نصيحه من مجربه ... الطريقه المثاليه لتخفيف الوزن ...

السلام عليكم ..

خواتي أول شي كل عام وانتوا بخير وربي يعود عليكم رمضان بالعفو والعافيه ..

ندخل في التفاصيل عن اتكفخ ...


بعطيكم كم نصيحه جربتها وقت رجيمي والحمدالله يابت نتيجه ...

طبعاً مانزل وزني وايد بس يمكن 5 كيلو بس تخيلو انا قاطعه الرجيم من شر 7 ..

الين الحينه الحمدالله مازدت الا كيلو يمكن او نص بعد ...


نصيحتي الأولى لكم ...

الوقت اللي بتتبعون فيه النظام الغذائي ..

شلوا من تفكيركم انكم تسوون الرجيم .. لأن هالشي بيخليكم تتعبون وودكم تاكلون الين ماتقولون بس ....

وثاني شي لاتسوون الرجيم القاسي لأنه صدقوني الوزن اللي تفقدينه بسهوله بتردينه بسهوله تااااااااامه يعني من تاكلين تفاحه زياده عن الرجيم بتردين دبلات >>>>>>>>>>>قويه ..احم ماعلينا المهم ...

نظموا أكلكم وحاولوا تبتعدون عن العصاير قدر الأمكان ...

وخلوا أكلكم المشويات ..

سواء سمك أو لحم أو دجاج ... بس اللحم خلوه لمدة مرتين بالأسبوع ...

والشاي حاولوا انكم تاخذون الكوب اللي تشربونه دايماً وحطوا فيه السكر العادي اللي تحطونه دايماً ولكن الحليب خليه يكون لوفات ...

اذا كان خاطركم في الحلويات تقدرون تاخذون الكت كات مره وحده بين الريوق الغدا ...

وكثروا الخضره كثر ماتبون ...

بس المهم انكم الظهر تاخذولكم شي من النشويات مثل القلييل من الرز ابيض مع خضره الين ماينفجر الصحن وقطعة مشويات مثل ماتحبون ...

من الرياضات اللي انصحكم فيها المشي لمدة ساعه ... صدقوني بتنتظم الدوره الدمويه عندكم ودقات القلب بتتنتظم وويهج بيورد صدقوووووووني انا ويهي اعتدل وحسيتبه صفى ... كنت أمشي بعز الحر ... وساعات اتخبل وأدور 3 فرجان جني أم هلال ...

وعندكم رياضة الآيروبيك هذي ارياضه تهلك وتكسر الجسم بس تساعدكم على الليونه وعلى تخفيف الأماكن اللي تبين تخففينها ...

وعندكم رياضه حلوه أسويها يوم كنت أقطع الرجيم وألعن بو أسلافه كنت آكل الباستا البحري (( أي قلبييييييييييييييي وجبتي المفضله )) وأسير على طول أسوي أكوا ...

صراحه أحس انه يرسم الجسم رسم ....

والحمدالله بهالطريقه ضعفففففت ضعففف وأحس حتى بدلاتي وسعت والله ..

واذا اي وحده من بنات الأمارات تباني أعطيها عنوان الدكتوره الخاصه بالتغذيه طرشولي على الخاص ..

بس صدقوني وااااااايد استفادوا منها وانا منهم ومووووول ماعطتني أدويه مشت معايه خطوه بخطوه ....


ويه تعبت وانا أهذرب صبوعي تكسرت :(


وأتمنى لكم كل التوفيق في رجيمكم

اختكم::راعبيه ...