نصييحه يابنات من اخت محبه لكم الخير

وربي ماكتبت الا عشان ابيكم تستفيدون انا زوجي طيب وقلبه ابيض بس فيه مشكله عوييصه مبهذلني بعصبيته ع الطالعه والنازله ع اتفه امور وانا طبيعتي هاديه ماحب الصراخ والعصبية وحساسه اتاثر من الخصام ولنا خمس سنوات وزياده من تزوجنا ع هالحاله واقول ان شاء الله يتغير للاحسن بس مافي فائده ومن كم يوم طفشت وصرت ادعي عليه دعاوي الله لايقدرها بس ارسلها له في الواتس عشان يعرف قد ايش انا متنكده من اسلوبه معاي وتطفيشه لي وقلت له حياتي سوداء وادعي واليوم تخاصم مع واحد في الشارع وجاء ضابط حسبي الله عليه وتمشكل معاه وسوا له توقيف ومدري متى بيفكونه والحين جالسه ابكي وادعي انه يرجع لنا سالم كفايه عياله فقدوة  بسلامتهم وسلامته بنتي نامت ودمعتها ع خدها تصيح وتبكي مفتقدته وكلمي بابا .. استغفر الله واتوب اليه الله يرحمنا برحمته لاتدعون ع ازواجكم مهما كان حتى اليوم رديت ع واحده تسال تدعون ع ازواجكم اذا ضايقوكم قلت احيانا وسبحان الله يوم جاني الخبر في الليل كان كالصاعقه اسأل الله ان يفرج همنا ويرجع لنا ابونا سالم دعواتكم بنات