هلا والله بريحة الجنة ويجزاك الف خير حبيبتي
لا مع المويا افضل من الحليب لانه يحتفض بفوايده وينظف الرحم الحليب يبرد الزيوت المفيده في الفلفل جربيه بالمويا وادعيلي

إذا كنتي بسيارة ومعك واحد من عيالك مريض حرارة وبطنة
جهزي كيس وحطي فيه مناديل وخليه عند رجولك عشان اول مايقولك إنه تكرمون بيطرش تكونين جاهزة وما يوسخ السيارة وانت لسا تدورين كيس

على فكرة ماعندي أطفال انا مو متزوجة بس اللي ودها تدعيلي تدعيلي ربي يجعل فهد من نصيبي إن كان في ذلك خير لي ويسهل زواجنا

اذا رحتي بيت ناس غير بيت اهلتس لاتقومين وتشتغلين معهم او تدخلين المطبخ لان يمكن يمكن مطبخهم حوسه او ماهو مرتب فتحرجينهم واذا خلصتي تعشيتي لاتروحين للمطبخ تغسلين خليها تعلمتس وين المغاسل

أبوتس أبوتس ضميه كل وقت وكل حين سمعيه كلمه حلوه اجلسي معه سولفي اضحكي لاطلب منتس شي سم وامر لان بين غمضة عين وانتباهتها يمكن تفقدينه ويجيتس تانيب ضمير طول الحياه على كل دقيقه ماقضيتيها معه او رديتي برد قاسي عليه .

- دراستس لاتشدين على نفستس ممره ولاترخين مرره خليتس وسسط .

-اسراراتس مهما كان لا تقولين لاحدد فضفضي بسجدة الوتر اكتبي اللي مضايقتس بورقه وشققيها - ابكي لحالتس وطلعي حزنتس وابتسمي عند الناس لان نظرات الشفقه من الناسس تذذبح .

- تغابي على الكلمة اللي تضايقتس ومشي لان لو قعدتي تدققين ورى كل كلمة وكلمة بتتعبين وذا كله ماهو من صالحتس تنقهرين ويجيتس القولون والناس ماجابوا خبرتس .

- لاتقارنين عيالتس وبناتتس بعيال وبنات خلق الله لكل انسان له قدرات وميزات والمقارنه اذا كنتي تحسبينها بترفع من معنويات عيالتس بالعكس تحبطهم .

-حاولي قد ماتقدرين بالتس يكون طططويل مع عيالتس حاوللي عشان تكسبينهم (لاتصير قاسيا فتكسر ولا لينا فتعصر )

- بنتتس لا تكسحينها عند الناس او تطيرين عيونتس عليها او تتلفظين عليها بالعكس امدحيها عندهم واذا قالت شي غلط عند الناس لاراحوا اجلسي انتي وياها وفهميها .

- ولدتس لاتتركينه على كيفه يروح ويجي شوفي وين يروح اسئليه لاتتتركين الحبل سايب .

- بيتتس خلي غرفة منظفة ومعطره عشان لو تجيتس وحده فجاة ماتختبصين .

- اذا بنتتس صغيره عمره سنتين و ثلاث لاقالت لتس كلمة ماهي زينه او ضربتس لا تضحكين لها لانها بتعتبرها لعبه وتعود عاد .

رجالتس من البداية عوديه على الطلعة والجية (رجالتس على ماعودتيه ولدتس على ماربيتيه)

- اذا ا امدحتس وحده لا تقولين تمزحين او وش دعوى بالعكس اشكريها وابتسمي .

- اذا عندتس راي مخالف لاي موضوع قوليه لاتكونين معاهم معاهم عليهم عليهم .

- صديقتس اذا غلطت سامحيها وتذكري افعالها وصفاتها الجميله لاتكونين مثل ( احسنت له دهرا واسئت له يوم فنسي الدهر وتذكر اليوم )

- لاتكونين ثرثارة تسولفين على الفاضي والمليان سولفي بمواضيع عامه اما وش صار بيت اهلتس او بيت زوجتس او مشكله صارت مايصلح تقولينها .