نعومه هيضتينا الله يبلغنا اياه واحنا بصحه وعافيه ومن نحب الله يوسع صدرك بالعافيه مثل ماوسعتي صدورنا بهاالسوالف الحلوه واهم شي الشوربه والسنبوسه واحيانا ًالسبرنق رول بالفرن والا القيمات والحمد الله ع كل نعمه الله يجعلنا من صوامه وقوامه والله يتقبل منا واخوان المسلمين نعومه احبك في الله ويارب مايجي رمضان الاسوريا منتصره الله ينصرهم يارب

آآآآآه وألف آه وايش اقولك يا أنامل ناعمة رمضان من صغرنا وله ذكريات خاصة مع الفوانيس نشتريها للزينة والأغاني الشعبية المعروفة عن رمضان والوالده نور البيت في رمضان .

لكن الله يرحمها راحت وراح كل فرح معها ماصرت احس بشئ بعدها انا واخواني نحس في شئ ناقصنا في البيت لارمضان له طعم ولا العيد له لون بعد امي الغالية ,أحاول اصبر نفسي دائما وأغير حياتي لكن يظل القلب متقطع ع فراقها حتى الفطور لما كانت موجودة كنت اتفنن وكانت هي تساعدنا ونبدع سوا بس الحين اي شئ نرضى فيه اللهم اغفرلها وارحمها واجبر كسر خاطري وضعف حيلتي وهواني ع الناس دعواتك لنا .

حبيبتي انامل

عجبني مووضووعك والبنات ماقصروووا .....

سبحان الله رمضان له طعم خاص غير كل الشهوور .. فتشووفيني اجهز له من قبلها بحوالي 3شهوور

اول شي اجهز البهارات للشوربه ... اشتريها مثل الكزبره والقرفه والقرنفل والشيبه واالكمون وورق الغار والليمون الاسود

وانظفها واخلط الي اخلط واطحن الي اطحن

ان شاء الله انزلها بالصور اذا بديت اطحنها واجمعها

القهوه اشري الكيس الكبير انظفه واحمسها واطحنها يطلع معي حوالي 3كيلوو وحطها بالفريزر

هذا اهم شي عندي قبل رمضان


وعندي اهم شي يوميا برمضان من حوالي 30 سنه وهذي عادتي قبل الفطوور بحوالي 5دقايق ااجهز المبخر وحط كسرة عودة سبحان الله عيالي تعودوو عليها

وهل الريحه تحسسهم برمضان ... على شان ريحة القلي والطبخ

كل يوم اجهز البصل والطماطم والبقدونس والكزبره بالليل واليوم الثاني بس اطلع واسوي

والعصيرات اجهزها بالثلاجه اول شي وبعدها ابدى بالشوربه وبعدها السمبوسه اجهزها واحشيها وصلي العصر واسوي الفطاير او اي

صينيه واخر شي اسويه السلاطات

وبعدها اجهز القهوه واجلس اشووف البرنامج الديني الي يجي على اساعه خمسه

وبنتي تجهز السفره وبكذا ما يكوون عندي ضغط يارب لك الحمد

حبيبتي لا ماتتعب ام زوجي بشئ الله يسعدك كل شي على الشغالات ما شاء الله ثلاث واحيانا اربع اذا وحده من سلفاتي ما رسلت شغالتها لاهلها احيانا حتى السمبوسه والشوربه هم يسوونها

نحن اسرة صغيرة مكونة من 4 أشخاص أهم شي السمبوسة باللحم وشوربة كويكر وطبعا العصيرات التوت وتانج ، والسحور دائماً على الساعة 3 ويكون رز أي نوع المهم رز