نصيحه لكل بنت بتتمنى شخص معين زوج ليها ا(تجربتى)

انا عندى 24 سنه ونصف حكايتى بدات من كذا سنه وكنت بتمنى شخص معين ووقفت حياتى عليه بعدت عن اصحابى بعدت عن الدنيا وما فيها وكان املى انى اتزوجه وكنت ادعى ربى ليل نهار انى اخدته قلبى اتعلق بيه بطريقة غير طبيعية رفضت فرص كتيييير وخليته هو العالم بتاعى فى الواقع ليس بينى وبينه كلام ولكن بصفة انه قريبى من بعيد كنت بقابله فى اى مناسبه او اسمع عنه اى خبر وفعلا تقدم مرتين ولم يحصل نصيب وتزوج باخرى انا ساعتها مت كنت جسد بدون روح بغض النظر اذا كان هو شخص كويس ولا لا المهم انا
حياتى وقفت عليه بعدت عن كللل الناس وقطعت علاقتى باصحابى وتوحدت معاها فى خيالى والنتيجة
انى بقيت لوحدى عملت حادثة ودخلت المستشفى ملقتش حد يسال عليا شهوووووووووور وانا لوحدى لانى كنت بعدتهم عنى مكنتش بسال عن حد ولاعايزة حد غيرة ولما هو راح اكتشفت انى وحيييييييييييييييييييييييده وانا عملت كدة فى نفسى عرسان كتير رفضتها عشانه او عشان وهم عيشيت نفسى فيه دا غير التعب النفسى الى عانيت منه ومازالت بعانى منه بس مش عشانه عشان الى وصلت ليه
سنين من عمرى ضاعت منى عمرها ماهترجع فرص جواز ضاعت اصحاب مش هعرف ارجعهم تانى
وحدة رهيبه تعب نفسى احساس ان حياتى ضاعت وكل الى حواليا بنوا حياتهم كل دا ليه عشان وقفت حياتى على انسان مش من نصيبى
نصيحة لوجه الله يا كل بنت بتتمنى شخص معين ادعى بالزوج الصالح متبعديش عن صحابك ومترفيضيش حد عشانه
وكل واحدة كانت بتتمنى شخص واتجوز اوعى تزعلى اوعلى تضيعى لحظة من عمرك فى الحزن العمر غالى والوقت مش بيرجع
اتمنى من الى يقرا كلامى يدعى لى بالشفاء وربى يعوضنى خير على وحدتى الى انا فيها
اقصد الى انا وصلت نفسى ليها