ياريحة الجنة @yaryh_algn
عضوة فعالة
نصايحي ونصايحكن في الحياة .... دعوة للمشاركة
السلام عليكم ورحمة الله وبركاته
حبيت أفيدكم ببعض النصايح اللي استنتجتهم من خبرتي بالحياة
وأتمنى كل من تدخل تكب نصيحة أو أكثر بس بشرط تكون من تجاربها الخاصة وناتجة من احتكاكها بالدنيا والناس
مو نصايح معلبة من اللي نعرفهم :: مثل ::
لاتؤجل عمل اليوم إلى الغد
ومد رجولك على قد لحافك ...ومادري وشو هههههههههه
لا لا لا
نبي نصايح انتي اكتشفتيها بحياتك وتحبين تنصحين فيها بنتك واختك
يا الله أنا ببدا
~~~ بسم الله ~~~
1-إذا سافرتوا خوذي معك غلاية شاي كهربائية وسكر وشاي وتوست وجبن وعلبة حليب سايل وتمر واكواب ورقية
لان لو نمتوا بفندق وقمتي الفجر انت وعيالك الصغار او معكم احد كبير ومريض سكر وانتم جوعانين تقدرين تفطرينهم على الخفيف
بدون ما تتشحذين احد يجيبلكم فطور على هالفجر
2- اذا صار بالبيت مشكلة وهوشة شغلي سورة البقرة ورشي البيت بموية مقرية
خلي عندك علبة رشاش مثل اللي نكوي فيه الملابس وعبيها موية مقرية بقرآن ورشي بالبيت
راح تخف المشاكل بإذن الله
3- اذا عجبتك وحدة باخلاقها وحسيتيها بتكون صديقتك لاتتسرعين وتفتحين وتعلمينها باسرارك انتظري لما تمر سنة عشان تعرفين تثقين فيها او لا
4- عشان ماتعطشين برمضان ولا تتعبين كولي على السحور تمر وعسل ثم ابدي كولي سحورك المعتاد
5- اذا تبين تعيشين بسلام وراحة نفسية لاتقطعين رحمك ولاتتقاطعين مع الناس وتغافلي كثيييييييييييييييير واسمعي من اذن وزحلقي مع اذن ولاتاقفين للناس على الحبة
يكفي تنامين وانت مرتاح ضميرك واذا مظلومة ربي بيستجيب دعوة المظلوم
6- اذا دعيتي ربي باي شي اجمعي بقلبك شيئين اللي هم المذلة لله واليقين انه قادر على تحقيق المستحيل وعيدي الدعاء كل شوي وكل بعد اذان وبالسجود وقبل الفطور وبقيام الليل وكرريه كثييير
7- خلي عندك بالبيت دايم حلاو وعلوك واذا زارك طفل يقربلك او من جيرانكم عطيه وانويه صدقة
خلصت واذا تذكرت بعد شي بحطه إن شاء الله
بانتظار نصايحكن :26:
135
12K
يلزم عليك تسجيل الدخول أولًا لكتابة تعليق.
استفدت من نصائحكما جزاكما الله خير
وماعندي اكثر واجمل من اللي عندكم
وبيع الموية في حارة السقايين غباء
من المواضيع اللي في صميم الحياة فايدتها
اهنيك
وماعندي اكثر واجمل من اللي عندكم
وبيع الموية في حارة السقايين غباء
من المواضيع اللي في صميم الحياة فايدتها
اهنيك
إذا ودك تسوين كبو (اللي هو جمرة وتحطين عليها قشور بصل ومرة ورشاد او هدب عشان تتعالجين عن الشمم)
بس ماعندك شي تحطينها فيه
جيبي طاسه قديمة ماتبينها او قوطي فول وامليه تراب وحطي عليه الجمر وتكبي
الانسانة اللي تنقل لك حكي وكلام وأسرار ترا بالغالب تنقل عنك حكي وكلام وأسرار
لأن هذي هي صنعتها
الصفحة الأخيرة
جزاك الله خيرا إختي على طرح الموضوع والدين النصيحه
نصيحتي من تجربتي في الحياة إن ماتتسرعي في حكمك على اي شي وافهمي واستوعبي اي موضوع تتلقينه حتى لو كان حساس اغلب مشاكلنا تكبر بسب التسرع والحكم الخاطئ استمعي كثير اكثر من التحدث لان الي يستمع يكون الاقرب لقلوب الناس
وثاني نصيحه من تجربتي لاتندمين على المعامله الحسنه بين البشر وتقولي اعاملهم بالمثل الناس راح تتعامل معك بطريقتك
وأخيرا الكلمة الطيبة صدقه والكلام الحلو مو مكلف ابسط الكلمات تقربنا من كل الي حولنا وسبحان الله ربنا اعطانا القدره على الكلام الكثير لان إحنا نمتلك قلوب رقيقه وطيبه فخلي كلامك نابع من قلبك مع رضا وقناعه ومعاهم ابتسامه :) هذا كل شي
ربي يسعدكم وويوفقكم دنيا وآخره
اللهم آمين يارب العالمين