نصايح الهنديه لي عن الشعر

هلا بنات اشلووونكم ؟؟

الله يسلمكم اليوم انا رايحه الصالون وحطيت حنه حق شعري <<< ويييع :(

المهم ان بعدين لي ما الحنه براسي رحت قسم الحفاف احف جسمي

جان الي تحف حق اختي هنديه وماشالله شعرها شي عجيييييييييييب

انا صرت :eek:

انا استحي اسالها قعدت احن على اختي سأليها عن احسن الزيوت اهيا هنديه وتعرف

جان اختي قطتها في ويها وقالت لها : شنو تستخدمين حق شعرج !!

واهي مسكينه كانت عادي تقول ، قالت استخدم اي زيت

بس احسن شي اخلطي زيت اللوز وزيت زيتون وزيت ثالث اسمه كاستر او شي جذي بس الصراحه هذا ماعرفته ..

تقول قبل ماتسبحين حطيه ساعه وحده بس يكفي..

بس اهم شي لما تحطينه مساج ربع ساعه ..

وقعدت اسألها عن الزيوت وانواعها وهذا ردها على الي سالتها :

1- دابر : في البدايه الشعر يطيح بس عقب يطلع لج شعر حلووو وكثيف..
بس مشكلته ان ماتقدرين تقطعينه لأن اذا وقفتيه بيطيح كله ..

2- فاتيكا : تقول اهيا ماناسبها لأن لما استخدمته شعرها تساقط ..
بس بنات انا استخدمته ووااااااااااايد نفعني وشعري وايد كثف منه .. مادري يمكن اهيا ما ناسبها

3- الشامبوات : تقول انتو في البحرين ماعندكم شامبوات زينه !!
تقول يمكن سلفكرين وهربل اسنسز احسن من الباقي..
سألتها وهيمالايا الشامبو الهندي، جان تقول مادري عنه مانستخدمه !!

4- الحنه : تقوول واااااااايد زينه للشعر وتوقف التساقط، وصج يا بنات انا صادني تساقط مو طبيعي فجأه واليوم لما حنيته والله ان ماشالله 80% من التساقط قل ..

5- حمام زيت فاشكول الي على ثوم : نصحتني فيه تقول وايد زين، تقول عقب ماتغسلين شعرج حطي منه 5 دقايق بس وغسليه بماي ..

ووبس :)

بس تدرون كان ودي اقولها تقص اطراف شعرها لأن ماشالله كله حلو بس الظاهر كانت صابغته واطرافه متقصفه
بس بشكل عام شعرها روووووووووووووعه

سامحوني على القصور بس حبيت افيدكم بلي عرفته منه :)