشينه حلو طعمها بس مو زي جالكسي البحرينيين حلاوتهم زينه قلت نينا ممكن انا آخذ علبه عشان ماما بابا يذوقونها .. الا هههههاهههههاهههه نينا وش فيه ؟ ضحكت من سرك ... قالت ماما هذا بس يشيل شعر حرمه مو أكل ... أنا بعد الفشله سويت اني زعلانه قلت نينا لاتناديني ماما قولي نيفين قالت ( ابسري ) ياحليلها تعرف ابشري المهم ورحت عند الحرمه مع نينا واشوف نينا تاخذ من العلبه وتحط في رجل الحرمه والحرمه تتألم وأنا: نينا خلاص حرام عليك قالت الحرمه لا وش خلاص ؟ قلت عالطلاق يامرة انها تترك .. ما يعورك ؟قالت الا بس لزوم الكشخه تعرفين الرجال مايحبون المشعرات ( هنا عرفت أنا وأختي ليه الى الآن عند أهلي ...)( والله يالحريم لو قالوا لها بينظفونك بمويه النار ما قالت لا أهم شيء زوجها ما يطالع برا وهو والله ما دري عنها لو بباله زواج ما بيستأذنها ... المشكله انه يعورها الله أكبر عليكم يا ذا الحريم صدق اللي يقول يتمنعن وهن الراغبات بصراحه أعجبتني حركه التعذيب هذه بسويها لأختي غيثه منها تنظف رجولها وهي كنها أحراش غابه في أفريقيا( يع) ومنها تعذيب هاهاهاهاها
.. وأروح مكان ثاني الا والقى شيء مذوب في مويه حاره والحرمه تقولي بالله كملي اللي تسويني راحت وانا مستعجله قلت افا عليك .. وتذكرت نينا يوم تاخذ شويه تفرده وتنزع الشعر قمت وبكل قوة دخلت يدي في المويه واصارع الحراره استخرج قطعه بيضاء وأسأل الحرمه وين تبينها وين وين أححححح قالت في وجهي وما صدقت خبر على طول أحطه على وجهها الاالحرمه آآآآآآآآآآآآآآآآآآآآآآآآآآآآآآ آآآآآآآآآآح 
وش سويت ؟ قلت انتي قلتي لي احطه على وجهك الناس يحطونه على رجولهم .. الا وبغت تلحقني وقامت بتضارب والحمدلله لقيت لي مهرب و فررررركت وسط الزحمه دخلت المخزن ما شافتني الحمد لله لين سمعت الأجواء برا هادئه أفففف ألحين أنا استحملت ألم الحراره في يدي عشانها وهي ما تقدر ... مر الوقت أظن ساعه كامله وخرجت اتسحب بكل هدوووووء الا ومن يمسكني من قفاتي منسيه ؟ انا والله ما سويت شيء قالت والله ما قلتيها الا وانتي مسويه شيء .. الا والله صوت صاحبتنا أم جود .. انا لا ما سويت شي قالت وش كنتي تسوين في المخزن ؟ انا : ارسلتني وحده تبي حلاوه رحت ادور ما لقيتها .. أم جود امممم طيب كيف شغلك ألحين مو أحسن ؟ أنا الا حتى اسألي نينا .. قالت خلاص روحي لها وما صدقت الحمدلله انها ماعرفت شيء رحت عند نينا الا اسمعها تقول لسوزي مسكين وجهها محروق قلت من هذه ؟قالت زبونه تسوي تنظيف بالشمع بس صار وجه مهروق وانا لا حول ولا قوه الا بالله طيب وينها بأشوفها قالت خلاص راهت مستسفى أنا كيف ؟ قالت كان سوي تنظيف شمع بعدين جات وهده وسوت لها شمع وهرقت وجهها .. أنا يالله والله لو اني مكانها لأذبحها أجل يروح جمالي هباء منثورا ؟ نينا وريني كيف شكل الشمع ؟ قالت سوفي .. الا والله صاحبنا يالله أثاريني أنا المقصوده ... الحمد لله وأختفيت من المكان رحت لأم جود قلت لها الله يسعدك لازم أروح البيت عشان أحس اني دايخه من الاستشوار قالت نعم ؟ قلت ايوه بقولون ان الجلسه الكثيره عنده تدوخ قالت وانتي ش جلسك عنده ؟ قلت اااا اروح بيتنا والا لا ؟ قالت روحي قلت يعني بدون عذر ؟ قالت ليه في مدرسه ؟ قلت لها شكرا يالغاليه واختي قالت وأختك وأروح أدور عليها وألقاها بكل سرورجالسه قلت ما بتجين معي البيت؟ قالت لا بأشتغل احس اني هنا لي شخصيه .. قلت كيف انا خابرتك عامله نظافه ؟ قالت يعني اذا طلبوا مني أنظف على طول احسسهم اني دايخه ويتركوني وأقولهم بالله جيبوا لي شاي ويجيبون بالله جيبوا لي مويه ويجيبون وهكذا... أنا انصدمت قلت وانا ليه ما جتني هذه الفكرة ؟ يالله بكرة أسويها ان شاء الله .. المهم اني رجعت البيت وانا عندي خلفيه يكثيييير من الأمور اللي في المشاغل قابلتني أمي هاه كيف الشغل اليوم ؟ انا الحمدلله بس متعب قالت ليها وش سويتي ؟ قلت استقبلت الناس الإستقبال اللي يليق فيهم ورحبت بهم ونظفت لوحده بالشمع تنظيف أبدي يعني ما يحتاج تنظف بعد كذا ابدا .. وبغيت أجيب لكم حلاوه بس اتذكرت ان ابويه عنده السكر وبطلت أمي ماشاء الله ايه هذه بنتي اللي افتخر فيها 
... وانا صح صح الحين ممكن أروح أنام ؟ ورحت استلقيت على سريري ويمر شريط الذكريات من بين عيوني .. يالله ما أسرع الحياه كنت دوبي في المشغل خرعااانه والحين انا في البيت منسيه ..بس لو بكرة رجعت الحرمه تدور علي ؟ ياويلي بقول اني ما سويت كذا و بأبلش أختي وأقول اني شفتها وهي تسويها .. لا لو انها تشبهني كان ممكن الحمد لله انا جمالي مميز يعني ما ينفع ..طيب أقول ان حرمه دخلت المحل وسوت لها واني شفتها وهي طالعه بس اذا قالت انها تشبهني ؟ .. لالا بأقول يمكن كان جني متخذ شكلي و باتنكر 
عشان ما تعرفني و الله هذا الحل الوحيد .. الحمد لله الحين أقدر أنام ... وأحط رأسي على المخده ويحيني ذاك الحلم ... وشو الحلم ؟ ... ان شاء الله بكره أكمل لكم ... والحين وش نسوي ؟ تعرفون شغلكم الله الله بالردود السنعه يالغاليات
