الله يبلغنا رمضان

الله يبلغنا رمضان واحنا في اتم الصحه والعافيه
فطورنا اكيد لازم على السفره تكون السنبوسه ونوع ثاني يكون حلى ياكنافه يالقيمات اومعجنات ولازم يكون معها العصير والفيمتو
اما بالنسبه للشوربه مايحرص عليها زوجي لأن الجو حار
اكثر شي يحرص عليه الكريمه والسحور اكيد كبسه وان غيرنا مكرونه واللبن ضروري على السحور

يازين رمضان ويازين ايامه وربي اني مشتاقة له
الله يسامحك>>>>:44:
بالنسبه ليومي برمضان
اول يوم بالعادة عند اهلي وبالنادر يكون عند اهل زوجي
اما باقي الايام في بيتي
ادخل المطبخ الساعه3ظهرررراً:angry:
واجهز حشوة السمبوسه
اهم شي السمبوسه واذا مافيه سمبوسة احس الفطور ناقص
سلطه (خضار او فواكة)
مقليه وسلطة التمر الهندي
تمر ودخن
وتوت او تانج
واحيان شعريه او صينيه ايدام
ولابد من وجود الانسه قهوة
انا مااكثر اكل اول شي لان زوجي مهددني >>>خخخخخخ:09:
ثاني شي احنا اربع افراد بناتي مايجلسون على السفرة خير شر
اما الشوربه مااااحبها ولازوجي يشربها

بس عند اهلي شي اساسي
ياويلهم من ابوي اذا ماشاف الشوربه يطلق الحرمتين
>>>هههههه ابوي متزوج 2
وياحبي للنومة قبل العشاء
زوجي يفطر ومايكثر وبعدين يروح للمسجد
وانا اشيل عفشي وانااااام
واصحى واصلي التروايح وانظف بيتي وابخر واجهز قهوتي وانتظر صقري
ووووبس
ماادري فيه شي ماذكررته

ايوه صح

السحور بالعادة خفايف بالنادر نسوي كبسه


ووووووسلامتكن


ادررري هرجت وووايد العذر منكم
بس حبيت الموضوع وهرجت من صماصيم قلبي

أنا زوجى لااااااااازم شوربه كويكر باللحم وتكون مطبوخه تماااااام و لاهى ثقيله ولا خفيفه يعشقهااااااا

والباقى عادى ماااااااايهتم و بصراحه أنقهرررررر أبي أطبخ وأتفنن لكنه مايهمه
يعنى أول مايأذن نفطر طبعآ على التمر وملحقاته << قشطه و طحينيه تمر و ممكن لبنه
وبعدها الشوربه والعصيرات << فيمتو ضرووووورى وعصيرات

وأنا من نفسي أسوى شعيريه ، سمبوسه ، مكرونه ، فطاير توست وأتفنن بأشكالها ، كفته ، لحلوح وأكثر الاحيان احشيه وألفه

وطبعآ عائلتى جدآ صغيره أنا وزوجى وبناتى 2 صغار
بس خلال رمضان زوجى لازم يسوى فطور لقرايبه أو أصدقائه أو أخوانه و أقل شىء من خمس ل ست مرات
وهذا نظامنا برمضان الله يعيده علينا


أيه صح نسيت ترى اللقيمات ضروريه وأحب وأنا أناأكلها أغمسها بالقشطه يمى
والحلا مو مره أهتم
و السحور كبسه أو أى طبخه دسمه

الله يبلغنا رمضان واحنا بصحة وعافية