نصائح في الحفظ "للطالبات"

طبعا في كثير طالبات يشوفون صعوبة في حفظ الدروس
وانا كان صعب عندي افتح الكتاب واتمنظر واذاكر
احس الكتب تسد نفسي وكذا

المهم انا غيرت طريقة مذاكرتي
اللي هو بدل ما تفتحين الكتاب وتحفظين منه
تكتبي اللي راح تحفظيه بخط يدك (بحبر أزررقق)
طبعا انا كان عندي اختبار نهائي في مادة والكتاب مو حافظة منه حرف
ف رحت انا طبعا قرأت الكتاب كله , لان ضرووري تقرأي اكثر من مرة لحد ما تستوعبي الكلام
لان صعب تحفظي شيء مو فاهمته

بعدين رحت كتبته بخط يدي (الكتاب كامل تكسرت خخخ)
واخذت وانا اكتبه من 9 الصباح الى المغرب --عذابب--
بس وانا اكتب كنت احس اني اذاكر واحفظ
وبعد ماكتبته قلت لاختي تراجع لي اول صفحة بس
وفجأة تكمل تسألني واجاوب الى ان وصلت 16 صفحة جاوبتهم وانا مو مراجعتهم
كيف اني وانا اكتبهم كنت احفظ

وطبعا للمعلومية الكلام المكتوب بالحبر الازرق يسهل تذكره اكثر من باقي الالوان

وايضا لما تحفظي الصفحة الاولى مثلا , راجعيها , وبعد ما تحفظي الصفحة الثانية ، راجعي الصفحتين الاولى والثانية , وبعد ما تحفظي الصفحة الثالثة , راجعي الصفحات الاولى والثانية والثالثة ... وكذا
عشان وانتي تذاكرين ما تنسين اللي حفظتيه من قبل

ايضا ابدأي في الاسهل ثم الاصعب
انا استخدم قلم التحديد الاصفر (اواي لون يريحك) واأشر فيه الاشياء اللي حفظتها
فامشي على الكتاب اول وشوفي انتي وش حافظة من قبل واشري عليه
كذا تحسي تتحمسي انك على الاقل حافظة جزء
بعدين ابدأي بالاسهل وكذا

طبعا بما ان الاختبارات جات
لا تنسون هذا الدعاء بعد الحفظ : اللهم اني استودعتك ما قرأت وما حفظ فرده لي وقت حاجتي .