نصيحة من مطلقة لكل وحدة تفكر بالطلاق

السلام عليكم ورحمة الله وبركاته




صباح الخير والرضى عليكم بنات 🌷🌷


نصيحتي لكل وحدة تفكر بالطلاق وهالكلام أكتبه من قلبي لكم :
بغض النظر عن أسباب طلاقي ، لكن هالكلام أكتبه لكل وحدة تفكر تهدم بيتها بنفسها ومعها أطفال عشان شي هي مالها دخل فيه ومن هالاشياء
ترى الطلاق مو شي سهل أبدًا واللي تقول وتتكلم إنه عاادي وتعيشين حياتك وووووو ، تقول هالكلام من ورى قلبها، الطلاق شي مؤلم خصوصًا إذا بينكم عشرة عمر و مواقف وأطفال ، الطلاق قرار يحتاج قووووة ، عشان تتحملينه ولا حول ولا قوة إلا بالله ،
فانتبهي تطيعين الشيطان وتتركين حياة كاملة أسستيها من سنوات وتتركينها بلحظة غضب ، طبعًا مااتكلم عن اللي زوجها بدون سبب طلقها ، اتكلم عن اللي هي بنفسها تطلبه ، إذا صار لك مشكلة إلجئي لله سبحانه والله والله ما يحلها لك إلا ربي ، يسخر لك من يعينك و يسهل لك أمور ويفتح لك طرق ، الصبر ثم الصبر ثم الصبر مع الاستغفار كثرررررري قد ماتقدرين وصدقة وعمل خير ، لأن بيفتح لك أشياء طبعًا أنا هالاشياء كنت غااااافلة عنها كثير والله يغفر لي ويتوب علي لكن لعل وعسى تقرونها وتستفيدون مني قبل يقع الفاس بالراس ...




ربي يسخر لكم أزواجكم ويبعد عنكم كل أذى يارب ، ويعوضني بالزوج الصالح الأعزب وجميع بنات المسلمين يارب ...