نصـــــــــائح فتاكه لمن تريد زوجها خاتم بيدها زيي

نصـــــــــائح فتاكه لمن تريد زوجها خاتم بيدها زيي

نجي لموضوعنا نصائـــــــح فتاكه لمن تريد ان يصبح زوجها خاتم بيدها زيي
اسمعن واصحن من سباتكن
عشان تسيطرن على الاوضاع..ويصير المعرس خاتم بااصبعكن ويمكن لانجحتي تكفخينه

تابعوا نصائح


اذا جابلك السبع هديه عطر مثلا ....لاتفرحين وتقعدين بهباله تشكرينه وتقولين حلو يهبل يعطيك العافيه حياتى لانك كذا بتصيرين كنك ماشفتى خير ..انتى بكل بساطه ناظرى الهديه ببرود وابتسمى ببرود ...وقولى:يووووه ياحليلك يا خالد (مثلا) هذا كنه العطر اللى حاطته اختك على مغسلة الايدين حقتهم.. ترى يتحطم بقوه وبيطيح وجهه .. وبيقول وانا وش درانى شفت ريحته حلوه قلت اجيبه ...قولى مو مشكله نحطه على المغسله حقتنا.
صدقينى بعد هالمره بيحرص يجيب لك هديه عليها القيمه مو يلعب عليك بقاروره عطر...

واذا شفتى انه لازال للسعاده اثر بوجهه....اتخذى الاجراءالثانى....عايريه باى شى عندكم...قولى مثلا:

متى بنغير هالسياره القرنبع اللى تفشل...والله انى استحى عند اهلى من سيارتك...اشتر سياره بالتقسيط بس نفتك من قرنبعك هاذى....او قولى له: الله يخلف على بالجنه ....الناس عايشين عيشه حلوه وفي بيوت تفتح النفس ويسافرون كل سنه ....وانا ياحسره منكتمه بهالشقه المخيسه....صدقينى بتنهار سعادته فى الحال ....
اذا رحتى سوق خليه هو اللى يشيل الاكياس ...لا تسوين حبوبه وتشيلين الاكياس معه....واذا هو قالك شيلى بعض الاكياس ....ميخالف شيليها....بس لا اوصيك اذا رجعتو للبيت اقلبى ليله طنطنه وونونه.....

وقولى له : اه يا كتوفى حسبى الله عليك ياخالد ....خليتنى اشيل اثقل الاكياس.....مصعتنى....ابى اروح لامى تدهن مصوعى.....وانتى بعد هالفاصل العذب من الشكوى اعتمدى ما راح يخليكى تشيلى اكياس فى السوق

( على فكره اذا رحتى لم اهلك نامى عندهم اسبوع وان قالك قومى نروح لبيتنا قولى له تو مصوعى مابعد طابت)
اذاعزم اهله ...لاتطبخين انتى ...حتى لو مد بوزه وزعل عليكى...قولى اكثر ماكثر الله المطاعم ....وان غلبك ولزم انك تطبخينه انتى...عاد لا اوصيك ....كثرى الملح بالاكل ...حتى الحلا حطى فيه ملح ...ترى دايم الكبار عندهم ضغط ...ومانعينهم من الملح .....عاد اهو بعد هالمره ماهوب عازمهم ...وان تلقف وعزمهم طبخ الاكل برااا

الين طلبتى فلوس عشان تشترى فستان او اى غرض ....وعطاكى طفسه يبيك تتعودين على التقشف ...لا تقعدين تطلبينه ...وتقولى مايكفينى ....تكفى ابى زياده .....انتى بس اخذى الفلوس وناظريها بازدراء وانطليها بالارض ....وقولى خل فلوسك لك ....وش قالولك طراره ....الله يسلم راس ابوى ....وان كان ابوك طفران ..اومتوفى :(

لاسمح الله....قولى اببيع شبكتى ولا منتك....ترى بعد هالموقف ماراح يبخل عليك واى مبلغ تحددينه بيجيكي :29:
اذارحتو تتمشون طبعا بيحاول هو يفرض رايه واختياره ...ولو سالك وش تبين وقلتى ابى المطعم الفلانى ...اهو اكيد بيخالفك ويقول لا المطعم الثانى احلى ...عاد انتى روحى ولا تعاندين ....واذا جت الطلبات ...وبدا هو فى الرعى الجائر..لا تاكلين ....واهو بيسالك : ليه ماتاكلين ...قولى : ما احب اكل هالمطعم ....اهو بيقول : ليه ماقلتى
:42:
من الاول ...انتى ردى ببرود : قلت لك بس قلت انت هاذا احلى ....وما سمعت كلامى يعنى وش اسوى اغصبك.وانا أأكد لك نجاح هالطريقه ...وماعاد يفرض رايه عليك ابد....
-------------------------------------------------------------------------

فيه طريقه فعاااله ....اذا بغيتى اى شى مهما كان غالى او صعب ...اطلبيه دائما ليلة خميس....وان قال لا ...خذى وسادتك ومفرشك وروحى الغرفه الثانيه وقفلى على عمرك ونامى وخليه يغنى: ما اطولك ياليل بروحه.... وثقى تماما بالهالطريقه ....تراها انجح طريقه 100%100... :42:
=================================
:42::42:































































م
ن
ق
و
ل











:42:



لا تنسون تجربوهم



:42: