كوبونات الراقية تسجيل الدخول

أم ريفانا

نصيحة أخت أتمنى بس تقروها ولا عليكم أمر..

الأسرة والمجتمع •

السلام عليكم.. كيفكم حبايبي..

بصراحه شي بداخلي وبخاطري أطلعه إذا ممكن وأتمنى تتقبلوه بكل سعة صدر..:44:

بعض أخواتنا تدخل المنتدى وتكتب موضوع لأنها مجروحه من داخلها وتبي من يساعدها بكلام لين وطيب وترشدها للطريق الصحيح مو كلام جارح أو أقل شي تبي دعوات صادقة في ظهر الغيب.. اللي لاحظته بعض الأخوات ترد برد يجرح ويزيد الهم هم كذا حرااااام ماتدرون ممكن تسمع كلمتك وتروح المسكينة في ستين داهية.. والله لو لنفوسكم ماترضوها لا والله بس للغير عاااادي..

والله ياأخواتي أنا وحده منهم كان عندي مشكلة وكنت أدخل وأكتب لأن ماعندي أحد أشكي له إلا أنتوا بعد الله وأصلا الشكوى لغير الله مذله بس لا بد نفضفض اللي بداخلنا تجي وحده والثانية والثالثة كل وحده ردها يجرح أكثر من اللي قبلها والله جتني عقده وتعبت أكثر من اللي فيني ألين أرسلت لي وحده من الأخوات رساله ع الخاص اسأل الله يفرج همها وهمكم جميع ووقفت معي وقفت الأخت الصادقة وأول نصيحة منها كانت ( لا عاد تشكين للبنات في المنتدى لأنهم بيزيدوك وكل وحده تعبر بشخصيتها ) وهي قصدها أنه كذا وحده جرحوني بردودهم الله يسامحم ومن سمعت نصيحتها والله أرتحت كلما جيت أبي أكتب وأطلع اللي بداخلي أتذكر الردود اللي بتزيدني تعب وأوقف عن الكتابه والله يشهد..

وحده من الأخوات قريت موضوع لها من شوي وكانت الردود اللي قريتها بالصفحه الأولى ماشاء الله اسأل الله أن يجزي كل من كتبها خير الجزاء بجد حسيتهم أخوات صادقات يتمنون الخير لغيرهم اللي دعت لها واللي أعطتها كذا نصيحه بس ماحرضتها ع زوجها ورغم إن مشكلة الأخت كبيره بس والله من ردود الأخوات حسيت إنهم هونها عليها الله يفرج همي وهمهم جميع..

ما أبي أطولها بس أبي أوصل رسالة أتمنى الكل يفهمها إذا تدخلي لموضوع وماعندك سوى رد جارح أطلعي أفضل من إنك تردي وإلا أبسطها أدعي لها وأطلعي وتذكري الأجر اللي تكتبيها ع كلمتين..

خالص ودي لكم جميع...
11
1K

يلزم عليك تسجيل الدخول أولًا لكتابة تعليق.

تسجيل دخول

أ**أم ديدي**
أ**أم ديدي** •
صادقة ياقلبي وانا كتبت موضوع قبل سنة او 8شهور بعض الردود زي السم بعدها سرت ما اكتب اي موضوع

يخصني

سرت اكتب مواضيع مواقف وكذى بس
ام لين وحنين
ام لين وحنين •
والله معاك حق بكل كلمه بس منو يسمع تجيك الوحده منهم مشحونه ومنتفخه وتفرغ في البنت الي جايه تستشير وتشكي ،،،،
يااخوات الوحده تقول خير او تسكت احسن
وكل وحده تعبر عن نفسه وتربيته واخلاقه
جزاك الله خير ياصاحبت الموضوع والله يهدي الجميع
فدى الرسول
فدى الرسول •
يا ربي لك الحمد كا ينبغي لجلال وجهك وعظيم سلطانك
رفع
ببسي
ببسي •
أم ريفانا
أم ريفانا •
تشرفت بمروركم يالغوالي وياليت أحد يسمع الله يهديهم..