كوبونات الراقية تسجيل الدخول

جوري10
جوري10 •
الــــدانـــه الــــدانـــه :
هلا جوري ما قصرتي لا انتي ولا قشر قهوة كلكم تحبون الخير الله ينولكم الني في بالكم عجبني نظامك لانه خفيف بس ودنا لو تقولين مقادير السفوف لكل نوع والحاجة الثانية بالنسبة لخبزكم والمصابيب ياريت الطريقة بالتفصيل وهل تحطون عليها خميرة العجين وكذلك العصيرات ايش تشربون منها ؟؟ انتظرك يا قمر
هلا جوري ما قصرتي لا انتي ولا قشر قهوة كلكم تحبون الخير الله ينولكم الني في بالكم عجبني نظامك...
اهلين اختي بالنسبه للمقادير سفوف الايام الاولى (كوب حلبه +نصف كوب حبه سوداء +فنجال شمر +ملعقة كبيرة مسمار +فنجال ماش ) وسفوف الايام الاخيرة (كوب حبة سوداء +ملعقه كبيرة مسمار +ملعقه كبيرة قرفة +ملعقه كبيرة فلفل اسود +ملعقه صغيرة محلب +فنجال شمر +فنجال رشاد )ونسيت اقول ان الرشاد يكون حب ما يطحن وباقي المقادير تطحن الكوب استخدم كوب جبنة كرافت السايلة الطويلة والفنجال طبعا فنجال القهوة العادي مو الكبير .
الخبز البر انا اخلط كوب ونصف دقيق بر مع ملعقة خميرة وملعقة بكنج بودر وبيضه وملعقتين حليب بودرة واعجنه بماء فاتر لحدما يصير عندي عجينه رخوة مثل عجينة الكيك واتركه نصف ساعه ثم احطه في صينيه مدهونه واخبزه عادي بالفرن وممكن ارش عليه شوي حبه سوداء واذا طلعته من الفرن اصب عليه سمن او زبده واكله مع حليب والسفوف ممكن اخلطه مع الخبز يعني احط معه ملعقتين او اخليه مع الحليب المصابيب والمرقوق انا الصراحه دايما ام زوجي الله يجزاها خير تصلحها لي يوميا وترسلها لي لان بيتي قريب من بيتها بس تقدرين تلقين طريقتها هنا في اطباق عالم حواء والعصيرات قليل مانشربها في النفاس بالنسبه لي اعتمد على المشروبات الساخنه حتى في عز الحر بس اختي في نفاسها تشرب عصير فواكه مثل نادك والمراعي وماشاء الله ماضرها .
شموع الامل***
شموع الامل*** •
الله يعطيك العافية انت وقشر قهوة وكل شخص ولة رأى ونظام حن من عوايدنا ماناخذ سفوف ولا لهوم بس نهتم بأكل والغسول والتبخر لازم والحمدلله مافية مشاكل بس أستفدت مره من الاخوات قشر قهوة وأم عبودي وغيرهم الله يجعلها في موازين حسناتهم..
جوري10
جوري10 •
zeze24 zeze24 :
الله يعطيك العافية و يقومك بالسلامة ان شاء الله و استفدت من كلامك لاني لي اسبوع من يوم ولدت بس عندي سؤال .. الفلفل الاسود ما يأثر عالرضاعه ؟؟ جزاك الله الف خير
الله يعطيك العافية و يقومك بالسلامة ان شاء الله و استفدت من كلامك لاني لي اسبوع من يوم ولدت بس...
الحمد لله على سلامتك انا ماطولت بالرضاعه الطبيعيه بس خواتي اشوفهم يرضعون عادي ماأثر عليهم وماعندي معلومة اذا كان يضر او لا .
فيولا
فيولا •
ماشاء الله تبارك الله نفس طريقتنا انا واخواتي وفعلا كثر الخربطة مالها داعي والكبو اغلب المعاجات الشعبيات ماينصحون فيه
جوري10
جوري10 •
الــــدانـــه الــــدانـــه :
برضو سؤال ثاني يا عسل كيف طريقة المرة مع القهوة ؟؟؟ ....يعني ما تنقعين المرة في موية وتشربين عادي والترويش وشرب الماء ما جبتي سيرتها ؟؟ وكذلك الزنجبيل والحلبة متى تستخدم ننتظرك
برضو سؤال ثاني يا عسل كيف طريقة المرة مع القهوة ؟؟؟ ....يعني ما تنقعين المرة في موية وتشربين...
المرة تاخذين كسرة صغيرة وتحطينها في فنجالك وتشربين عليها قهوة وماجربتها مع الماء بس اتوقع زينه والترويش انا وخواتي مانصبر عنه كل يومين لازم نتروش بس نحرص اننا نضم رجولنا ومانخلي الماء يدخل وعلى فكره الترويش يختلف من وحده لثانيه حنا متعودين عليه ومايضرنا بس اسمع انه فيه حريم يضرهم والماء نشرب عادي بس مو بارد ،الزنجبيل مانستخدمه لانه يسبب مويات والحلبه موجودة في السفوف وتكفي لان كثرتها مو زينه ممكن تشربينها مع حليب العشر ايام الاولى من النفاس بس تقللين من كميتها بالسفوف .