نزول الكالسيوم والحديد! كيف ارفعهم وانا حامل؟

[Faith] :

شوفي لو اتبعتي كلامي بإذن الله تتجنبي مشاكل كثير في الحمل، وجربي شهر وحللي علشان تتأكدي.. حبوب الحديد ماتاخذينها ابدا مع منتجات الكالسيوم لانه الكالسيوم يعطل امتصاص الحديد، قوقلي عن الموضوع واقري.. منتجات كالسيوم مثل حليب او لبن او زبادي او جبن او حتى منبهات شاي وقهوه.. مثال، افطري بيض مثلا مع سبانخ او اي ورقيات خضرا مع صامولي او توست + كاسه برتقال + حبة الحديد.. تجنبي بعدها لمدة ثلاث ساعات الحليب والقهوه والشاي والجبن وهذي الأشياء وان شاءالله جسمك يمتص الحديد بأفضل طريقه، وفيتامين سي يساعد على امتصاص الحديد .. كمان شي ثاني حبوب الحديد تسبب امساك لأغلب الحوامل فعلشان تتجنبي لازم لازم تاخذين الياف تلين البطن.. الألياف = فواكه وسلطه وورقيات وهالشي يكون يوميا، ولاتستهوني بامساك الحامل تراه شي فضيع ان شاء الله ماتشوفينه.. نجي الكالسيوم، الكالسيوم عموما يسبب الراحه ودايما ينصحون اللي يبغا ينام يشرب كاسة لبن او حليب قبل النوم، انا ايام حملي كنت اخذ كاسة لبن كبيره ممكن تستبدليها بزبادي او حليب بس انا نفسي كانت ماتقبل الا اللبن مع حبة الكالسيوم.. واحلى نومه.. كذا جسمك يستفيد من الحليب والكالسيوم وماتصيرلك مشاكل بإذن الله.. كثير حوامل تشرب الحديد والكالسيوم سوا وتجهل انه الكالسيوم يعطل امتصاص الحديد وتجلس كل ايام الحمل كذا وفي النهايه تلاقي نقص شديد في الحديد بالشهور الاخيره وتستغرب لأنها كانت مواظبه ع الحبوب.. نظامي ايام الحمل الصباح الحديد والظهر فيتامينات مع الغدا والعشا كالسيوم والحمدالله بفضل من الله ماقد واجهتني مشاكل.. الله يتمم لك على خير يارب ♥️

شوفي لو اتبعتي كلامي بإذن الله تتجنبي مشاكل كثير في الحمل، وجربي شهر وحللي علشان تتأكدي.. حبوب...