قبل يوم ماشااااءالله خططنا نروح للإستراحه اشتقنا للمسبح ..
المهم سار الوضع كويس .. وحنا قبل شوي قالوا نبي نشغل اغاني وانا مابي صرآحه قلت خلاص كيفكم روحوا وسعوا ضيقتكم واستانسوا لآني لو رحت بظل متوتره وشايلة هم الذنب ..
قالت امي بلا تشدد فكينا وتعالي استانسي .. كلنا مرينا بهالوقت وصرنا مطاوعه مثلك << شوفوا الرد بسس .!
قلت امي خلآص ماله داعي اتضايق ابقعد عند جدتي وبس كيفكم مامسكتكم ترا
ورحت غرفتي وانا عادي ماهمني ونسيت مب اول ولا اخر مره نروح لبركه اصلا بس مدري اشفيهم استخفوا :(
جاء ابوي وانا توي بغفي قبل يأذن العصر .. قام قال تعالي وكذا قلت يبه مابي وانا ماتسلطت عليكم ولا مسكتكم والله اعلم بنيتي ماقصدت شي .. وروحوا بكيييفكم الله وياكم .. طبعا صوت المسجل عالي وبيفقع راسي وبيشيل البركه شيل
جاء ابوي وقام يصرررخ ومعصب قال اطقك ومدري ايش < انا عارفه مابيسوي شي اصلآ
وقام يهدد انا عصصبت وماقدرت امسك نفسي وقفت قدامه واطالع بعينه قلت يلله طقني الحيين :09:
قلت والله مشكلتكم اذا بتشغلون الحرام .. بس انا مابي ارووح بكيفي ولاحد بيجبرني اقعد ولا اروح قال احنا وشفينا ماتجين .. قلت يوووه اقسم بالله اقسم بالله اقسم بالله اني مانيب رايحه دآم فيه اغاني وطقوا راسكم بالجدار ان بغيتوا بس ماني متحركه ششبر .. وبعدين وين طاعة الله فيما امر واجتناب مانهى عنه وزجر انا مو شايفه شي اصلا من عرفتكم ولا انا عمياء ؟ < اقول هالكلام وجهي احمممر شوي واصيح لفيت وبتنزل دموعي سكتت وقلت بنفسي الدموع مب لي ابد ابد وروحة ماني رايحه يابوي .. والذي نفسي بيده اني ماسمع الحرام عشان مسبح ولا وناسه واذا انتو بتستانسون انا بقعد شايله هم ومتضايقه < وجهي بينفجر من الصرآخ .. قلت ماتذكر { سيكون اقوام من امتي يستحلون الحر والحرير والخمر والمعازف .. ومن الناس يشتري لهو الحديث ليضل به ..إلخ الايه }
قال طيب دامك ملتزمه وين البر مو مفروض تطيعيني قلت لا والله ياششيخ بس..!
لاطاعة لمخلوق في معصية الخالق وعندي اذن بإني ما اسمع كلامك :( قالت اختي لاتطولين لسانك لا اقول عنك كلمه تخليك تسكتين .. < تكذذذب ماعندها شي وتهبى اصلا تقول شي انتف اذنها والله .. قلت قولي انا اعلم عليك واخليك تنجلطين بمكانك :42:امي مارضت عليها طبعاا وقالت يابنت خلاص ..
طلعوا وهم مبوزين وساكتين .. انا عارفه لو رحت بزعل لآني اشوفهم مستانسين وانا جالسه بحالي والمسجل حقنا اللي بالحي اللي جنبنا يسمعه .. فما اقدر اقعد صراحه :09:
بس ماشاااءالله لاقوة الا بالله" حسيتني قويه < بدون ريااء والله
نصصصآيحكم لآهنتوا /.. ادري قويت شوي على اهلي بس مارضيت لنفسي انكسسر قدامهم واروح ولاا ليا كلمه على نفسي ابداا .. < وهذا طبعي .. ماشاااءالله تبارك الله